This document is an excerpt from the EUR-Lex website
Document 32014R0743
Commission Regulation (EU) No 743/2014 of 9 July 2014 replacing Annex VII to Regulation (EU) No 601/2012 as regards Minimum frequency of analyses Text with EEA relevance
Regolament tal-Kummissjoni (UE) Nru 743/2014 tad- 9 ta' Lulju 2014 li jissostitwixxi l-Anness VII tar-Regolament (UE) Nru 601/2012 fir-rigward tal-Frekwenza minima ta' analiżijiet Test b'rilevanza għaż-ŻEE
Regolament tal-Kummissjoni (UE) Nru 743/2014 tad- 9 ta' Lulju 2014 li jissostitwixxi l-Anness VII tar-Regolament (UE) Nru 601/2012 fir-rigward tal-Frekwenza minima ta' analiżijiet Test b'rilevanza għaż-ŻEE
ĠU L 201, 10.7.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020; Impliċitament imħassar minn 32018R2066
10.7.2014 |
MT |
Il-Ġurnal Uffiċjali tal-Unjoni Ewropea |
L 201/1 |
REGOLAMENT TAL-KUMMISSJONI (UE) Nru 743/2014
tad-9 ta' Lulju 2014
li jissostitwixxi l-Anness VII tar-Regolament (UE) Nru 601/2012 fir-rigward tal-Frekwenza minima ta' analiżijiet
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2003/87/KE tal-Parlament Ewropew u tal-Kunsill tat-13 ta' Ottubru 2003 li tistabbilixxi skema għall-iskambju ta' kwoti ta' emissjonijiet ta' gassijiet serra ġewwa l-Komunità u li temenda d-Direttiva tal-Kunsill 96/61/KE (1), u b'mod partikolari l-Artikolu 14(1) tagħha,
Billi:
(1) |
L-Anness VII tar-Regolament tal-Kummissjoni (UE) Nru 601/2012 (2) jiddetermina l-frekwenza minima tal-analiżijiet għall-karburanti u l-materjali rilevanti li għandhom jiġu applikati mill-operaturi għad-determinazzjoni ta' fatturi ta' kalkolu. |
(2) |
L-Artikolu 35 tar-Regolament (UE) Nru 601/2012 jipprevedi li l-Anness VII ta' dak ir-Regolament għandu jiġi rivedut fuq bażi regolari u għall-ewwel darba f'mhux aktar minn sentejn minn meta r-Regolament (UE) Nru 601/2012 jidħol fis-seħħ. |
(3) |
L-Anness VII tar-Regolament (UE) Nru 601/2012 għandu jiġi emendat biex jiċċara l-klassifikazzjoni u l-kategorizzazzjoni ta' karburanti u materjali elenkati fih sabiex titjieb il-konsistenza xierqa fir-rigward tal-applikazzjoni ta' fatturi xierqa użati fil-kalkolu tal-emissjonijiet. |
(4) |
Fl-interess taċ-ċarezza, l-Anness VII tar-Regolament (UE) Nru 601/2012 jixraq li jinbidel. |
(5) |
Għalhekk ir-Regolament (UE) Nru 601/2012 għandu jiġi emendat skont dan. |
(6) |
Il-miżuri stipulati f'dan ir-Regolament huma skont l-opinjoni tal-Kumitat dwar it-Tibdil fil-Klima, |
ADOTTAT DAN IR-REGOLAMENT:
Artikolu 1
L-Anness VII tar-Regolament (UE) Nru 601/2012 jinbidel bit-test stabbilit fl-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
tagħmul fi Brussell, id-9 ta' Lulju 2014.
Għall-Kummissjoni
Il-President
José Manuel BARROSO
(1) ĠU L 275, 25.10.2003, p. 32.
(2) Ir-Regolament tal-Kummissjoni (UE) Nru 601/2012 tal-21 ta' Ġunju 2012 dwar il-monitoraġġ u r-rapportar ta' emissjonijiet ta' gassijiet serra skont id-Direttiva 2003/87/KE tal-Parlament Ewropew u tal-Kunsil (ĠU L 181, 12.7.2012, p. 30).
ANNESS
“ANNESS VII
Frekwenza Minima ta' Analiżijiet (l-Artikolu 35)
Karburant/materjal |
Il-frekwenza minima ta' analiżijiet |
Gass naturali |
Tal-anqas kull ġimgħa |
Gassijiet oħra, b'mod partikolari gass ta' sinteżi u gassijiet tal-proċess bħal gass imħallat tar-raffinerija, gass tal-forn tal-kokk, gass tal-forn tal-blast, gass tal-konvertitur |
Tal-anqas kuljum — bl-użu ta' proċeduri xierqa f'partijiet differenti tal-jum |
Żjut tal-karburant (pereżempju żejt tal-karburant ħafif, medju, tqil, bitumen) |
Kull 20 000 tunnellata ta' karburant u tal-anqas sitt darbiet fis-sena |
Faħam, faħam tal-produzzjoni tal-kokk, kokk tal-pertoleum, pit |
Kull 20 000 tunnellata ta' karburant/materjal u tal-anqas sitt darbiet fis-sena |
Karburanti oħra |
Kull 10 000 tunnellata ta' karburant u tal-anqas erba' darbiet fis-sena |
Skart solidu mhux ittrattat (fossili puri jew fossili tal-bijomassa mħallta) |
Kull 5 000 tunnellata u tal-anqas erba' darbiet fis-sena |
Skart likwidu, skart solidu ttrattat minn qabel |
Kull 10 000 tunnellata ta' skart u tal-anqas erba' darbiet fis-sena |
Minerali tal-karbonat (inklużi ġebel tal-ġir u dolomit) |
Kull 50 000 tunnellata ta' materjal u tal-anqas erba' darbiet fis-sena |
Tafal u shale |
Ammonti ta' materjali li jikkorrispondu għal 50 000 tunnellata ta' CO2 u tal-anqas erba' darbiet fis-sena |
Materjali oħra (prodott primarju, intermedju u finali) |
Jiddependi mit-tip ta' materjal u mill-varjazzjoni, ammonti ta' materjal li jikkorrispondu għal 50 000 tunnellata ta' CO2 u tal-inqas erba' darbiet fis-sena” |