32014R0926

This document is an excerpt from the EUR-Lex website

EUROPA
EUR-Lex home
Regolament implimentattiv - 926/2014 - EN - EUR-Lex

Help

Search tips

Need more search options? Use the Advanced search

Document 32014R0926

Help

Regolament ta' Implimentazzjoni tal-Kummissjoni (UE) Nru 926/2014 tas- 27 ta' Awwissu 2014 li jistabbilixxi standards tekniċi ta' implimentazzjoni dwar formuli, mudelli u proċeduri standard għan-notifiki marbuta mal-eżerċizzju tad-dritt ta' stabbiliment u l-libertà li jiġu pprovduti servizzi skont id-Direttiva 2013/36/UE tal-Parlament Ewropew u tal-Kunsill Test b'rilevanza għaż-ŻEE

ĠU L 254, 28.8.2014, pp. 2–21 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 06/03/2022

ELI: http://data.europa.eu/eli/reg_impl/2014/926/oj

HTML

PDF

Official Journal

28.8.2014

Il-Ġurnal Uffiċjali tal-Unjoni Ewropea

L 254/2

REGOLAMENT TA' IMPLIMENTAZZJONI TAL-KUMMISSJONI (UE) Nru 926/2014

tas-27 ta' Awwissu 2014

li jistabbilixxi standards tekniċi ta' implimentazzjoni dwar formuli, mudelli u proċeduri standard għan-notifiki marbuta mal-eżerċizzju tad-dritt ta' stabbiliment u l-libertà li jiġu pprovduti servizzi skont id-Direttiva 2013/36/UE tal-Parlament Ewropew u tal-Kunsill

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u d-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (1), u b'mod partikolari l-Artikolu 35(6), l-Artikolu 36(6) u l-Artikolu 39(5) tagħha,

Billi:

(1)

Għall-finijiet li jkunu disponibbli formoli, mudelli u proċeduri standard għan-notifiki sabiex wieħed ikun jista' jeżerċita d-dritt ta' stabbiliment u l-libertà li jiġu pprovduti servizzi, huwa meħtieġ li jiġu definiti ċerti termini tekniċi sabiex issir distinzjoni ċara bejn in-notifiki tal-fergħa, in-notifiki ta' servizzi, in-notifiki ta' bidliet fid-dettalji ta' passaport ta' fergħa u dawk relatati ma' tmiem ippjanat ta' operat tal-fergħa.

(2)

L-istabbiliment ta' proċeduri standard li jkopru l-lingwa u l-mezzi ta' komunikazzjoni ta' notifiki ta' passaport mingħand l-istituzzjonijiet ta' kreditu lill-awtoritajiet kompetenti tal-Istati Membri tad-domiċilju u dawk ospitanti se jiffaċilitaw l-eżerċizzju tal-libertà ta' stabbiliment jew il-libertà li jiġu pprovduti servizzi u l-effiċjenza tal-prestazzjoni tal-kompiti u r-responsabbiltajiet rispettivi tal-awtoritajiet kompetenti tal-Istati Membri tad-domiċilju u dawk ospitanti.

(3)

L-istandards tekniċi għandhom jeħtieġu illi l-awtoritajiet kompetenti tal-Istati Membru tad-domiċilju jivvalutataw il-preċiżjoni u l-kompletezza tan-notifiki ta' passaport mressqa sabiex jiġu ċċarati r-responsabbiltajiet rispettivi tal-awtoritajiet kompetenti tal-Istati Membri tad-domiċilju u ospitanti u jiżguraw il-kwalità tan-notifiki ta' passaport sottomessi minn istituzzjonijiet ta' kreditu.

(4)

L-awtoritajiet kompetenti tal-Istat Membru tad-domiċilju għandhom jindikaw lill-istituzzjonijiet ta' kreditu l-aspetti partikolari li fih in-notifiki ta' passaport jitqiesu li huma inkompleti jew żbaljati sabiex tiffaċilita l-proċess ta' identifikazzjoni, komunikazzjoni u s-sottomissjoni ta' elementi nieqsa jew inkorretta.

(5)

Sabiex tkun żgurata trasparenza u evalwazzjoni f'waqtha tan-notifiki sottomessi ta' passaport, huwa meħtieġ li jiġi ddeterminat mingħajr ambigwità l-bidu tal-perjodu ta' tlett xhur kif imsemmi fl-Artikolu 35(3) tad-Direttiva 2013/36/UE sabiex l-awtoritajiet kompetenti tal-Istati Membri ta' oriġini jieħdu deċiżjoni dwar l-adegwatezza tal-istruttura amministrattiva u tas-sitwazzjoni finanzjarja tal-istituzzjoni ta' kreditu u jikkomunikaw in-notifika ta' passaport lill-awtorità kompetenti tal-Istati Membri ospitanti. Huwa wkoll meħtieġ ukoll li jiġi ddeterminat mingħajr ambigwità l-bidu tal-perjodi msemmija fl-Artikolu 36(3) u l-Artikolu 39(2) tad-Direttiva 2013/36/UE mogħtija lill-awtoritajiet kompetenti tal-Istati Membri tad-domiċilju u dawk ospitanti biex jieħdu d-deċiżjonijiet rispettivi tagħhom u biex jikkomunikaw l-informazzjoni rilevanti lil xulxin jew lil istituzzjonijiet ta' kreditu.

(6)

Il-konferma tar-riċevuta tan-notifika ta' passaport ta' fergħa minn awtoritajiet kompetenti ta' Stati Membri ospitanti hija meħtieġa biex tiċċara d-data tal-wasla tan-notifika rilevanti, il-perjodu ta' żmien disponibbli għall-awtoritajiet kompetenti ta' Stati Membri ospitanti biex ikunu ppreparati għas-sorveljanza tal-istituzzjonijiet ta' kreditu u biex jindikaw lilhom kwalunkwe kundizzjonijiet li taħthom, fl-interess tal-ġid ġenerali, l-attivitajiet tagħhom jistgħu jkollhom jitwettqu u d-data eżatta li fiha l-istituzzjonijiet ta' kreditu se jkunu f'pożizzjoni li jistabbilixxu l-fergħat tagħhom u jibdew l-attivitajiet tagħhom fit-territorju tal-Istat Membru ospitanti.

(7)

Sabiex jiżguraw trasparenza fil-kundizzjonijiet li taħthom, fl-interess tal-ġid ġenerali, l-attivitajiet jistgħu jkollhom jitwettqu fi Stati Membri ospitanti, l-awtoritajiet kompetenti tal-Istat Membru ospitanti għandhom jinfurmaw l-awtoritajiet kompetenti tal-Istat Membru tad-domiċilju b'dawk il-kundizzjonijiet li jimponu restrizzjonijiet fuq l-attivitajiet imwettqa mill-fergħat tal-istituzzjonijiet ta' kreditu fit-territorju ta' Stati Membri ospitanti.

(8)

Il-proċeduri għal notifika ta' bidla fil-passaport ta' fergħa għandhom ikopru wkoll il-każ speċifiku ta' tmiem tal-operazzjoni ppjanata tal-fergħa kif dan huwa meqjus tibdila maġġuri fl-operazzjonijiet tal-fergħa li għandha tiġi notifikata lill-awtoritajiet kompetenti tal-Istati Membri tad-domiċilju u ospitanti.

(9)

Id-dispożizzjonijiet f'dan ir-Regolament huma marbuta mill-qrib, billi jittrattaw in-notifiki relatati mal-eżerċizzju tad-dritt tal-istabbiliment u l-libertà li jiġu pprovduti servizzi. Biex jiżguraw koerenza bejn dawk id-dispożizzjonijiet, li għandhom jidħlu fis-seħħ fl-istess ħin, u biex jiffaċilitaw perspettiva komprensiva u aċċess kumpatt għalihom minn persuni suġġetti għal dawk l-obbligi, huwa mixtieq li jkunu inklużi l-istandards tekniċi regolatorji kollha meħtieġa mid-Direttiva 2013/36/UE f'Regolament wieħed.

(10)	Dan ir-Regolament huwa bbażat fuq l-abbozz tal-istandards tekniċi ta' implimentazzjoni sottomessi mill-Awtorità Superviżorja Ewropea (Awtorità Bankarja Ewropea) (EBA) lill-Kummissjoni Ewropea.

(11)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi ta' implementazzjoni li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Bankarji Konċernati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2),

ADOTTAT DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett

Dan ir-Regolament jispeċifika l-formuli, mudelli u proċeduri standard għan-notifiki sabiex jiġu eżerċitati d-dritt ta' stabbiliment u l-libertà li jiġu pprovduti servizzi skont l-Artikolu 35(6), l-Artikolu 36(6) u l-Artikolu 39(5) tad-Direttiva 2013/36/UE.

Artikolu 2

Definizzjonijiet

Għall-finijiet ta' dan ir-Regolament, japplikaw id-definizzjonijiet li ġejjin:

(1)	“notifika ta' passaport ta' fergħa” tfisser notifika li saret skont l-Artikolu 35(1) tad-Direttiva 2013/36/UE minn istituzzjoni ta' kreditu li tixtieq tistabbilixxi fergħa fit-territorju ta' Stat Membru ieħor lill-awtoritajiet kompetenti tal-Istat Membru tad-domiċilju;

(2)

“notifika ta' bidla fid-dettalji ta' fergħa” tfisser notifika li ssir skont l-Artikolu 36(3) tad-Direttiva 2013/36/UE minn istituzzjoni tal-kreditu lill-awtoritajiet kompetenti tal-Istati Membri domiċiljari u dawk ospitanti ta' bidla fid-dettalji kkomunikati skont l-Artikolu 35(2)(b), (c) jew (d) ta' dik id-Direttiva;

(3)

“notifika ta' passaport ta' servizzi” tfisser notifika li saret skont l-Artikolu 39(1) tad-Direttiva 2013/36/UE minn istituzzjoni ta' kreditu li tixtieq teżerċita l-libertà li tipprovdi servizzi billi twettaq l-attivitajiet tagħha fit-territorju ta' Stat Membru ieħor għall-ewwel darba lill-awtoritajiet kompetenti tal-Istat Membru tad-domiċilju;

(4)	“notifika ta' passaport” tfisser notifika ta' passaport ta' fergħa, bidla fin-notifika tad-dettalji tal-fergħa jew notifika ta' passaport tas-servizzi.

Artikolu 3

Rekwiżiti ġenerali għan-notifiki ta' passaport

1. In-notifiki tal-passaport sottomessi skont dan ir-Regolament jikkonformaw mar-rekwiżiti li ġejjin:

(a)

jiġu pprovduti bil-miktub f'lingwa aċċettata mill-awtoritajiet kompetenti tal-Istat Membru ta' domiċilju u b'lingwa aċċettata mill-awtoritajiet kompetenti tal-Istat Membru ospitanti, jew f'xi lingwa aċċettata tal-Unjoni kemm mill-awtoritajiet kompetenti tal-Istati Membri domiċiljari u dawk ospitanti;

(b)	ikunu notifikati bil-posta, jew b'mezzi elettroniċi fejn dawn jiġu aċċettati mill-awtoritajiet kompetenti rilevanti.

2. L-awtoritajiet kompetenti jagħmlu l-informazzjoni li ġejja disponibbli għall-pubbliku:

(a)	il-lingwi aċċettati skont il-paragrafu 1(a);

(b)	l-indirizz fejn għandhom jintbagħtu n-notifiki tal-passaport jekk sottomessi bil-posta;

(c)	kwalunkwe mezzi elettroniċi li bihom jistgħu jiġu sottomessi n-notifiki tal-passaport u kwalunkwe dettalji ta' kuntatt rilevanti.

KAPITOLU II

PROĊEDURI GĦAN-NOTIFIKA TA' PASSAPORT TA' FERGĦA

Artikolu 4

Sottomissjoni tan-notifika tal-passaport ta' fergħa

L-istituzzjonijiet ta' kreditu għandhom jużaw il-formola stabbilita fl-Anness I biex jissottomettu notifika ta' passaport ta' fergħa lill-awtoritajiet kompetenti tal-Istat Membru ta' domiċilju.

Artikolu 5

Evalwazzjoni tal-kompletezza u l-preċiżjoni tan-notifika tal-passaport ta' fergħa

1. Mal-wasla tan-notifika tal-passaport ta' fergħa l-awtoritajiet kompetenti tal-pajjiż Stat Membru ta' oriġini jivvalutaw il-kompletezza u l-preċiżjoni tal-informazzjoni pprovduta.

2. L-awtoritajiet kompetenti tal-Istat Membru tad-domiċilju jqisu li l-perjodu ta' tliet xhur imsemmi fl-Artikolu 35(3) tad-Direttiva 2013/36/UE beda fid-data tal-wasla tan-notifika tal-passaport tas-servizzi li fiha informazzjoni li hi stmata kompleta u korretta.

3. Fejn l-informazzjoni pprovduta fin-notifika tal-passaport tas-servizzi hi stmata mhux kompluta jew żbaljata, l-awtoritajiet kompetenti tal-Istat Membru ta' domiċilju jinfurmaw l-istituzzjoni ta' kreditu mingħajr dewmien, u jindikaw b'liema mod l-informazzjoni hi stmata mhux kompluta jew żbaljata.

Artikolu 6

Komunikazzjoni tan-notifika tal-passaport tal-fergħa

1. L-awtoritajiet kompetenti tal-Istat Membru ta' domiċilju għandhom jużaw il-formola stabbilita fl-Anness II biex jikkomunikaw notifika tal-passaport tal-fergħa lill-awtoritajiet tal-Istat Membru tad-domiċilju flimkien ma' kopja tan-notifika tal-passaport tal-fergħa u bl-aħħar informazzjoni disponibbli dwar il-fondi proprji bl-użu tal-formola stabbilita fl-Anness III.

2. L-awtoritajiet kompetenti tal-Istat Membru ospitanti jirrikonoxxu il-wasla tan-notifika tal-passaport tal-fergħa lill-awtoritajiet kompetenti tal-Istat Membru tad-domiċilju mingħajr dewmien, u jiddikjaraw id-data li fiha waslet in-notifika tal-passaport ta' fergħa.

3. Wara l-konferma ta' riċevuta mill-awtoritajiet kompetenti tal-Istat Membru ospitanti, l-awtoritajiet kompetenti tal-Istat Membru ta' domiċilju għandhom jinfurmaw l-istituzzjoni ta' kreditu mingħajr dewmien b'dan li ġej:

(a)	il-komunikazzjoni tan-notifika tal-passaport tal-fergħa lill-awtoritajiet kompetenti tal-Istat Membru ospitanti;

(b)	id-data tal-wasla tan-notifika tal-passaport tal-fergħa mill-awtoritajiet kompetenti tal-Istat Membru ospitanti;

Artikolu 7

Il-komunikazzjoni tal-kundizzjonijiet fl-interess tal-ġid ġenerali

1. L-awtoritajiet kompetenti tal-Istat Membru ospitanti għandhom jikkomunikaw bil-miktub lill-istituzzjoni ta' kreditu kwalunkwe kondizzjoni msemmija fl-Artikolu 36(1) tad-Direttiva 2013/36/UE li taħthom, fl-interess tal-ġid ġenerali, l-attivitajiet jistgħu jkollhom jitwettqu fit-territorju tal-Istat Membru ospitanti.

2. Meta l-kundizzjonijiet imsemmija fil-paragrafu 1 jimponu restrizzjonijiet fuq l-attivitajiet tal-fergħa, l-awtoritajiet kompetenti tal-Istat Membru ospitanti jikkomunikaw ukoll dawk il-kundizzjonijiet bil-miktub lill-awtoritajiet kompetenti tal-Istat Membru ta' domiċilju.

KAPITOLU III

PROĊEDURI GĦAN-NOTIFIKA TA' BIDLA FID-DETTALJI TAL-FERGĦA

Artikolu 8

Sottomissjoni ta' notifika ta' bidla fid-dettalji tal-fergħa

1. L-istituzzjonijiet ta' kreditu għandhom jużaw il-formola stabbilita fl-Anness I biex jinnotifikaw bidla f'fergħa d-dettalji lill-awtoritajiet kompetenti tal-Istati Membri domiċiljari u ospitanti ħlief fejn il-bidla tikkonċerna t-terminazzjoni tal-operazzjoni ppjanata tal-fergħa.

2. L-istituzzjonijiet ta' kreditu għandhom jużaw il-formola stabbilita fl-Anness IV biex jinnotifikaw bidla fid-dettalji ta' fergħa lill-awtoritajiet kompetenti tal-Istati Membri domiċiljari u ospitanti fejn il-bidla tikkonċerna t-terminazzjoni tal-operazzjoni ppjanata tal-fergħa.

Artikolu 9

Evalwazzjoni tal-kompletezza u l-preċiżjoni tan-notifika

1. Mal-wasla ta' bidla fin-notifika tad-dettalji ta' fergħa l-awtoritajiet kompetenti tal-pajjiż Stat Membru jivvalutaw il-kompletezza u l-preċiżjoni tal-informazzjoni pprovduta.

2. L-awtoritajiet kompetenti tal-Istat Membru tad-domiċilju jqisu li l-perjodu ta' xahar imsemmi fl-Artikolu 36(3) tad-Direttiva 2013/36/UE beda fid-data tal-wasla tan-notifika tal-bidla fid-dettalji ta' fergħa li fiha informazzjoni li hi stmata kompleta u korretta. L-awtoritajiet kompetenti tal-Istati Membri ta' domiċilju u dawk ospitanti għandhom jikkooperaw sabiex jieħu d-deċiżjonijiet imsemmija fl-Artikolu 36(3) tad-Direttiva 2013/36/UE fi żmien il-perjodu msemmi fih.

3. Fejn l-informazzjoni pprovduta fin-notifika tal-bidla fid-dettalji tal-fergħa hi stmata mhux kompluta jew żbaljata, l-awtoritajiet kompetenti tal-Istat Membru ospitanti jinfurmaw l-istituzzjoni ta' kreditu mingħajr dewmien, u jindikaw b'liema mod l-informazzjoni hi stmata mhux kompluta jew żbaljata.

Artikolu 10

Komunikazzjoni tad-deċiżjonijiet li jkunu ttieħdu wara n-notifika

1. L-awtoritajiet kompetenti tal-Istat Membru ta' domiċilju għandhom jikkomunikaw id-deċiżjoni tagħhom imsemmija fl-Artikolu 36(3) tad-Direttiva 2013/36/UE bil-miktub lill-istituzzjoni ta' kreditu u lill-awtoritajiet kompetenti tal-Istat Membru ospitanti.

2. L-awtoritajiet kompetenti tal-Istat Membru ta' domiċilju għandhom jikkomunikaw id-deċiżjoni tagħhom imsemmija fl-Artikolu 36(3) tad-Direttiva 2013/36/UE bil-miktub lill-istituzzjoni ta' kreditu.

3. Meta d-deċiżjoni imsemmija fil-paragrafu 2 jkun fiha kundizzjonijiet li jimponu restrizzjonijiet fuq l-attivitajiet tal-fergħa, l-awtoritajiet kompetenti tal-Istat Membru ospitanti jikkomunikaw ukoll dawk il-kundizzjonijiet bil-miktub lill-awtoritajiet kompetenti tal-Istat Membru ta' domiċilju.

KAPITOLU IV

PROĊEDURI GĦAN-NOTIFIKA TAL-PASSAPORT TAS-SERVIZZI

Artikolu 11

Sottomissjoni tan-notifika tal-passaport tas-servizzi

L-istituzzjonijiet ta' kreditu għandhom jużaw il-formola stabbilita fl-Anness V biex jissottomettu notifika ta' passaport ta' fergħa lill-awtoritajiet kompetenti tal-Istat Membru ta' domiċilju.

Artikolu 12

Evalwazzjoni tal-kompletezza u l-preċiżjoni tan-notifika tal-passaport tas-servizzi

1. Mal-wasla tan-notifika tal-passaport tas-servizzi l-awtoritajiet kompetenti tal-Istat Membru ta' domiċilju jivvalutaw il-kompletezza u l-preċiżjoni tal-informazzjoni pprovduta.

2. L-awtoritajiet kompetenti tal-Istat Membru tad-domiċilju jqisu li l-perjodu ta' xahar imsemmi fl-Artikolu 39(2) tad-Direttiva 2013/36/UE beda fid-data tal-wasla tan-notifika tal-passaport tas-servizzi li fiha informazzjoni li hi stmata kompleta u korretta.

Artikolu 13

Il-komunikazzjoni tan-notifika tal-passaport tas-servizzi

L-awtoritajiet kompetenti tal-Istat Membru ta' domiċilju għandhom jużaw il-formola stabbilita fl-Anness VI biex jissottomettu notifika ta' passaport ta' fergħa lill-awtoritajiet kompetenti tal-Istat Membru ospitanti.

KAPITOLU V

DISPOŻIZZJONIJIET FINALI

Artikolu 14

Dħul fis-seħħ

Din id-Direttiva tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta' Awwissu 2014.

Għall-Kummissjoni

Il-President

José Manuel BARROSO

(1) ĠU L 176, 27.6.2013, p. 338.

(2) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).

ANNESS I

Formola għas-sottomissjoni ta' notifika ta' passaport ta' fergħa jew bidla fin-notifika tad-dettalji ta' fergħa

Fejn l-istituzzjonijiet ta' kreditu jinnotifikaw bidliet f'notifiki partikolari ta' fergħa lill-awtoritajiet kompetenti tal-Istati Membri tad-domiċilju u ospitanti, l-istituzzjonijiet ta' kreditu għandhom biss jimlew il-partijiet tal-formola li jkun fihom informazzjoni li nbidlet.

1. Informazzjoni tal-kuntatt

Tip ta' notifika	[Notifika ta' passaport ta' fergħa/bidla fin-notifika tad-dettalji tal-fergħa]
L-Istat Membru ospitanti li fih il-fergħa tkun se tiġi stabbilita:	[għandha timtela mill-istituzzjoni ta' kreditu]
Isem u numru ta' referenza tal-istituzzjoni ta' kreditu:	[għandha timtela mill-istituzzjoni ta' kreditu]
L-indirizz tal-istituzzjoni ta' kreditu fl-Istat Membru ospitanti li mingħandha jkunu jistgħu jinkisbu d-dokumenti:	[għandha timtela mill-istituzzjoni ta' kreditu]
Il-post prinċipali ta' negozju maħsub tal-fergħa fl-Istat Membru ospitanti:	[għandha timtela mill-istituzzjoni ta' kreditu]
Id-data li fiha l-fergħa beħsiebha tibda l-attivitajiet tagħha:	[għandha timtela mill-istituzzjoni ta' kreditu]
L-isem tal-persuna ta' kuntatt fil-fergħa:	[għandha timtela mill-istituzzjoni ta' kreditu]
Numru tat-telefown:	[għandha timtela mill-istituzzjoni ta' kreditu]
Posta elettronika:	[għandha timtela mill-istituzzjoni ta' kreditu]

2. Programm ta' operazzjonijiet

2.1. It-tipi ta' negozju maħsuba

2.1.1. Id-deskrizzjoni tal-objettivi ewlenin u l-istrateġija tan-negozju tal-fergħa u spjegazzjoni ta' kif il-fergħa se tikkontribwixxi għall-istrateġija tal-istituzzjoni u, fejn applikabbli, tal-grupp tagħha

[għandha timtela mill-istituzzjoni ta' kreditu]

2.1.2. Id-deskrizzjoni tal-klijenti fil-mira u l-kontropartijiet

[għandha timtela mill-istituzzjoni ta' kreditu]

2.1.3. Lista tal-attivitajiet imsemmija fl-Anness I għad-Direttiva 2013/36/UE li l-istituzzjoni ta' kreditu għandha l-ħsieb twettaq fl-Istat Membru ospitanti bl-indikazzjoni tal-attivitajiet li se jikkostitwixxu l-qalba ta' negozju fl-Istat Membru ospitanti, inkluża d-data tal-bidu maħsuba għal kull attività prinċipali

Nru.

Attività

L-attivitajiet li l-istituzzjoni ta' kreditu għandha l-ħsieb li twettaq

L-attivitajiet li se jikkostitwixxu l-qalba tan-negozju

Id-data tal-bidu maħsuba għal kull attività prinċipali

Ġbir ta' depożiti u fondi oħra li jitħallsu lura

Self li jinkludi, fost l-oħrajn: kreditu tal-konsumaturi, ftehimiet ta' kreditu b'rabta ma' proprjetà immobbli, fatturament b'azzjoni ta' rivalsa jew le, il-finanzjament ta' transazzjonijiet kummerċjali (inkluż il-forfeiting).

Leasing finanzjarju

Servizzi ta' pagament kif definiti fl-Artikolu 4(3) tad-Direttiva 2007/64/KE tal-Parlament Ewropew u tal-Kunsill (*1)

4a.

Servizzi li jippermettu li flus kontanti jitqiegħdu f'kont tal-pagamenti, kif ukoll l-operazzjonijiet kollha meħtieġa biex jintuża kont tal-pagamenti

4b.

Servizzi li jippermettu ġbid ta' flus kontanti minn kont tal-pagamenti, kif ukoll l-operazzjonijiet kollha meħtieġa biex jintuża kont tal-pagamenti

4c.

It-twettiq ta' tranżazzjonjiet ta' pagamenti, inkluż trasferiment ta' fondi fuq kont tal-pagamenti mal-fornitur ta' servizzi ta' pagamenti jew ma' fornitur ta' servizzi ta' pagamenti ieħor:

—	it-twettiq ta' debiti diretti, inklużi debiti diretti ta' darba

—	it-twettiq ta' tranżazzjonjiet ta' pagamenti permezz ta' kard tal-pagamenti jew strument ieħor simili

—	it-twettiq ta' trasferimenti ta' kreditu, fosthom ordnijiet permanenti

4d.

Eżekuzzjoni ta' transazzjonjiet ta' pagament fejn il-fondi huma koperti minn linja ta' kreditu għal utent ta' servizzi ta' ħlas:

—	it-twettiq ta' debiti diretti, inklużi debiti diretti ta' darba

—	it-twettiq ta' tranżazzjonjiet ta' pagamenti permezz ta' kard tal-pagamenti jew strument ieħor simili

—	it-twettiq ta' trasferimenti ta' kreditu, fosthom ordnijiet permanenti

4e.

Il-ħruġ u/jew il-kisba ta' strumenti tal-pagament

4f.

Rimessa ta' flus

4g.

Eżekuzzjoni ta' transazzjonjiet ta' pagament fejn il-kunsens ta' min iħallas għall-eżekuzzjoni ta' transazzjoni ta' pagament jingħata permezz ta' kwalunkwe apparat tat-telekomunikazzjoni, diġitali jew tal-IT u l-pagament isir lill-operatur tat-telekomunikazzjoni, sistema jew operatur tan-network tal-IT, li jaġixxi biss bħala intermedjarju bejn l-utent ta' servizzi ta' pagament u l-fornitur tal-merkanzija jew is-servizzi (*2)

Il-ħruġ u l-amministrazzjoni ta' mezzi oħra ta' pagament (pereżempju travellers' cheques u bankers' drafts) sa fejn tali attività ma tkunx koperta mill-punt 4

Garanziji u impenji

Negozju għall-kont proprju jew f'isem il-klijenti fi kwalunkwe wieħed minn dawn li ġejjin:

7a.

—	strumenti tas-suq monetarju (eż. ċekkijiet, kambjali, ċertifikati ta' depożitu)

7b.

—	kambju fi flus barranin

7c.

—	kuntratt tal-futuri fuq rata ta' interess fuq żmien qasir (financial futures) u opzjonijiet finanzjarji

7d.

—	strumenti tal-kambju u tar-rata tal-imgħax

7e.

—	titoli ta' sigurtà trasferibbli

Parteċipazzjoni fi ħruġ ta' titoli u l-forniment ta' servizzi relatati ma' tali kwistjonijiet

Parir lill-intrapriżi dwar struttura kapitali, strateġija industrijali u kwistjonijiet relatati u pariri kif ukoll servizzi relatati mal-unifikazzjonijiet u x-xiri tal-intrapriżi

10.

Intermedjazzjoni fis-suq monetarju

11.

Portfolju amministrattiv u pariri

12.

Kustodja u amministrazzjoni ta' titoli

13.

Servizzi ta' referenzi ta' kreditu

14.

Servizzi ta' kaxxi ta' sigurezza

15.

Ħruġ ta' flus elettroniku

2.1.4. Il-lista tas-servizzi u l-attivitajiet li l-istituzzjoni ta' kreditu għandha l-ħsieb twettaq fl-Istat Membru ospitanti, u li huma previsti fit-Taqsimiet A u B tal-Anness I għad-Direttiva 2004/39/KE tal-Parlament Ewropew u tal-Kunsill (1), meta ssir referenza għall-istrumenti finanzjarji previsti fit-Taqsima C tal-Anness I ta' dik id-Direttiva

Strumenti Finanzjarji

Is-servizzi u l-attivitajiet tal-investimenti

Servizzi anċillari

A 1

A 2

A 3

A 4

A 5

A 6

A 7

A 8

B 1

B 2

B 3

B 4

B 5

B 6

B 7

C10

Nota 1:

L-intestaturi tar-ringieli u l-kolonni huma referenzi għat-taqsima u n-numri rilevanti fl-Anness I tad-Direttiva 2004/39/KE (eż. A1 jirreferi għal punt 1 tat-Taqsima A tal-Anness I).

2.2. L-organizzazzjoni strutturali tal-fergħa

2.2.1. Id-deskrizzjoni tal-istruttura organizzazzjonali tal-fergħa, inklużi l-linji ta' rappurtar legali u funzjonali u l-pożizzjoni u r-rwol tal-fergħa fi ħdan l-istruttura korporattiva tal-istituzzjoni u, fejn applikabbli, mill-grupp tagħha

[għandha timtela mill-istituzzjoni ta' kreditu]

Id-deskrizzjoni tista' tiġi appoġġjata b'dokumenti rilevanti, bħal skeda organizzazzjonali

2.2.2. Deskrizzjoni tal-arranġamenti ta' governanza u tal-mekkaniżmi interni ta' kontroll tal-fergħa, inkluża l-informazzjoni li ġejja:

2.2.2.1.

proċeduri tal-immaniġġjar tar-riskju tal-fergħa u dettalji dwar il-ġestjoni tar-riskju tal-likwidità tal-istituzzjoni, u fejn applikabbli, tal-grupp tagħha

[għandha timtela mill-istituzzjoni ta' kreditu]

2.2.2.2.

kwalunkwe limitu li japplika għall-attivitajiet tal-fergħa, b'mod partikolari l-attivitajiet ta' self tagħha

[għandha timtela mill-istituzzjoni ta' kreditu]

2.2.2.3.

id-dettalji ta' arranġamenti ta' awditjar intern tal-fergħa, inklużi d-dettalji tal-persuna responsabbli għal dawn l-arranġamenti u, fejn applikabbli, dettalji tal-awditur estern

[għandha timtela mill-istituzzjoni ta' kreditu]

2.2.2.4.

l-arranġamenti kontra l-ħasil tal-flus tal-fergħa inklużi dettalji dwar il-persuna maħtura biex jiżguraw konformità ma' dawn l-arranġamenti

[għandha timtela mill-istituzzjoni ta' kreditu]

2.2.2.5.

il-kontrolli fuq l-esternalizzazzjoni u arranġamenti oħra ma' partijiet terzi b'konnessjoni mal-attivitajiet imwettqa fis-settur li huma koperti minn awtorizzazzjoni tal-istituzzjoni

[għandha timtela mill-istituzzjoni ta' kreditu]

2.2.3. Fejn il-fergħa hija mistennija twettaq wieħed jew aktar mis-servizzi ta' investiment u attivitajiet definiti fil-punt 2 tal-Artikolu 4(1) tad-Direttiva 2004/39/KE, deskrizzjoni tal-arranġamenti li ġejjin:

2.2.3.1.

l-arranġamenti għas-salvagwardja tal-flus u l-assi tal-klijenti

[għandha timtela mill-istituzzjoni ta' kreditu]

2.2.3.2.

l-arranġamenti għal konformità mal-obbligi stabbiliti fl-Artikoli 19, 21, 22, 25, 27 u 28 tad-Direttiva 2004/39/KE u l-miżuri adottati skont dawn mill-awtoritajiet kompetenti rilevanti tal-Istat Membru ospitanti

[għandha timtela mill-istituzzjoni ta' kreditu]

2.2.3.3.

il-kodiċi ta' kondotta interna inklużi l-kontrolli fuq ġestjoni ta' kont personali

[għandha timtela mill-istituzzjoni ta' kreditu]

2.2.3.4.

id-dettalji tal-persuna responsabbli biex tittratta ilmenti dwar is-servizzi u l-attivitajiet ta' investiment tal-fergħa

[għandha timtela mill-istituzzjoni ta' kreditu]

2.2.3.5.

id-dettalji tal-persuna maħtura sabiex tassigura l-konformità mal-arranġamenti tal-fergħa rigward servizzi u attivitajiet ta' investiment

[għandha timtela mill-istituzzjoni ta' kreditu]

2.2.4. id-dettalji ta' esperjenza professjonali tal-persuni responsabbli għall-immaniġġar tal-fergħa

[għandha timtela mill-istituzzjoni ta' kreditu]

2.3. Informazzjoni oħra

2.3.1. Il-pjan finanzjarju li fih previżjonijiet tal-karta bilanċjali u tal-kontijiet tal-qligħ u t-telf, li jkopru perjodu ta' tliet snin

[għandha timtela mill-istituzzjoni ta' kreditu]

Din l-informazzjoni tista' tiġi pprovduta bħala dokument mehmuż man-notifika

2.3.2. L-isem u d-dettalji ta' kuntatt tal-garanzija tad-depożiti tal-Unjoni u tal-iskemi ta' protezzjoni tal-investitur li tagħhom l-istituzzjoni hija membru u li jkopru l-attivitajiet u s-servizzi tal-fergħa, flimkien mal-kopertura massima tal-iskema ta' protezzjoni tal-investitur

[għandha timtela mill-istituzzjoni ta' kreditu]

2.3.3. Id-dettalji tal-arranġamenti tal-IT tal-fergħa

[għandha timtela mill-istituzzjoni ta' kreditu]

(*1) Id-Direttiva 2007/64/KE tal-Parlament Ewropew u tal-Kunsill tat-13 ta' Novembru 2007 dwar is-servizzi ta' ħlas fis-suq intern (ĠU L 319, 5.12.2007, p. 1).

(*2) L-attività msemmija fil-punt 4 g tinkludi l-għoti ta' krediti skont il-kundizzjonijiet stabbiliti fl-Artikolu 16(3) tad-Direttiva 2007/64/KE?

☐ iva ☐ le

(1) Id-Direttiva 2004/39/KE tal-Parlament Ewropew u tal-Kunsill tal-21 ta' April 2004 dwar is-swieq fl-istrumenti finanzjarji li temenda d-Direttivi tal-Kunsill 85/611/KEE u 93/6/KEE u d-Direttiva 2000/12/KE tal-Parlament Ewropew u tal-Kunsill u li tħassar id-Direttiva tal-Kunsill 93/22/KEE (ĠU L 145, 30.4.2004, p. 1).

ANNESS II

Formola għall-komunikazzjoni tan-notifika ta' passaport ta' fergħa

L-awtoritajiet kompetenti tal-Istat Membru tad-domiċilju:

Isem il-persuna ta' kuntatt:

Numru tat-telefown:

Posta elettronika:

L-indirizz tal-awtoritajiet kompetenti tal-Istat Membru ospitanti:

[Data]

Ref:

Il-komunikazzjoni ta' notifika ta' passaport ta' fergħa

[Il-komunikazzjoni għandha tinkludi tal-inqas l-informazzjoni li ġejja:

—	L-isem u n-numru ta' referenza tal-istituzzjoni ta' kreditu

—	l-awtoritajiet kompetenti responsabbli għall-awtorizzazzjoni u s-superviżjoni tal-istituzzjoni ta' kreditu

—	dikjarazzjoni dwar l-intenzjoni tal-istituzzjoni ta' kreditu li twettaq attivitajiet fit-territorju tal-Istat Membru ospitanti, inkluża d-data tal-wasla tan-notifika ta' passaport ta' fergħa li tkun fiha informazzjoni li hija vvalutata li tkun kompleta u korretta

—	l-isem u d-dettalji ta' kuntatt tal-persuni responsabbli għall-immaniġġar tal-fergħa

—	l-isem u d-dettalji ta' kuntatt tal-garanzija tad-depożiti tal-Unjoni u tal-iskemi ta' protezzjoni tal-investitur li tagħhom l-istituzzjoni hija membru u li jkopru l-attivitajiet u s-servizzi tal-fergħa.]

[Dettalji tal-kuntatt]

ANNESS III

Formola għall-komunikazzjoni tal-ammont u l-kompożizzjoni tal-fondi proprji u r-rekwiżiti tal-fondi proprji

1. L-ammont u l-kompożizzjoni tal-fondi proprji

Partita

Ir-referenzi kollha huma għad-dispożizzjonijiet tar-Regolament (UE) Nru 575/2013 tal-Parlament Ewropew u tal-Kunsill (1)

Ammont

(f'miljuni ta' EUR)

Fondi proprji

L-Artikoli 4(1)(118) u 72

[dejta kif irrappurtata fir-ringiela 010 fil-Mudell 1 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014 (2)]

Kapital ta' Grad 1

Artikolu 25

[dejta kif irrappurtata fir-ringiela 015 fil-Mudell 1 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Kapital ta' Ekwità Komuni ta' Grad 1

Artikolu 50

[dejta kif irrappurtata fir-ringiela 020 fil-Mudell 1 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Kapital ta' Grad 1 Addizzjonali

Artikolu 61

[dejta kif irrappurtata fir-ringiela 530 fil-Mudell 1 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Kapital ta' Grad 2

Artikolu 71

[dejta kif irrappurtata fir-ringiela 750 fil-Mudell 1 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

2. Rekwiżiti ta' fondi proprji

Partita

Ir-referenzi kollha huma għad-dispożizzjonijiet tar-Regolament (UE) Nru 575/2013

Ammont

(f'miljuni ta' EUR)

Ammont totali tal-iskopertura għar-riskji

L-Artikoli 92(3), 95, 96 u 98

[dejta kif irrappurtata fir-ringiela 010 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammonti tal-iskopertura ppeżati għar-riskju tal-kreditu, tal-kreditu tal-kontroparti u tar-riskju ta' dilwizzjoni u twassil bla ħlas

Punti (a) u (f) tal-Artikolu 92(3)

[dejta kif irrappurtata fir-ringiela 040 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammont totali tal-iskopertura għar-riskju għal aġġustamenti/konsenja

Il-punt (c) (ii) tal-Artikolu 92(3) u l-punt (b) tal-Artikolu 92(4)

[dejta kif irrappurtata fir-ringiela 490 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammonti tal-iskopertura għar-riskji tal-pożizzjoni, tal-kambju u tal-kommoditajiet

Il-punti (b)(i), (c)(i) u (c)(iii) tal-Artikolu 92(3) u l-punt (b) tal-Artikolu 92(4)

[dejta kif irrappurtata fir-ringiela 520 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammont totali tal-iskopertura għar-riskju, għar-riskju operazzjonali

Il-punt (e) tal-Artikolu 92(3) u l-punt (b) tal-Artikolu 92(4)

[dejta kif irrappurtata fir-ringiela 590 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammont addizzjonali tal-iskopertura għar-riskju minħabba l-ispejjeż ġenerali fissi

L-Artikoli 95(2), 96(2), 97 u 98(1) il-punt (a)

[dejta kif irrappurtata fir-ringiela 630 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammont totali tal-iskopertura għar-riskju għal aġġustamenti fil-valwazzjoni tal-kreditu

Punt (d) tal-Artikolu 92(3)

[dejta kif irrappurtata fir-ringiela 640 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammont totali tal-iskopertura għar-riskju marbut ma' skoperturi kbar fil-portafoll tan-negozjar

Il-punt (b)(ii) tal-Artikolu 92(3) u l-Artikolu 395 sa 401

[dejta kif irrappurtata fir-ringiela 680 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

Ammonti ta' skoperturi għar-riskju oħra

L-Artikoli 3, 458, 459 u 500 u l-ammonti ta' skopertura għar-riskju li ma jistgħux jiġu assenjati f'waħda mill-entrati toħrajn ta' din it-tabella

[dejta kif irrappurtata fir-ringiela 690 fil-Mudell 2 tal-Anness 1 tar-Regolament ta' Implimentazzjoni tal-Kummissjoni (UE) Nru 680/2014]

(1) Ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

(2) Ir-Regolament ta' Implimentazzjoni tal-Kummissjoni (UE) Nru 680/2014 tas-16 ta' April 2014 li jistabbilixxi standards tekniċi ta' implimentazzjoni fir-rigward tar-rappurtar superviżorju ta' istituzzjonijiet skont ir-Regolament (UE) Nru 575/2013 tal-Parlament Ewropew u tal-Kunsill (ĠU L 191, 28.6.2014, p. 1-1861).

ANNESS IV

Formola għas-sottomissjoni ta' bidla fin-notifika tad-dettalji tal-fergħat li tikkonċerna t-terminazzjoni ppjanata tal-operazzjoni ta' fergħa

Isem il-persuna ta' kuntatt fl-istituzzjoni ta' kreditu jew fergħa:

Numru tat-telefown:

Posta elettronika:

L-indirizz tal-awtoritajiet kompetenti tal-Istat Membru tad-domiċilju:

L-indirizz tal-awtoritajiet kompetenti tal-Istat Membru ospitanti:

[Data]

[Ref:]

Sottomissjoni ta' bidla fin-notifika tad-dettalji tal-fergħat li tikkonċerna t-terminazzjoni ppjanata tal-operazzjoni ta' fergħa

[In-notifika għandha tinkludi tal-inqas l-informazzjoni li ġejja:

—	L-isem u n-numru ta' referenza tal-istituzzjoni ta' kreditu

—	l-isem tal-fergħa fit-territorju tal-Istat Membru ospitanti

—	l-awtoritajiet kompetenti responsabbli għall-awtorizzazzjoni u s-superviżjoni tal-istituzzjoni ta' kreditu

—	dikjarazzjoni dwar l-istituzzjoni ta' kreditu għandha l-intenzjoni li ttemm l-operazzjoni ta' fergħa fit-territorju tal-Istat Membru ospitanti u d-data sa meta t-terminazzjoni se tkun effettiva

—	l-isem u d-dettalji ta' kuntatt tal-persuni li ser ikunu responsabbli għall-proċess tat-tmiem tal-operat tal-fergħa

—	l-iskeda ta' żmien stmata għat-tmiem ippjanat

—	informazzjoni dwar il-proċess ta' tmiem tar-relazzjonijiet kummerċjali mal-klijenti tal-fergħa.]

[Dettalji tal-kuntatt]

ANNESS V

Formola għas-sottomissjoni tan-notifika ta' passaport ta' servizzi

1. Informazzjoni tal-kuntatt

Tip ta' notifika	Notifika ta' passaport ta' servizzi
L-Istat Membru ospitanti li fih l-istituzzjoni ta' kreditu tippjana li twettaq l-attivitajiet tagħha:
Isem u numru ta' referenza tal-istituzzjoni ta' kreditu:
Indirizz tal-uffiċċju ewlieni tal-istituzzjoni ta' kreditu:
Isem il-persuna ta' kuntatt fl-istituzzjoni ta' kreditu:
Numru tat-telefown:
Posta elettronika:

2. Lista tal-attivitajiet imsemmija fl-Anness I għad-Direttiva 2013/36/UE li l-istituzzjoni ta' kreditu għandha l-ħsieb twettaq fl-Istat Membru ospitanti bl-indikazzjoni tal-attivitajiet li se jikkostitwixxu l-qalba ta' negozju fl-Istat Membru ospitanti, inkluża d-data tal-bidu maħsuba għal kull attività prinċipali

Nru.

Attività

L-attivitajiet li l-istituzzjoni ta' kreditu għandha l-ħsieb li twettaq

L-attivitajiet li se jikkostitwixxu l-qalba tan-negozju

Id-data tal-bidu maħsuba għal kull attività prinċipali

Ġbir ta' depożiti u fondi oħra li jitħallsu lura.

Leasing finanzjarju

Servizzi ta' pagament kif iddefiniti fl-Artikolu 4(3) tad-Direttiva 2007/64/KE.

Servizzi li jippermettu li flus kontanti jitqiegħdu f'kont tal-pagamenti, kif ukoll l-operazzjonijiet kollha meħtieġa biex jintuża kont tal-pagamenti

Servizzi li jippermettu ġbid ta' flus kontanti minn kont tal-pagamenti, kif ukoll l-operazzjonijiet kollha meħtieġa biex jintuża kont tal-pagamenti

It-twettiq ta' tranżazzjonjiet ta' pagamenti, inkluż trasferiment ta' fondi fuq kont tal-pagamenti mal-fornitur ta' servizzi ta' pagamenti jew ma' fornitur ta' servizzi ta' pagamenti ieħor:

—	it-twettiq ta' debiti diretti, inklużi debiti diretti ta' darba

—	it-twettiq ta' tranżazzjonjiet ta' pagamenti permezz ta' kard tal-pagamenti jew strument ieħor simili

—	it-twettiq ta' trasferimenti ta' kreditu, fosthom ordnijiet permanenti

Eżekuzzjoni ta' transazzjonjiet ta' pagament fejn il-fondi huma koperti minn linja ta' kreditu għal utent ta' servizzi ta' pagament:

—	it-twettiq ta' debiti diretti, inklużi debiti diretti ta' darba

—	it-twettiq ta' tranżazzjonjiet ta' pagamenti permezz ta' kard tal-pagamenti jew strument ieħor simili

—	it-twettiq ta' trasferimenti ta' kreditu, fosthom ordnijiet permanenti

Il-ħruġ u/jew il-kisba ta' strumenti tal-pagament

Rimessa ta' flus

4 g

Eżekuzzjoni ta' transazzjonjiet ta' pagament fejn il-kunsens ta' min iħallas għall-eżekuzzjoni ta' transazzjoni ta' pagament jingħata permezz ta' kwalunkwe apparat tat-telekomunikazzjoni, diġitali jew tal-IT u l-ħlas isir lill-operatur tat-telekomunikazzjoni, sistema jew operatur tan-network tal-IT, li jaġixxi biss bħala intermedjarju bejn l-utent ta' servizzi ta' pagament u l-fornitur tal-merkanzija jew is-servizzi (*1)

Il-ħruġ u l-amministrazzjoni ta' mezzi oħra ta' pagament (pereżempju travellers' cheques u bankers' drafts) sa fejn tali attività ma tkunx koperta mill-punt 4

Garanziji u impenji

Negozju għall-kont proprju jew f'isem il-klijenti fi kwalunkwe wieħed minn dawn li ġejjin:

—	strumenti tas-suq monetarju (eż. ċekkijiet, kambjali, ċertifikati ta' depożitu)

—	kambju fi flus barranin

—	kuntratt tal-futuri fuq rata ta' interess fuq żmien qasir (financial futures) u opzjonijiet finanzjarji

—	strumenti tal-kambju u tar-rata tal-imgħax

—	titoli ta' sigurtà trasferibbli

Parteċipazjoni fi ħruġ ta' titoli u l-provvedimenti ta' servizzi marbuta ma' dan il-ħruġ

Pariri lill-impriżi dwar l-istruttura tal-kapital, l-istrateġija industrijali u kwistjonijiet u pariri relatati kif ukoll servizzi relatati mal-fużjonijiet u x-xiri ta' impriżi

10.

Intermedjazzjoni fis-suq monetarju

11.

Portfolju amministrattiv u pariri

Kustodja u amministrazzjoni ta' titoli

13.

Servizzi ta' referenzi ta' kreditu

14.

Servizzi ta' kaxxi ta' sigurezza

15.

Ħruġ ta' flus elettroniku

3. Il-lista tas-servizzi u l-attivitajiet li l-istituzzjoni ta' kreditu għandha l-ħsieb twettaq fl-Istat Membru ospitanti, u li huma previsti fit-Taqsimiet A u B tal-Anness I għad-Direttiva 2004/39/KE, meta ssir referenza għall-istrumenti finanzjarji previsti fit-Taqsima C tal-Anness I ta' dik id-Direttiva

Strumenti Finanzjarji

Is-servizzi u l-attivitajiet tal-investimenti

Servizzi anċillari

A 1

A 2

A 3

A 4

A 5

A 6

A 7

A 8

B 1

B 2

B 3

B 4

B 5

B 6

B 7

C10

Nota 1:

L-intestaturi tar-ringieli u l-kolonni huma referenzi għat-taqsima u n-numri rilevanti fl-Anness I tad-Direttiva 2004/39/KE (eż. A1 jirreferi għal punt 1 ta' Taqsima A tal-Anness I).

(*1) L-attività msemmija fil-punt 4 g tinkludi l-għoti ta' krediti skont il-kundizzjonijiet stabbiliti fl-Artikolu 16(3) tad-Direttiva 2007/64/KE?

☐ iva ☐ le

ANNESS VI

Formola għall-komunikazzjoni tan-notifika ta' passaport ta' servizzi

L-awtoritajiet kompetenti tal-Istat Membru tad-domiċilju:

Isem il-persuna ta' kuntatt:

Numru tat-telefown:

Posta elettronika:

L-indirizz tal-awtoritajiet kompetenti tal-Istat Membru ospitanti:

[Data]

Ref:

Il-komunikazzjoni ta' notifika ta' passaport ta' servizzi

[Il-komunikazzjoni għandha tinkludi tal-inqas l-informazzjoni li ġejja:

—	L-isem u n-numru ta' referenza tal-istituzzjoni ta' kreditu

—	l-awtoritajiet kompetenti responsabbli għall-awtorizzazzjoni u s-superviżjoni tal-istituzzjoni ta' kreditu

—	id-dikjarazzjoni dwar l-intenzjoni tal-istituzzjoni ta' kreditu li twettaq attivitajiet fit-territorju tal-Istat Membru ospitanti, billi teżerċita l-libertà li tipprovdi servizzi.]

[Dettalji tal-kuntatt]

Top

Choose the experimental features you want to try