EUR-Lex Access to European Union law
This document is an excerpt from the EUR-Lex website
Document 32015D0493
Council Decision (EU) 2015/493 of 17 March 2015 amending Decision 1999/70/EC concerning the external auditors of the national central banks, as regards the external auditors of the Latvijas Banka
Deċiżjoni tal-Kunsill (UE) 2015/493 tas- 17 ta' Marzu 2015 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Latvijas Banka
Deċiżjoni tal-Kunsill (UE) 2015/493 tas- 17 ta' Marzu 2015 li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Latvijas Banka
ĠU L 78, 24.3.2015, p. 16–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
24.3.2015 |
MT |
Il-Ġurnal Uffiċjali tal-Unjoni Ewropea |
L 78/16 |
DEĊIŻJONI TAL-KUNSILL (UE) 2015/493
tas-17 ta' Marzu 2015
li temenda d-Deċiżjoni 1999/70/KE dwar l-awdituri esterni tal-banek ċentrali nazzjonali, fir-rigward tal-awdituri esterni tal-Latvijas Banka
IL-KUNSILL TA' L-UNJONI EWROPEA,
Wara li kkunsidra l-Protokoll (Nru 4) dwar l-Istatut tas-Sistema Ewropea ta' Banek Ċentrali u tal-Bank Ċentrali Ewropew anness mat-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea, u b'mod partikolari l-Artikolu 27.1. tiegħu,
Wara li kkunsidra r-Rakkomandazzjoni BĊE/2015/3 tal-Bank Ċentrali Ewropew tat-3 ta' Frar 2015 lill-Kunsill tal-Unjoni Ewropea dwar l-awdituri esterni tal-Latvijas Banka (1),
Billi:
|
(1) |
Il-kontijiet tal-Bank Ċentrali Ewropew (BĊE) u tal-banek ċentrali nazzjonali tal-Eurosistema għandhom jiġu awditjati minn awdituri esterni indipendenti rrakkomandati mill-Kunsill Governattiv tal-BĊE u approvati mill-Kunsill tal-Unjoni Ewropea. |
|
(2) |
Il-mandat tal-awdituri esterni attwali ta' Latvijas Banka skada wara l-awditu għas-sena finanzjarja 2014. Huwa għalhekk meħtieġ li jinħatru awdituri esterni ġodda mis-sena finanzjarja 2015. |
|
(3) |
Il-Banka Latvijas għażel lil KPMG Baltics SIA bħala l-awdituri esterni tiegħu għas-snin finanzjarji 2015 sa 2019. |
|
(4) |
Il-Kunsill Governattiv tal-BĊE rrakkomanda li KPMG Baltics SIA jinħatru bħala l-awdituri esterni tal-Latvijas Banka għas-snin finanzjarji 2015 sa 2019. |
|
(5) |
Huwa adatt li tiġi segwita r-rakkomandazzjoni tal-Kunsill Governattiv tal-BĊE u li d-Deċiżjoni tal-Kunsill 1999/70/KE (2) tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 1(18) tad-Deċiżjoni 1999/70/KE huwa sostitwit b'dan li ġej:
“18. KPMG Baltics SIA huma b'dan approvati bħala l-awdituri esterni tal-Latvijas Banka għas-snin finanzjarji 2015 sa 2019”
Artikolu 2
Din id-Deċiżjoni għandha ssir effettiva fil-jum tan-notifika tagħha.
Artikolu 3
Din id-Deċiżjoni hija indirizzata lill-Bank Ċentrali Ewropew.
Magħmul fi Brussell, is-17 ta' Marzu 2015.
Għall-Kunsill
Il-President
E. RINKĒVIČS
(2) Id-Deċiżjoni tal-Kunsill 1999/70/KE tal-25 ta' Jannar 1999 dwar l-awdituri esterni tal-banek ċentrali nazzjonali (ĠU L 22, 29.1.1999, p. 69).