This document is an excerpt from the EUR-Lex website
Document 32015D0546
Commission Implementing Decision (EU) 2015/546 of 31 March 2015 authorising an extension of use of DHA and EPA-rich oil from the micro-algae Schizochytrium sp. as a novel food ingredient under Regulation (EC) No 258/97 of the European Parliament and of the Council (notified under document C(2015) 2083)
Deċiżjoni ta' Implimentazzjoni tal-Kummissjoni (UE) 2015/546 tal- 31 ta' Marzu 2015 li tawtorizza l-estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2015) 2083)
Deċiżjoni ta' Implimentazzjoni tal-Kummissjoni (UE) 2015/546 tal- 31 ta' Marzu 2015 li tawtorizza l-estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill (notifikata bid-dokument C(2015) 2083)
ĠU L 90, 2.4.2015, pp. 11–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
2.4.2015 |
MT |
Il-Ġurnal Uffiċjali tal-Unjoni Ewropea |
L 90/11 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/546
tal-31 ta' Marzu 2015
li tawtorizza l-estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel ġdid skont ir-Regolament (KE) Nru 258/97 tal-Parlament Ewropew u tal-Kunsill
(notifikata bid-dokument C(2015) 2083)
(It-test bl-Ingliż biss huwa awtentiku)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 258/97 tal-Parlament Ewropew u tal-Kunsill tas-27 ta' Jannar 1997 dwar l-ikel il-ġdid u l-ingredjenti tal-ikel il-ġdid (1), u b'mod partikulari l-Artikolu 7 tiegħu,
Billi:
|
(1) |
Fis-6 ta' Lulju 2012, l-awtoritajiet kompetenti tar-Renju Unit awtorizzaw, skont ir-Regolament (KE) Nru 258/97, it-tqegħid fis-suq taż-żejt rikk fl-aċidu dokosaeżaenojku (DHA) u l-aċidu ejkosapentenojku (EPA) mill-mikroalga Schizochytrium sp. bħala ingredjent tal-ikel il-ġdid biex jintuża f'ċertu ikel. |
|
(2) |
Fid-19 ta' Novembru 2012, il-kumpanija DSM Nutritional Products talbet lill-awtoritajiet kompetenti tar-Renju Unit estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel il-ġdid. |
|
(3) |
Fid-29 ta' April 2013, l-entità kompetenti tal-valutazzjoni tal-ikel tar-Renju Unit ħarġet l-ewwel rapport tal-valutazzjoni tagħha. Dak ir-rapport jikkonkludi li l-estensjoni tal-użu ta' dan iż-żejt tal-alga tissodisfa l-kriterji tal-ikel il-ġdid stabbiliti fl-Artikolu 3(1) tar-Regolament (KE) Nru 258/97. |
|
(4) |
Fid-9 ta' Lulju 2013, il-Kummissjoni ppreżentat ir-rapport ta' valutazzjoni preliminari lill-Istati Membri l-oħra. |
|
(5) |
Matul il-perjodu ta' 60 jum stabbilit fl-ewwel subparagrafu tal-Artikolu 6(4) tar-Regolament (KE) Nru 258/97 tqajmu xi oġġezzjonijiet motivati. |
|
(6) |
Fil-25 ta' Marzu 2014, il-Kummissjoni kkonsultat lill-Awtorità Ewropea dwar is-Sigurtà fl-Ikel (EFSA) u talbitha tagħmel valutazzjoni oħra tal-estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel il-ġdid skont ir-Regolament (KE) Nru 258/97. |
|
(7) |
Fit-18 ta' Settembru 2014, l-EFSA adottat opinjoni xjentifika dwar l-estensjoni tal-użu taż-żejt rikk fid-DHA u l-EPA mill-mikroalga Schizochytrium sp. bħala ingredjent tal-ikel il-ġdid (2), u kkonkludiet li huwa sikur skont l-użi u l-livelli ta' użu proposti. |
|
(8) |
Din l-opinjoni tagħti biżżejjed raġunijiet biex jiġi stabbilit li ż-żejt rikk fid-DHA u l-EPA mill-mikroalga Schizochytrium sp. għall-użijiet u l-livelli ta' użu proposti jikkonforma mal-kriterji stabbiliti fl-Artikolu 3(1) tar- Regolament (KE) Nru 258/97. |
|
(9) |
Id-Direttiva 2002/46/KE tal-Parlament Ewropew u tal-Kunsill (3) tistabbilixxi rekwiżiti dwar is-supplimenti tal-ikel. L-użu taż-żejt rikk fid-DHA mill-mikroalga Schizochytrium sp. għandu jkun awtorizzat mingħajr preġudizzju għar-rekwiżiti ta' dik il-leġiżlazzjoni. |
|
(10) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Iż-żejt rikk fid-DHA u l-EPA mis-Schizochytrium sp. kif jispeċifika l-Anness I jista' jitqiegħed fis-suq tal-Unjoni bħala ingredjent tal-ikel il-ġdid skont l-użu definiti u fil-livelli massimi stabbiliti fl-Anness II mingħajr preġudizzju għad-dispożizzjonijiet tad-Direttiva 2002/46/KE.
Artikolu 2
Id-deżinjazzjoni taż-żejt rikk fid-DHA u l-EPA mill-mikroalga Schizochytrium sp. awtorizzata b'din id-Deċiżjoni dwar it-tikkettar tal-oġġetti tal-ikel li fihom dan l-ingredjent, tkun “żejt rikk fid-DHA u l-EPA mill-mikroalga Schizochytrium sp.”.
Artikolu 3
Din id-Deċiżjoni hija indirizzata lil DSM Nutritional Products, 6480 Dobbin Road, Columbia, MD 21045, l-Istati Uniti.
Magħmul fi Brussell, il-31 ta' Marzu 2015.
Għall-Kummissjoni
Vytenis ANDRIUKAITIS
Membru tal-Kummissjoni
(2) EFSA Journal 2014; 12(10):3843.
(3) Id-Direttiva 2002/46/KE tal-Parlament Ewropew u tal-Kunsill tal-10 ta' Ġunju 2002 dwar l-approssimazzjoni tal-liġijiet tal-Istati Membri dwar is-supplimenti tal-ikel (ĠU L 183, 12.7.2002, p. 51).
ANNESS I
Speċifikazzjoni taż-żejt rikk fid-DHA (aċidu dokosaeżaneojku) u fl-EPA (aċidu ejkosapentenojku) mill-mikroalga Schizochytrium sp.
|
Test |
Speċifikazzjoni |
|
Valur aċiduż |
Mhux iktar minn 0,5 mg KOH/g |
|
Valur perossidu (PV) |
Mhux iktar minn 5,0 meq/kg żejt |
|
Umdità u l-volatili |
Mhux aktar minn 0,05 % |
|
Materjal insaponifikabbli |
Mhux aktar minn 4,5 % |
|
Aċidi xaħmi trans |
Mhux aktar minn 1,0 % |
|
Kontenut ta' DHA |
Mhux anqas minn 22,5 % |
|
Kontenut ta' EPA |
Mhux anqas minn 10 % |
ANNESS II
Użi awtorizzati taż-żejt rikk fid-DHA (aċidu dokosaeżaneojku) u fl-EPA (aċidu ejkosapentenojku) mill-mikroalga Schizochytrium sp.
|
Kategorija tal-ikel |
Livell massimu ta' użu ta' DHA u ta' EPA (mg/jum) |
|
Supplimenti tal-ikel |
3 000 mg kif rakkomandat mill-manifattur għall-popolazzjoni adulta, esklużi n-nisa tqal u li jreddgħu |