13.12.2014   

MT

Il-Ġurnal Uffiċjali tal-Unjoni Ewropea

L 358/1

(1)

Ir-Regolament tal-Kunsill (UE) Nru 36/2012 (2) jagħti effett lil bosta mill-miżuri previsti fid-Deċiżjoni 2013/255/PESK.

(2)

Fit-12 ta' Diċembru 2014 l-Kunsill adotta d-Deċiżjoni 2014/901/PESK (3) li temenda d-Deċiżjoni 2013/255/PESK sabiex jipprevjeni l-bejgħ, il-forniment, it-trasferiment jew l-esportazzjoni ta' karburant tal-avjazzjoni u addittivi, kemm jekk joriġina fl-Unjoni kif ukoll jekk le, lil kwalunkwe persuna, entità jew korp fis-Sirja, jew għall-użu fis-Sirja.

(3)

Barra minn hekk, għandu jkun ipprojbit l-għoti ta' finanzjament jew assistenza finanzjarja, inklużi derivattivi finanzjarji, kif ukoll assigurazzjoni u riassigurazzjoni jew servizzi ta' senserija, lil kwalunkwe persuna, entità jew korp fis-Sirja jew għal użu fis-Sirja fir-rigward tal-bejgħ, il-forniment, it-trasferiment jew l-esportazzjoni ta' karburant tal-avjazzjoni u addittivi fis-Sirja, jew għall-użu fis-Sirja.

(4)

Jeħtieġ li tiġi prevista projbizzjoni rigward il-parteċipazzjoni, konxja u intenzjonali, f'attivitajiet li l-għan jew l-effett tagħhom ikun li jiġu evitati d-dispożizzjonijiet ta' dan ir-Regolament.

(5)

Jeħtieġ li tiġi emendata l-klawżola dwar l-esklużjoni ta' pretensjonijiet prevista fir-Regolament (UE) Nru 36/2012 f'konformità mal-formulazzjoni tal-Linji Gwida dwar l-implimentazzjoni u l-evalwazzjoni ta' miżuri restrittivi (sanzjonijiet) fil-qafas tal-Politika Estera u ta' Sigurtà Komuni tal-UE.

(6)

Dawn il-miżuri jaqgħu fil-kamp ta' applikazzjoni tat-Trattat u, għalhekk, b'mod partikolari bil-ħsieb li tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha, hemm bżonn ta' azzjoni fil-livell tal-Unjoni sabiex jiġu implimentati.

(7)

Ir-Regolament (UE) Nru 36/2012 għandu għalhekk jiġi emendat skont dan,

(1)

Jiddaħħal l-Artikolu li ġej:

“Artikolu 7a

1.   Għandu jkun ipprojbit:

2.   L-Anness Va għandu jinkludi l-karburant tal-avjazzjoni u l-addittivi tal-karburant.

3.   B'deroga mill-paragrafu 1, l-awtoritajiet kompetenti fl-Istati Membri kif identifikati fuq il-websajts elenkati fl-Anness III jistgħu jawtorizzaw il-bejgħ, il-forniment, it-trasferiment jew l-esportazzjoni ta' karburant tal-avjazzjoni jew addittivi tal-karburant u l-forniment ta' finanzjament u assistenza finanzjarja, inklużi derivattivi finanzjarji, kif ukoll assigurazzjoni u riassigurazzjoni u servizzi ta' senserija relatati mal-bejgħ, il-forniment, it-trasferiment jew l-esportazzjoni ta' karburant tal-avjazzjoni jew addittivi tal-karburant kif identifikat fl-Anness Vb lil kwalunkwe persuna, entità jew korp fis-Sirja, jew għal użu fis-Sirja skont il-kundizzjonijiet li huma jqisu xierqa, wara li jkunu ddeterminaw li l-karburant tal-avjazzjoni u l-addittivi tal-karburant ikunu rikjesti min-Nazzjonijiet Uniti jew korpi li jaġixxu f'isimhom għal skopijiet umanitarji bħat-twassil jew l-iffaċilitar tat-twassil ta' assistenza, inklużi provvisit mediċi, ikel jew trasferiment ta' ħaddiema umanitarji u assistenza relatata, jew għal evakwazzjonijiet mis-Sirja jew fis-Sirja.

4.   L-Istati Membri kkonċernati għandhom fi żmien erba' ġimgħat jinfurmaw lill-Istati Membri l-oħrajn u lill-Kummissjoni b'kull awtorizzazzjoni mogħtija taħt dan l-Artikolu.

5.   Il-projbizzjoni stipulata fil-paragrafu 1 ma għandhiex tapplika għal:

(2)

L-Artikolu 27 huwa sostitwit b'dan li ġej:

“Artikolu 27

1.   L-ebda pretensjoni b'konnessjoni ma' kwalunkwe kuntratt jew transazzjoni fejn il-prestazzjoni ta' dawn ġiet affettwata, direttament jew indirettament, b'mod sħiħ jew parzjali, mill-miżuri imposti taħt dan ir-Regolament, inklużi pretensjonijiet għal indennizz jew kwalunkwe pretensjoni oħra ta' dak it-tip, bħal pretensjoni għal kumpens jew pretensjoni taħt garanzija, b'mod partikolari pretensjoni għal estensjoni jew ħlas ta' bond, garanzija jew indennizz, partikolarment garanzija finanzjarja jew indennizz finanzjarju, ta' kwalunkwe forma, ma għandha tiġi sodisfatta, jekk din issir minn:

2.   Fi kwalunkwe proċediment għall-eżekuzzjoni ta' pretensjoni, l-obbligu tal-prova li l-l-issodisfar tal-pretensjoni mhux ipprojbit taħt il-paragrafu 1 għandu jkun fuq il-persuna li tkun qed tfittex l-eżekuzzjoni ta' dik il-pretensjoni.

3.   Dan l-Artikolu huwa mingħajr preġudizzju għad-dritt tal-persuni, l-entitajiet u l-korpi msemmija fil-paragrafu 1 għal stħarriġ ġudizzjarju tal-legalità tan-nonosservanza tal-obbligi kuntrattwali f'konformità ma' dan ir-Regolament.”

(3)

Jiddaħħal l-Artikolu li ġej:

“Artikolu 27a

Għandha tkun ipprojbita l-parteċipazzjoni, konxja u intenzjonali, f'attivitajiet li għandhom l-għan jew l-effett li jevitaw id-dispożizzjonijiet tal-Artikoli 2a, 3, 3a, 4, 5, 6, 7a, 8, 9, 11, 11a, 11b, 11c, 12, 13, 14, 24, 25, 26 u 26a.”

(4)

L-Anness I għal dan ir-Regolament huwa mdaħħal bħala l-Anness Va għar-Regolament (UE) Nru 36/2012.

(5)

L-Anness II għal dan ir-Regolament huwa mdaħħal bħala l-Anness Vb għar-Regolament (UE) Nru 36/2012.