This document is an excerpt from the EUR-Lex website
Document 32014R1083
Commission Implementing Regulation (EU) No 1083/2014 of 15 October 2014 concerning the authorisation of a preparation of Enterococcus faecium DSM 7134 (Bonvital) as a feed additive for sows Text with EEA relevance
Regolament ta' Implimentazzjoni tal-Kummissjoni (UE) Nru 1083/2014 tal- 15 ta' Ottubru 2014 dwar l-awtorizzazzjoni ta' preparazzjoni ta' Enterococcus faecium DSM 7134 (Bonvital) bħala addittiv tal-għalf għall-ħnieżer nisa Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 1083/2014 tal- 15 ta' Ottubru 2014 dwar l-awtorizzazzjoni ta' preparazzjoni ta' Enterococcus faecium DSM 7134 (Bonvital) bħala addittiv tal-għalf għall-ħnieżer nisa Test b'rilevanza għaż-ŻEE
ĠU L 298, 16.10.2014, p. 5–7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
16.10.2014 |
MT |
Il-Ġurnal Uffiċjali tal-Unjoni Ewropea |
L 298/5 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1083/2014
tal-15 ta' Ottubru 2014
dwar l-awtorizzazzjoni ta' preparazzjoni ta' Enterococcus faecium DSM 7134 (Bonvital) bħala addittiv tal-għalf għall-ħnieżer nisa
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 dwar l-addittivi għall-użu fl-għalf tal-annimali (1), u b'mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jistipula l-awtorizzazzjoni ta' addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta' din l-awtorizzazzjoni. |
(2) |
Skont l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni ta' Enterococcus faecium DSM 7134 (Bonvital). Dik l-applikazzjoni kienet akkumpanjata bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
Dik l-applikazzjoni tikkonċerna l-awtorizzazzjoni ta' preparazzjoni ta' Enterococcus faecium DSM 7134 (Bonvital) bħala addittiv tal-għalf għall-ħnieżer nisa li għandu jintuża għat-tul kollu tal-perjodu taċ-ċiklu riproduttiv, biex tiġi kklassifikata fil-kategorija tal-addittivi “addittivi żootekniċi”. |
(4) |
L-użu tal-preparazzjoni ta' Enterococcus faecium DSM 7134 (Bonvital) kien awtorizzat provviżorjament għall-qżieqeż u l-ħnieżer tas-simna bir-Regolament tal-Kummissjoni (KE) Nru 666/2003 (2), provviżorjament għall-ħnieżer nisa bir-Regolament tal-Kummissjoni (KE) Nru 2154/2003 (3), provviżorjament għat-tiġieġ tas-simna bir-Regolament tal-Kummissjoni (KE) Nru 521/2005 (4), għal għaxar snin għall-qżieqeż miftuma u għall-ħnieżer tas-simna bir-Regolament tal-Kummissjoni (KE) Nru 538/2007 (5) u għal għaxar snin għall-ħnieżer nisa mid-90 jum tat-tqala sal-aħħar taż-żmien tat-treddigħ bir-Regolament tal-Kummissjoni (KE) Nru 1521/2007 (6). |
(5) |
Fl-opinjoni tagħha tat-18 ta' Frar 2014 (7), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li skont il-kundizzjonijiet tal-użu proposti, il-preparazzjoni ta' Enterococcus faecium DSM 7134 (Bonvital) ma għandhiex effett ħażin fuq saħħet l-annimali, saħħet il-bniedem jew l-ambjent. Hija kkonkludiet ukoll li l-addittiv għandu l-potenzjal li jżid il-piż tal-qżieqeż imwelda jew iżomm il-kundizzjoni tal-ħanżira. L-Awtorità ma tqisx li hemm bżonn ta' rekwiżiti speċifiċi għall-monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodi ta' analiżi tal-addittivi tal-għalf imressaq mil-Laboratorju ta' Referenza stabbilit bir-Regolament (KE) Nru 1831/2003. |
(6) |
Il-valutazzjoni tal-preparazzjoni tal-Enterococcus faecium DSM 7134 (Bonvital) turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, l-użu ta' dik il-preparazzjoni għandu jiġi awtorizzat, kif speċifikat fl-Anness ta' dan ir-Regolament. |
(7) |
Bħala konsegwenza tal-awtorizzazzjoni mogħtija b'dan ir-Regolament ta' Implimentazzjoni, ir-Regolament (KE) Nru 1521/2007 għandu jiġi rrevokat. |
(8) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-preparazzjoni speċifikata fl-Anness, li tagħmel parti mill-kategorija ta' “addittivi żootekniċi” u mill-grupp funzjonali “stabbilizzanti tal-batterja tal-musrana”, hija awtorizzata bħala addittiv fin-nutrizzjoni tal-annimali suġġetta għall-kundizzjonijiet stabbiliti f'dan l-Anness.
Artikolu 2
Ir-Regolament (KE) Nru 1521/2007 huwa rrevokat.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta' Ottubru 2014.
Għall-Kummissjoni
Il-President
José Manuel BARROSO
(1) ĠU L 268, 18.10.2003, p. 29.
(2) Ir-Regolament tal-Kummissjoni (KE) Nru 666/2003 tal-11 ta' April 2003 provviżorjament jawtorizza ċerti mikro-organiżmi f'ikel (ĠU L 96, 12.4.2003, p. 11).
(3) Ir-Regolament tal-Kummissjoni (KE) Nru 2154/2003 tal-10 ta' Diċembru 2003 provviżorjament jawtorizza ċerti mikro-organiżmi f'ikel (Enterococcus faecium u Lactobacillus acidophilus) (ĠU L 324, tal-11.12.2003, p. 11).
(4) Ir-Regolament tal-Kummissjoni (KE) Nru 521/2005 tal-1 ta' April 2005 li jikkonċerna l-awtorizzazzjoni permanenti ta' addittiv u l-awtorizzazzjoni provviżjorja ta' użi ġodda ta' ċerti addittivi diġà awtorizzati fl-għalf (ĠU L 84, 2.4.2005, p. 3).
(5) Ir-Regolament tal-Kummissjoni (KE) Nru 538/2007 tal-15 ta' Mejju 2007 dwar l-awtorizzazzjoni ta' użu ġdid tal-Enterococcus faecium DSM 7134 (Bonvital) bħala addittiv tal-għalf (ĠU L 128, 16.5.2007, p. 16).
(6) Ir-Regolament tal-Kummissjoni (KE) Nru 1521/2007 tad-19 ta' Diċembru 2007 dwar l-awtorizzazzjoni ta' użu ġdid tal-Enterococcus faecium DSM 7134 (Bonvital) bħala addittiv tal-għalf (ĠU L 335, 20.12.2007, p. 24).
(7) EFSA Journal 2014; 12(2):3565
ANNESS
Numru tal-identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu tal-awtorizzazzjoni |
||||||||
CFU/kg tal-għalf komplet b'kontenut ta' umdità ta' 12 % |
|||||||||||||||||
Kategorija tal-addittivi żootekniċi. Grupp funzjonali: stabilizzanti tal-batterja tal-musrana |
|||||||||||||||||
4b1841 |
Lactosan GmbH & Co KG |
Enterococcus faecium DSM 7134 |
Kompożizzjoni tal-addittiv: Preparazzjoni ta' Enterococcus faecium DSM 7134 li tinkludi minimu ta':
Karatterizzazzjoni tas-sustanza attiva: Ċelloli vijabbli ta' Enterococcus faecium DSM 7134 Metodu analitiku (1) Enumerazzjoni: metodu tat-tifrix fuq dixx bl-użu ta' bile esculin azide agar (EN 15788) Identifikazzjoni: Elettroforeżi bil-Ġell f'Kamp Pulsat (Pulsed Field Gel Electrophoresis — PFGE). |
Ħnieżer nisa |
— |
5 × 108 |
— |
|
Il-5 ta' Novembru 2014 |
(1) Id-dettalji tal-metodi analitiċi huma disponibbli fuq is-sit li ġej tal-Laboratorju ta' Referenza tal-Unjoni Ewropea għall-Addittivi fl-Għalf: http://irmm.jrc.ec.europa.eu/EURLs/EURL_feed_additives/Pages/index.aspx