This document is an excerpt from the EUR-Lex website
Document 32015D0344
Council Decision (EU) 2015/344 of 17 February 2015 concerning the renewal of the Agreement on cooperation in science and technology between the European Community and Ukraine
Deċiżjoni tal-Kunsill (UE) 2015/344 tas- 17 ta' Frar 2015 dwar it-tiġdid tal-Ftehim dwar il-kooperazzjoni fix-xjenza u t-teknoloġija bejn il-Komunità Ewropea u l-Ukraina
Deċiżjoni tal-Kunsill (UE) 2015/344 tas- 17 ta' Frar 2015 dwar it-tiġdid tal-Ftehim dwar il-kooperazzjoni fix-xjenza u t-teknoloġija bejn il-Komunità Ewropea u l-Ukraina
ĠU L 60, 4.3.2015, p. 37–38
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2015/344/oj
|
4.3.2015 |
MT |
Il-Ġurnal Uffiċjali tal-Unjoni Ewropea |
L 60/37 |
DEĊIŻJONI TAL-KUNSILL (UE) 2015/344
tas-17 ta' Frar 2015
dwar it-tiġdid tal-Ftehim dwar il-kooperazzjoni fix-xjenza u t-teknoloġija bejn il-Komunità Ewropea u l-Ukraina
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 186 flimkien mal-punt (v) tal-Artikolu 218(6)(a) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-kunsens tal-Parlament Ewropew,
Billi:
|
(1) |
Bid-Deċiżjoni 2003/96/KE tiegħu (1), il-Kunsill approva l-konklużjoni tal-Ftehim dwar il-kooperazzjoni fix-xjenza u t-teknoloġija bejn il-Komunità Ewropea u l-Ukraina (2) (“il-Ftehim”). |
|
(2) |
Il-punt (b) tal-Artikolu 12 tal-Ftehim ippreveda li l-Ftehim jiġi konkluż għal perjodu inizjali li jintemm fil-31 ta' Diċembru 2002 u jista' jiġġedded bi qbil komuni bejn il-Partijiet għal perjodi addizzjonali ta' ħames snin. |
|
(3) |
Abbażi tad-Deċiżjoni tal-Kunsill 2011/182/UE (3) il-Ftehim iġġedded għal perjodu ulterjuri ta' ħames snin b'effett retroattiv mit-8 ta' Novembru 2009 u għandu jiskadi fis-7 ta' Novembru 2014. |
|
(4) |
Il-partijiet għal-Ftehim jikkunsidraw li t-tiġdid ta' malajr ta' dan il-Ftehim ikun fl-interess tagħhom it-tnejn. |
|
(5) |
Il-kontenut tal-Ftehim imġedded għandu jkun l-identiku għall-kontenut tal-Ftehim. |
|
(6) |
It-tiġdid tal-Ftehim għandu jiġi approvat f'isem l-Unjoni, |
ADOTTA DIN ID-DEĊIŻJONI:
Artikolu 1
It-tiġdid tal-Ftehim dwar il-kooperazzjoni fix-xjenza u t-teknoloġija bejn il-Komunità Ewropea u l-Ukraina għal perjodu addizjonali ta' ħames snin, huwa b'dan approvat f'isem l-Unjoni.
Artikolu 2
Il-President tal-Kunsill huwa b'dan awtorizzat jinnomina l-persuna jew persuni bis-setgħa li, f'isem l-Unjoni u skont il-punt (a) tal-Artikolu 12 tal-Ftehim, jinnotifikaw lill-Ukraina li l-Unjoni lestiet il-proċeduri interni tagħha meħtieġa għad-dħul fis-seħħ ta' dan il-Ftehim imġedded.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-17 ta' Frar 2015.
Għall-Kunsill
Il-President
J. REIRS
(1) Deċiżjoni tal-Kunsill 2003/96/KE tas-6 ta' Frar 2003 li tikkonċerna l-konklużjoni tal-Ftehim dwar il-koperazzjoni xjentifika u teknoloġika bejn il-Komunitajiet Ewropej u l-Ukrajna (ĠU L 36, 12.2.2003, p. 31).
(2) Ftehim dwar koperazzjoni fix-xjenza u t-teknoloġija bejn il-Komunitajiet Ewropej u l-Ukrajna (ĠU L 36, 12.2.2003, p. 32).
(3) Deċiżjoni tal-Kunsill 2011/182/UE tad-9 ta' Marzu 2011 li tikkonċerna t-tiġdid tal-Ftehim dwar il-kooperazzjoni xjentifika u teknoloġika bejn il-Komunità Ewropea u l-Ukraina (ĠU L 79, 25.3.2011, p. 3).