This document is an excerpt from the EUR-Lex website
Document 32014R0859
Commission Implementing Regulation (EU) No 859/2014 of 5 August 2014 concerning the classification of certain goods in the Combined Nomenclature
Regolament ta' Implimentazzjoni tal-Kummissjoni (UE) Nru 859/2014 tal- 5 ta' Awwissu 2014 dwar il-klassifikazzjoni ta' ċerti prodotti fin-Nomenklatura Magħquda
Regolament ta' Implimentazzjoni tal-Kummissjoni (UE) Nru 859/2014 tal- 5 ta' Awwissu 2014 dwar il-klassifikazzjoni ta' ċerti prodotti fin-Nomenklatura Magħquda
ĠU L 235, 8.8.2014, pp. 4–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
8.8.2014 |
MT |
Il-Ġurnal Uffiċjali tal-Unjoni Ewropea |
L 235/4 |
REGOLAMENT TA' IMPLIMENTAZZJONI TAL-KUMMISSJONI (UE) Nru 859/2014
tal-5 ta' Awwissu 2014
dwar il-klassifikazzjoni ta' ċerti prodotti fin-Nomenklatura Magħquda
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u b'mod partikolari l-Artikolu 9(1)(a) tiegħu,
Billi:
|
(1) |
Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa meħtieġ li jiġu adottati miżuri rigward il-klassifikazzjoni tal-prodotti msemmija fl-Anness ta' dan ir-Regolament. |
|
(2) |
Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija bbażata, parzjalment jew kollha kemm hi fuqu, jew li żżid kwalunkwe sottodiviżjoni magħha u li hija stabbilita b'dispożizzjonijiet speċifiċi tal-Unjoni, bil-ħsieb li jiġu applikati tariffi u miżuri oħra relatati mal-kummerċ tal-prodotti. |
|
(3) |
Skont dawn ir-regoli ġenerali, il-prodotti deskritti fil-kolonna (1) tat-tabella kif stabbilita fl-Anness għandhom jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta' din it-tabella. |
|
(4) |
Tajjeb li jiġi previst li l-informazzjoni vinkolanti dwar it-tariffi maħruġa fir-rigward tal-prodotti milquta minn dan ir-Regolament, li ma tikkonformax ma' dan ir-Regolament, tista' għal ċertu perjodu tibqa' tiġi invokata mid-detentur skont l-Artikolu 12(6) tar-Regolament tal-Kunsill (KEE) Nru 2913/92 (2). Dan il-perjodu għandu jkun ta' tliet xhur. |
|
(5) |
Il-miżuri stipulati f'dan ir-Regolament huma konformi mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna (1) tat-tabella li tinsab fl-Anness huma kklassifikati fin-Nomenklatura Magħquda taħt il-kodiċi NM indikat fil-kolonna (2) ta' din it-tabella.
Artikolu 2
L-informazzjoni vinkolanti dwar it-tariffi li ma tikkonformax ma' dan ir-Regolament tista' tibqa' tiġi invokata skont l-Artikolu 12(6) tar-Regolament (KEE) Nru 2913/92 għal perjodu ta' tliet xhur mid-data tad-dħul fis-seħħ ta' dan ir-Regolament.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Awwissu 2014.
Għall-Kummissjoni,
F'isem il-President,
Martine REICHERTS
Membru tal-Kummissjoni
(2) Ir-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (ĠU L 302, 19.10.1992, p. 1).
ANNESS
|
Deskrizzjoni tal-prodotti |
Klassifikazzjoni (kodiċi NM) |
Ir-raġunijiet |
|
(1) |
(2) |
(3) |
|
L-oġġett huwa kalendarju tat-tip perpetwu u statwetta tal-plastik fil-forma ta' anġlu. L-anġlu qiegħed bilqiegħda fuq pedestall tal-plastik. Il-kalendarju jidħol fil-pedestall u huwa magħmul minn blokok tal-injam u pjanċi bl-ismijiet tax-xhur, u bin-numri tal-jiem stampati fuqhom. L-oġġett huwa għoli madwar 16-il ċentimetru. L-istatwetta tirrappreżenta nofs l-għoli tiegħu, iżda bħala volum hija inqas minn dik il-parti tal-oġġett li hija l-kalendarju. (Ara r-ritratt) (*1) |
4910 00 00 |
Il-klassifikazzjoni hija stabbilita mir-regoli ġenerali 1 u 3(b) għall-interpretazzjoni tan-Nomenklatura Magħquda (GIR) u mit-test tal-kodiċi NM 4910 00 00 . Skont il-karatteristiċi oġġettivi tal-oġġett, bħalma huma d-daqs u l-prominenza tal-parti magħmula mill-kalendarju meta mqabbla mal-komponent dekorattiv, huwa l-kalendarju dak il-komponent li jagħti lill-oġġett il-karattru essenzjali tiegħu skont it-tifsira tal-GIR 3(b) (ara wkoll in-Noti ta' Spjegazzjoni tas-Sistema Armonizzata (HSEN), tal-intestatura 4910 , ir-raba' paragrafu). Barra minn hekk, l-intestatura 4910 tkopri kull tip ta' kalendarju stampat fuq kwalunkwe materjal (ara wkoll l-HSEN, tal-intestatura 4910 , l-ewwel paragrafu). L-Artikolu għandu għalhekk jiġi kklassifikat taħt il-kodiċi NM 4910 00 00 bħala kalendarji ta' kull tip. |
(*1) L-istampa għandha tintuża biss għal raġunijiet ta' informazzjoni.