This document is an excerpt from the EUR-Lex website
Document 32014R1029
Commission Implementing Regulation (EU) No 1029/2014 of 26 September 2014 amending Regulation (EU) No 73/2010 laying down requirements on the quality of aeronautical data and aeronautical information for the single European sky Text with EEA relevance
Regolament ta' Implimentazzjoni tal-Kummissjoni (UE) Nru 1029/2014 tas- 26 ta' Settembru 2014 li jemenda r-Regolament (UE) Nru 73/2010 li jistipula r-rekwiżiti dwar il-kwalità tad-dejta ajrunawtika u l-informazzjoni ajrunawtika għall-Ajru Uniku Ewropew Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 1029/2014 tas- 26 ta' Settembru 2014 li jemenda r-Regolament (UE) Nru 73/2010 li jistipula r-rekwiżiti dwar il-kwalità tad-dejta ajrunawtika u l-informazzjoni ajrunawtika għall-Ajru Uniku Ewropew Test b'rilevanza għaż-ŻEE
ĠU L 284, 30.9.2014, p. 9–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 26/01/2022; Impliċitament imħassar minn 32020R0469
30.9.2014 |
MT |
Il-Ġurnal Uffiċjali tal-Unjoni Ewropea |
L 284/9 |
REGOLAMENT TA' IMPLIMENTAZZJONI TAL-KUMMISSJONI (UE) Nru 1029/2014
tas-26 ta' Settembru 2014
li jemenda r-Regolament (UE) Nru 73/2010 li jistipula r-rekwiżiti dwar il-kwalità tad-dejta ajrunawtika u l-informazzjoni ajrunawtika għall-Ajru Uniku Ewropew
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 552/2004 tal-Parlament Ewropew u tal-Kunsill tal-10 ta' Marzu 2004 dwar l-interoperabilità tax-Xibka Ewropea ta' Amministrazzjoni ta' Traffiku tal-Ajru (ir-Regolament ta' interoperabilità) (1), u b'mod partikolari l-Artikolu 3(5) tiegħu,
Billi:
(1) |
L-Artikoli 3(13), 7(5) u 10(1) tar-Regolament tal-Kummissjoni (UE) Nru 73/2010 (2) jirreferu għar-Regolament tal-Kummissjoni (KE) Nru 2096/2005 (3), li ġie rrevokat mir-Regolament ta' Implimentazzjoni tal-Kummissjoni (UE) Nru 1035/2011 (4). Ir-referenzi għar-Regolament (KE) Nru 2096/2005 fir-Regolament (UE) Nru 73/2010 għandhom għalhekk jiġu aġġornati biex jirreferu għar-Regolament ta' Implimentazzjoni tal-Kummissjoni (UE) Nru 1035/2011. |
(2) |
L-Anness III tar-Regolament (UE) Nru 73/2010 jirreferi għall-istandards stabbiliti mill-Organizzazzjoni Internazzjonali għall-Istandardizzazzjoni (ISO). Madankollu, minn mindu ġie adottat ir-Regolament (UE) Nru 73/2010, l-ISO rrevediet u nnumerat mill-ġdid xi wħud minn dawn l-istandards. Ir-referenzi fir-Regolament (UE) Nru 73/2010 għall-istandards rilevanti tal-ISO għandhom għalhekk jiġu aġġornati biex tiġi żgurata l-koerenza mal-aħħar numerazzjoni u edizzjoni ta' dawn l-istandards. |
(3) |
L-Annessi I, III u XI tar-Regolament (UE) Nru 73/2010 jirreferu għal diversi definizzjonijiet u dispożizzjonijiet stabbiliti fl-Anness 15 tal-Konvenzjoni dwar l-Avjazzjoni Ċivili Internazzjonali (il-Konvenzjoni ta' Chicago), u b'mod aktar speċifiku, it-Tnax-il Edizzjoni tiegħu ta' Lulju 2004, li tinkorpora l-Emenda Nru 34. Minn mindu ġie adottat ir-Regolament (UE) Nru 73/2010, l-Organizzazzjoni tal-Avjazzjoni Ċivili Internazzjonali (ICAO) emendat għadd ta' definizzjonijiet u dispożizzjonijiet u xi ftit mill-istruttura tal-Anness 15 tal-Konvenzjoni ta' Chicago, dan l-aħħar, fl-Erbatax-il Edizzjoni tagħha ta' Lulju 2013, li tinkorpora l-Emenda Nru 37. Għaldaqstant, ir-referenzi fir-Regolament (UE) Nru 73/2010 tal-Anness 15 tal-Konvenzjoni ta' Chicago għandhom jiġu aġġornati sabiex jissodisfaw l-obbligi ġuridiċi internazzjonali tal-Istati Membri u jiżguraw li jkun hemm konsistenza mal-qafas regolatorju internazzjonali tal-ICAO pprovdut. |
(4) |
Ir-Regolament (UE) Nru 73/2010 għandu jiġi emendat skont dan. |
(5) |
Il-miżuri previsti f'dan ir-Regolament huma skont l-opinjoni tal-Kumitat dwar l-Ajru Uniku li ġie stabbilit bl-Artikolu 5 tar-Regolament tal-Kummissjoni (KE) Nru 549/2004 (5), |
ADOTTAT DAN IR-REGOLAMENT:
Artikolu 1
Ir-Regolament (UE) Nru 73/2010 huwa emendat kif ġej:
(1) |
L-Artikolu 3 huwa emendat kif ġej:
|
(2) |
Fl-Artikolu 7, il-paragrafu 5 huwa sostitwit b'dan li ġej: “5. Mingħajr preġudizzju għar-Regolament ta' Implimentazzjoni (KE) Nru 1035/2011, il-partijiet imsemmija fl-Artikolu 2(2) għandhom jiżguraw li l-persunal tagħhom responsabbli għall-kompiti fil-forniment ta' dejta ajrunawtika jew ta' informazzjoni ajrunawtika huwa mħarreġ b'mod adegwat, u li jkun kompetenti u awtorizzat għall-impjieg li jrid jiżvolġi.” |
(3) |
Fl-Artikolu 10, il-paragrafu 1 huwa sostitwit b'dan li ġej: “1. Mingħajr preġudizzju għar-Regolament ta' Implimentazzjoni (KE) Nru 1035/2011, il-partijiet imsemmija fl-Artikolu 2(2) għandhom jimplimentaw u jżommu sistema ta' ġestjoni tal-kwalità li tkopri l-attivitajiet tagħhom relatati mal-forniment ta' dejta ajrunawtika u ta' informazzjoni ajrunawtika, b'konformità mar-rekwiżiti stabbiliti fl-Anness VII, il-Parti A.” |
(4) |
L-Anness I huwa emendat skont l-Anness I ta' dan ir-Regolament. |
(5) |
L-Anness III huwa sostitwit bit-test fl-Anness II ta' dan ir-Regolament. |
(6) |
L-Anness XI huwa sostitwit bit-test fl-Anness III ta' dan ir-Regolament. |
Artikolu 2
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta' Settembru 2014.
Għall-Kummissjoni
Il-President
José Manuel BARROSO
(1) ĠU L 96, 31.3.2004, p. 26.
(2) Ir-Regolament tal-Kummissojni (UE) Nru 73/2010 tas-26 ta' Jannar 2010 li jistipula r-rekwiżiti dwar il-kwalità tad-dejta ajrunawtika u l-informazzjoni ajrunawtika għall-Ajru Uniku Ewropew (ĠU L 23, 27.1.2010, p. 6).
(3) Ir-Regolament tal-Kummissjoni (KE) Nru 2096/2005 tal-20 ta' Diċembru 2005 li jistabbilixxi rekwiżiti komuni għall-forniment ta' servizzi ta' navigazzjoni bl-ajru (ĠU L 335, 21.12.2005, p. 13).
(4) Ir-Regolament ta' Implimentazzjoni tal-Kummissjoni (UE) Nru 1035/2011 tas-17 ta' Ottubru 2011 li jistabbilixxi rekwiżiti komuni għall-forniment ta' servizzi tan-navigazzjoni tal-ajru u li jemenda r-Regolamenti (KE) Nru 482/2008 u (UE) Nru 691/2010 (ĠU L 271, 18.10.2011, p. 23).
(5) Ir-Regolament tal-Kummissjoni (KE) Nru 549/2004 tal-Parlament Ewropew u tal-Kunsill tal-10 ta' Marzu 2004 li jippreskrivi l-qafas għall-ħolqien tal-Ajru Uniku Ewropew (ir-Regolament qafas) (ĠU L 96, 31.3.2004, p. 1).
ANNESS I
Fl-Anness I, Parti B, il-punt (a) huwa sostitwit b'dan li ġej:
“(a) |
tiġi pprovduta diġitalment skont l-istandards tal-ICAO msemmija fil-punti 9, 9a u 12 tal-Anness III;” |
ANNESS II
“ANNESS III
DISPOŻIZZJONIJIET IMSEMMIJA FL-ARTIKOLI U FL-ANNESSI
1. |
Kapitolu 3, Taqsima 3.7 (Sistema ta' ġestjoni tal-kwalità) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
2. |
Kapitolu 3, Taqsima 1.2.1 (Sistema ta' referenza orizzontali) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
3. |
Kapitolu 3, Taqsima 1.2.2 (Sistema ta' referenza vertikali) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
4. |
Kapitolu 4 (Pubblikazzjonijiet dwar l-Informazzjoni Ajrunawtika (AIP)) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
5. |
Kapitolu 4, Taqsima 4.3 (Speċifikazzjonijiet għal Emendi tal-AIP) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
6. |
Kapitolu 4, Taqsima 4.4 (Speċifikazzjonijiet għas-Supplimenti tal-AIP) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
7. |
Kapitolu 5 (NOTAM) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
8. |
Kapitolu 6, Taqsima 6.2 (Għoti ta' informazzjoni fil-forma ta' kopja stampata) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
9. |
Kapitolu 10, Taqsima 10.1 (Żoni ta' kopertura u rekwiżiti għall-forniment tad-dejta) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
9a |
Kapitolu 10, Taqsima 10.2 (Sett ta' dejta dwar it-terren — il-kontenut, l-ispeċifikazzjoni numerika u l-istruttura) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
10. |
Appendiċi 1 (Kontenut tal-Pubblikazzjoni ta' Informazzjoni Ajrunawtika (AIP)) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
11. |
Appendiċi 7 (Klassifikazzjoni tal-integrità u r-riżoluzzjoni tal-pubblikazzjoni dwar id-dejta ajrunawtika) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
12. |
Appendiċi 8 (Rekwiżiti tad-dejta dwar terren u ostakli) tal-Anness 15 għall-Konvenzjoni ta' Chicago — Servizzi ta' Informazzjoni Ajrunawtika (l-Erbatax-il Edizzjoni — Lulju 2013, li tinkorpora l-Emenda Nru 37). |
13. |
Speċifikazzjoni tal-Object Management Group Unified Modelling Language (UML), il-Verżjoni 2.1.1. |
14. |
L-Organizzazzjoni Internazzjonali għall-Istandardizzazzjoni, ISO 19107:2003 — Informazzjoni Ġeografika — skema Spazjali (l-Ewwel Edizzjoni — 8.5.2003). |
15. |
L-Organizzazzjoni Internazzjonali għall-Istandardizzazzjoni, ISO 19115:2003 — Informazzjoni Ġeografika — Metadejta (l-Ewwel Edizzjoni — 8.5.2003 [Corrigendum Cor 1:2006 5.7.2006]). |
16. |
L-Organizzazzjoni Internazzjonali għall-Istandardizzazzjoni, ISO 19139:2007 — Informazzjoni Ġeografika — Metadejta — implimentazzjoni tal-iskema XML (l-Ewwel Edizzjoni — 17.4.2007). |
17. |
L-Organizzazzjoni Internazzjonali għall-Istandardizzazzjoni, ISO 19118:2011 — Informazzjoni Ġeografika — Kodifikar (it- Edizzjoni — 10.10.2011). |
18. |
L-Organizzazzjoni Internazzjonali għall-Istandardizzazzjoni, ISO 19136:2007 — Informazzjoni Ġeografika — Geography Mark-up Language (GML) (l-Ewwel Edizzjoni — 23.8.2007). |
19. |
L-Organizzazzjoni Internazzjonali għall-Istandardizzazzjoni, ISO/IEC 19757-3:2006 — Teknoloġija informatika — Document Schema Definition Languages (DSDL) — Parti 3: Validazzjoni bbażata fuq regoli — Schematron (L-Ewwel Edizzjoni — 24.5.2006). |
20. |
Dok ICAO 9674-AN/946 — Sistema Ġeodetika Dinjija — Manwal tal-1984 (It-Tieni Edizzjoni — 2002). |
21. |
Kapitolu 7, Taqsima 7.3.2 (Algoritmu tal-kontroll ċikliku ta' ridondanza (CRC)) tal-ICAO Dok ICAO 9674-AN/946 — Sistema Ġeodetika Dinjija — 1984 (WGS-84) Manwal (it-Tieni Edizzjoni — 2002). |
22. |
L-Organizzazzjoni Internazzjonali għall-Istandardizzazzjoni, ISO/IEC 27002:2005 — Teknoloġija informatika — Tekniki ta' sikurezza — Kodiċi ta' prattika għall-ġestjoni tas-sigurtà tal-informazzjoni (it-Tieni Edizzjoni — 15.6.2005). |
23. |
L-Organizzazzjoni Internazzjonali għall-Istandardizzazzjoni, ISO 28000:2007: — Speċifikazzjoni għal sistemi ta' ġestjoni tas-sigurtà għall-katina tal-forniment (l-Ewwel Edizzjoni — 21.9.2007 taħt reviżjoni, li għandha tiġi sostitwita bit-Tieni Edizzjoni sal-31.1.2008 [Fl-istadju ta' inkjesta]). |
24. |
Eurocae ED-99 A, Rekwiżiti tal-Utent għall-Informazzjoni għall-Immappjar tal-Ajrudromi (Ottubru 2005). |
25. |
L-Organizzazzjoni Internazzjonali għall-Istandardizzazzjoni, ISO 19110:2005 — Informazzjoni Ġeografika — Metodoloġija għall-ikkatalogar tal-karatteristiċi (l-Ewwel Edizzjoni).” |
ANNESS III
“ANNESS XI
DIFFERENZI TAL-ICAO MSEMMIJA FL-ARTIKOLU 14
Kapitolu 3, Taqsima 3.5.2 (Kontroll ċikliku ta' ridondanza) tal-Anness 15 tal-Konvenzjoni ta' Chicago — Servizzi ta' Informazzjoni Ajrunawtika. (l-Erbatax-il edizzjoni — Lulju 2013, li tinkorpora l-Emenda Nru 37).”