This document is an excerpt from the EUR-Lex website
Document 32015D0457
Council Decision (EU, Euratom) 2015/457 of 17 March 2015 repealing Decision 2007/124/EC, Euratom establishing for the period 2007 to 2013, as part of General Programme on Security and Safeguarding Liberties, the Specific Programme ‘Prevention, Preparedness and Consequence Management of Terrorism and other Security related risks’
Deċiżjoni tal-Kunsill (UE, Euratom) 2015/457 tas- 17 ta' Marzu 2015 li tħassar id-Deċiżjoni 2007/124/KE, Euratom li tistabbilixxi l-programmi speċifiċi “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” u Prevenzjoni ta' u l-Ġlieda kontra l-Kriminalità għall-Perijodu 2007-2013 bħala parti mill-Programmi Ġenerali dwar is-Sigurtà u s-Salvagwardja tal-Libertajiet u dwar id-Drittijiet Fundamentali u l-Ġustizzja
Deċiżjoni tal-Kunsill (UE, Euratom) 2015/457 tas- 17 ta' Marzu 2015 li tħassar id-Deċiżjoni 2007/124/KE, Euratom li tistabbilixxi l-programmi speċifiċi “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” u Prevenzjoni ta' u l-Ġlieda kontra l-Kriminalità għall-Perijodu 2007-2013 bħala parti mill-Programmi Ġenerali dwar is-Sigurtà u s-Salvagwardja tal-Libertajiet u dwar id-Drittijiet Fundamentali u l-Ġustizzja
ĠU L 76, 20.3.2015, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.3.2015 |
MT |
Il-Ġurnal Uffiċjali tal-Unjoni Ewropea |
L 76/1 |
DEĊIŻJONI TAL-KUNSILL (UE, Euratom) 2015/457
tas-17 ta' Marzu 2015
li tħassar id-Deċiżjoni 2007/124/KE, Euratom li tistabbilixxi l-programmi speċifiċi “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” u Prevenzjoni ta' u l-Ġlieda kontra l-Kriminalità għall-Perijodu 2007-2013 bħala parti mill-Programmi Ġenerali dwar is-Sigurtà u s-Salvagwardja tal-Libertajiet u dwar id-Drittijiet Fundamentali u l-Ġustizzja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Europea, u b'mod partikolari l-Artikolu 352 tiegħu,
Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b'mod partikolari l-Artikolu 203 tiegħu,
Wara li kkunsidra l-proposta mill-Kummissjoni Ewropea,
Wara li l-abbozz tal-att leġizlattiv intbagħat lill-parlamenti nazzjonali,
Wara li kkunsidra l-kunsens tal-Parlament Ewropew,
Filwaqt li jaġixxi skont proċedura leġiżlattiva speċjali,
Billi:
(1) |
Id-Deċiżjoni tal-Kunsill 2007/124/KE Euratom (1), tistabbilixxi l-Programm Speċifiku “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” (“il-Programm”) li jkopri l-perjodu mill-1 ta' Jannar 2007 sal-31 ta' Diċembru 2013. |
(2) |
Għandu jiġi stabbilit regolament ġdid li jipprevedi appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tal-kriżi bħala parti mill-Fond għas-Sigurtà Interna għall-perjodu mill-1 ta' Jannar 2014 sal-31 ta' Diċembru 2020 permezz tar-Regolament (UE) Nru 513/2014 tal-Parlament Ewropew u tal-Kunsill (2). |
(3) |
Id-Deċiżjoni 2007/124/KE Euratom għandha għalhekk titħassar b'effett mill-1 ta' Jannar 2014, |
ADOTTA DIN ID-DEĊIŻJONI:
Artikolu 1
Id-Deċiżjoni 2007/124/KE, Euratom hija b'dan imħassra b'effett mill-1 ta' Jannar 2014.
Artikolu 2
1. It-tħassir previst fl-Artikolu 1 ma għandux jaffettwa l-kontinwazzjoni jew il-modifika, inkluż il-kanċellament totali jew parzjali, ta' proġetti koperti mill-Programm sal-għeluq tagħhom, jew l-għajnuna finanzjarja approvata mill-Kummissjoni fuq il-bażi tad-Deċiżjoni 2007/124/KE, Euratom, jew kwalunkwe att legali ieħor li japplika għal dik l-għajnuna finanzjarja fil-31 ta' Diċembru 2013.
2. Meta tadotta deċiżjonijiet dwar il-kofinanzjament taħt l-istrument għall-appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tal-kriżi bħala parti mill-Fond għas-Sigurtà Interna, il-Kummissjoni għandha tqis il-miżuri adottati fuq il-bażi tad-Deċiżjoni 2007/124/KE, Euratom qabel l-20 ta' Marzu 2015 li jkollhom riperkussjonijiet finanzjarji matul il-perjodu kopert minn dak il-kofinanzjament.
3. Is-somom impenjati għall-konfinanzjament approvati mill-Kummissjoni bejn l-1 ta' Jannar 2011 u l-31 ta' Diċembru 2013 li għalihom id-dokumenti meħtieġa għall-għeluq tal-operazzjonijiet ma jkunux intbagħtu lill-Kummissjoni sad-data ta' għeluq għas-sottomissjoni tar-rapport finali għandhom jiġu awtomatikament diżimpenjati mill-Kummissjoni sal-31 ta' Diċembru 2017, u dan iwassal għall-ħlas lura tal-ammonti li ma kellhomx jitħallsu.
L-ammonti relatati ma' operazzjonijiet li ġew sospiżi minħabba proċedimenti legali jew appelli amministrattivi li għandhom effett ta' sospensjoni għandhom jiġu injorati fil-kalkolu tal-ammont li għandu jiġi awtomatikament diżimpenjat.
4. Il-Kummissjoni għandha tissottometti lill-Parlament Ewropew u lill-Kunsill, sal-31 ta' Diċembru 2015, rapport dwar ir-riżultati miksuba u dwar l-aspetti kwantitattivi tal-implimentazzjoni tad-Deċiżjoni 2007/124/KE, Euratom għall-perjodu mill-2011 sal-2013.
Artikolu 3
1. Din id-Deċiżjoni għandha tidħol fis-seħħ fl-istess data bħar-Regolament (UE) Nru 513/2014.
2. Jekk ir-Regolament (UE) Nru 513/2014 jidħol fis-seħħ qabel il-pubblikazzjoni ta' din id-Deċiżjoni f'Il-Ġurnal Uffiċjali tal-Unjoni Ewropea, din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha.
Artikolu 4
Din id-Deċiżjoni hija indirizzata lill-Istati Membri f'konformità mat-Trattati.
Magħmul fi Brussell, is-17 ta' Marzu 2015.
Għall-Kunsill
Il-President
E. RINKĒVIČS
(1) Id-Deċiżjoni tal-Kunsill 2007/124/KE,Euratom tat-12 ta' Frar 2007 li tistabbilixxi l-programmi speċifiċi “Prevenzjoni, Stat ta' Tħejjija u Maniġġar tal-Konsegwenzi tat-Terroriżmu u riskji oħra relatati mas-Sigurtà” u Prevenzjoni ta' u l-Ġlieda kontra l-Kriminalità għall-Perijodu 2007-2013 bħala parti mill-programmi Ġenerali dwar is-Sigurtà u s-Salvagwardja tal-Libertajiet u dwar id-Drittijiet Fundamentali u l-Ġustizzja (ĠU L 58, 24.2.2007, p. 1).
(2) Ir-Regolament (UE) Nru 513/2014 tal-Parlament Ewropew u tal-Kunsill tas-16 ta' April 2014 li jistabbilixxi, bħala parti mill-Fond għas-Sigurtà Interna, l-istrument għal appoġġ finanzjarju għall-kooperazzjoni tal-pulizija, il-prevenzjoni u l-ġlieda kontra l-kriminalità u l-ġestjoni tar-riskji (ĠU L 150, 20.5.2014, p. 93).