EUR-Lex Access to European Union law
This document is an excerpt from the EUR-Lex website
Document 32014R0617
Commission Regulation (EU) No 617/2014 of 3 June 2014 amending Annexes II and III to Regulation (EC) No 396/2005 of the European Parliament and of the Council as regards maximum residue levels for ethoxysulfuron, metsulfuron-methyl, nicosulfuron, prosulfuron, rimsulfuron, sulfosulfuron and thifensulfuron-methyl in or on certain products Text with EEA relevance
Regolament tal-Kummissjoni (UE) Nru 617/2014 tat- 3 ta’ Ġunju 2014 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta’ residwu għall-etossisulfuron, il-metsulfuron-metil, in-nikosulfuron, il-prosulfuron, ir-rimsulfuron, is-sulfosulfuron u t-tifensulfuron-metil f’ċerti prodotti jew fuqhom Test b’relevanza għaż-ŻEE
Regolament tal-Kummissjoni (UE) Nru 617/2014 tat- 3 ta’ Ġunju 2014 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta’ residwu għall-etossisulfuron, il-metsulfuron-metil, in-nikosulfuron, il-prosulfuron, ir-rimsulfuron, is-sulfosulfuron u t-tifensulfuron-metil f’ċerti prodotti jew fuqhom Test b’relevanza għaż-ŻEE
ĠU L 171, 11.6.2014, p. 1–40
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
11.6.2014 |
MT |
Il-Ġurnal Uffiċjali tal-Unjoni Ewropea |
L 171/1 |
REGOLAMENT TAL-KUMMISSJONI (UE) Nru 617/2014
tat-3 ta’ Ġunju 2014
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill dwar il-livelli massimi ta’ residwu għall-etossisulfuron, il-metsulfuron-metil, in-nikosulfuron, il-prosulfuron, ir-rimsulfuron, is-sulfosulfuron u t-tifensulfuron-metil f’ċerti prodotti jew fuqhom
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u partikolarment l-Artikolu 14(1)(a), l-Artikolu 18(1)(b) u l-Artikolu 49(2) tiegħu,
Billi:
(1) |
Il-livelli massimi ta’ residwu (MRLs — il-limiti masssimi ta’ residwu) għall-etossisulfuron, il-metsulfuron-metil, il-prosulfuron, ir-rimsulfuron, is-sulfosulfuron u t-tifensulfuron-metil ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. L-MRLs għan-nikosulfuron ġew stabbiliti fil-Parti A tal-Anness III ta’ dak ir-Regolament. |
(2) |
Għall-etossisulfuron, l-Awtorità Ewropea dwar is-Sigurtà fl-Ikel, minn hawn ’il quddiem “l-Awtorità”, bagħtet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (2). L-Awtorità kkonkludiet li fir-rigward tal-MRLs għar-ross xi informazzjoni ma kinitx disponibbli u li kienet meħtieġa aktar attenzjoni mill-amministraturi tar-riskji. Billi ma hemmx riskju għall-konsumaturi, l-MRLs għal dawk il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-limitu speċifiku ta’ determinazzjoni. Dawn l-MRLs għandhom jiġu analizzati; l-analiżi se tqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
(3) |
Għall-metsulfuron-metil, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (3). Din tirrakkomanda li jitbaxxew l-MRLs għall-ħabba tax-xgħir, il-ħabba tal-ħafur, il-ħabba tar-ross, il-ħabba tas-segala u l-ħabba tal-qamħ. Għal ċerti prodotti, l-Awtorità rrakkomandat li jiżdiedu l-MRLs jew li jinżammu l-MRLs eżistenti jew li jiġu stabbiliti MRLs fil-livell identifikat mill-Awtorità. L-Awtorità kkonkludiet li fir-rigward tal-MRLs għaż-żerriegħa tal-kittien xi informazzjoni ma kinitx disponibbli u li kienet meħtieġa aktar konsiderazzjoni mill-amministraturi tar-riskji. Peress li ma hemmx riskju għall-konsumaturi, l-MRLs għal dan il-prodott għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Dan l-MRL għandu jiġi analizzat; l-analiżi se tqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
(4) |
Għan-nikosulfuron, l-Awtorità ressqet opinjoni motivata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (4). L-Awtorità kkonkludiet li fir-rigward tal-MRLs għaż-żerriegħa tal-qamħirrun u l-qamħirrum xi informazzjoni ma kinitx disponibbli u li kienet meħtieġa aktar attenzjoni mill-amministraturi tar-riskji. Billi ma hemmx riskju għall-konsumaturi, l-MRLs għal dawk il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Dawk l-MRLs għandhom jiġu analizzati; l-analiżi se tqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
(5) |
Għall-prosulfuron, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (5). Din tirrakkomanda li jitbaxxew l-MRLs għall-qamħirrum ħelu, il-qamħirrum, il-millieġ u s-sorgu. L-Awtorità kkonkludiet li fir-rigward l-MRLs għax-xgħir u l-qamħ (spelt, triticale) xi informazzjoni ma kinitx disponibbli u kienet meħtieġa aktar attenzjoni mill-amministraturi tar-riskji. Billi ma hemmx riskju għall-konsumaturi, l-MRLs għal dawk il-prodotti għandhom jiġu stabbiliti fl-Anness II tar-Regolament (KE) Nru 396/2005 fil-livell eżistenti jew fil-livell identifikat mill-Awtorità. Dawk l-MRLs għandhom jiġu analizzati; l-analiżi se tqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
(6) |
Għar-rimsulfuron, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (6). Din tirrakkomanda li jitbaxxew l-MRLs għall-patata, it-tadam, il-qamħirrum ħelu, iż-żerriegħa tal-qamħirrum u l-għeruq taċ-ċikwejra. |
(7) |
Għas-sulfosulfuron, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (7). L-Awtorità kkonkludiet li fir-rigward tal-MRLs għall-patata ma kienx hemm informazzjoni disponibbli u li kienet meħtieġa aktar attenzjoni mill-amministraturi tar-riskji. L-MRL għall-patata għandu jiġi ffissat fil-limitu speċifiku ta’ determinazzjoni jew skont l-MRL li jiffissal-Artikolu 18(1)(b) tar-Regolament (KE) Nru 396/2005. L-Awtorità kkonkludiet li fir-rigward l-MRLs għall-ħabba tas-segala u l-ħabba tal-qamħ, xi informazzjoni ma kinitx disponibbli u kienet meħtieġa aktar attenzjoni mill-amministraturi tar-riskji. Billi ma hemmx riskju għall-konsumaturi, l-MRLs għall-ħabba tas-segala u l-ħabba tal-qamħ għandhom jiġu stabbiliti fl-Anness II tar-Regolament (KE) Nru 396/2005 fil-limitu speċifiku ta’ determinazzjoni. Dawk l-MRLs għandhom jiġu analizzati; l-analiżi se tqis l-informazzjoni disponibbli fi żmien sentejn mill-pubblikazzjoni ta’ dan ir-Regolament. |
(8) |
Għat-tifensulfuron-metil, l-Awtorità ressqet opinjoni motivata dwar l-MRLs eżistenti skont l-Artikolu 12(2) tar-Regolament (KE) Nru 396/2005 flimkien mal-Artikolu 12(1) tiegħu (8). Din tirrakkomanda li jitbaxxew l-MRLs għaż-żerriegħa tas-sojja, il-ħabba tax-xgħir, iż-żrieragħ tal-qamħirrum, il-ħabba tal-millieġ, il-ħabba tal-ħafur, il-ħabba tas-segala, il-ħabba tas-sorgu u l-ħabba tal-qamħ. Għal ċerti prodotti, l-Awtorità rrakkomandat li jiżdiedu l-MRLs jew li jinżammu l-MRLs eżistenti jew li jiġu stabbiliti MRLs fil-livell identifikat mill-Awtorità. L-Awtorità kkonkludiet li fir-rigward l-MRLs għaż-żerriegħa tal-kittien, ma kienx hemm informazzjoni disponibbli u li kienet meħtieġa aktar attenzjoni mill-amministraturi tar-riskji. L-MRL għaż-żerriegħa tal-kittien għandu jiġi ffissat fil-limitu speċifiku ta’ determinazzjoni jew skont l-MRL li jiffissal-Artikolu 18(1)(b) tar-Regolament (KE) Nru 396/2005. |
(9) |
Dwar prodotti li joriġinaw minn pjanti u annimali li għalihom ma ġewx rappurtati awtorizzazzjonijiet rilevanti jew tolleranzi tal-importazzjoni fil-livell tal-Unjoni Ewropea u lanqas ma kienu disponibbli MRLs tal-Kodiċi, l-Awtorità kkonkludiet li kien hemm bżonn ta’ aktar attenzjoni mill-amministraturi tar-riskji. Filwaqt li jitqies l-għarfien xjentifiku u tekniku attwali, l-MRLs għal dawk il-prodotti għandhom jiġu ffissati fil-limitu speċifiku ta’ determinazzjoni jew skont l-MRL li jiffissal-Artikolu 18(1)(b) tar-Regolament (KE) Nru 396/2005. |
(10) |
Il-Kummissjoni kkonsultat mal-laboratorji ta’ referenza tal-Unjoni Ewropea dwar ir-residwi tal-pestiċidi, rigward il-ħtieġa li jiġu adattati ċerti limiti tad-determinazzjoni. Dwar bosta sustanzi, dawk il-laboratorji kkonkludew li għal ċerti komoditajiet, l-iżvilupp tekniku jippermetti li jiġu stabbiliti limiti speċifiċi ta’ determinazzjoni. |
(11) |
Abbażi tal-opinjonijiet motivati tal-Awtorità, u b’kunsiderazzjoni tal-fatturi rilevanti għas-suġġett ikkunsidrat, l-emendi rilevanti fl-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(12) |
Is-sħab kummerċjali tal-Unjoni ġew ikkonsultati permezz tal-Organizzazzjoni Dinjija tal-Kummerċ fir-rigward tal-MRLs il-ġodda u ġew ikkunsidrati l-kummenti tagħhom. |
(13) |
Għaldaqstant ir-Regolament (KE) Nru 396/2005 għandu jiġi emendat skont dan. |
(14) |
Għandu jitħalla jgħaddi perjodu raġonevoli ta’ żmien qabel ma l-MRLs modifikati jsiru applikabbli, biex l-Istati Membri, il-pajjiżi terzi u l-operaturi tan-negozji tal-ikel ikollhom żmien jitħejjew biex ikunu konformi mar-rekwiżiti l-ġodda li jirriżultaw mit-tibdil fl-MRLs. |
(15) |
Biex jippermetti l-kummerċjalizzazzjoni, l-ipproċessar u l-konsum normali tal-prodotti, ir-Regolament għandu jistipula arranġament tranżizzjonali għall-prodotti li ġew prodotti legalment qabel l-emenda fl-MRLs u li l-informazzjoni tagħhom turi li nżamm livell għoli ta’ protezzjoni tal-konsumaturi. |
(16) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness ta’ dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat b’dan ir-Regolament għandu jibqa’ japplika għall-prodotti li kienu prodotti b’mod legali qabel it-2 ta’ Jannar 2015.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan għandu japplika mit-2 ta’ Jannar 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-3 ta’ Ġunju 2014.
Għall-Kummissjoni
Il-President
José Manuel BARROSO
(2) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għall-etosissusulfuron skont l-Artikolu 12 tar-Regolament (KE) Nru 396/2005. EFSA Journal 2012; 10(8):2871. [25 pp.].
(3) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għall-metsulfuron-metil skont l-Artikolu 12 tar-Regolament (KE) Nru 396/2005. EFSA Journal 2013; 11(1):3078. [32 pp.].
(4) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għan-nikosulfuron skont l-Artikolu 12 tar-Regolament (KE) Nru 396/2005. EFSA Journal 2012; 10(12):3048. [27 pp.].
(5) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għall-prosulfuron skont l-Artikolu 12 tar-Regolament (KE) Nru 396/2005. EFSA Journal 2012; 10(12):3013. [31 pp.].
(6) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRL) eżistenti għar-rimsulfuron skont l-Artikolu 12 tar-Regolament (KE) Nru 396/2005. EFSA Journal 2012; 10(10):2911. [26 pp.].
(7) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għas-sulfosulfuron skont l-Artikolu 12 tar-Regolament (KE) Nru 396/2005. EFSA Journal 2012; 10(12):3064. [27 pp.].
(8) L-Awtorità Ewropea dwar is-Sigurtà fl-Ikel; Analiżi tal-livelli massimi ta’ residwu (MRLs) eżistenti għat-tifensulfuron-metil skont l-Artikolu 12 tar-Regolament (KE) Nru 396/2005. EFSA Journal 2012; 10(8):2863. [38 pp.].
ANNESS
L-Annessi II u III tar-Regolament (KE) Nru 396/2005 huma emendati kif ġej:
(1) |
L-Anness II huwa emendat kif ġej:
|
(2) |
L-Anness III huwa emendat kif ġej: Il-kolonni għall-etossisulfuron, il-metsulfuron-metil, in-nikosulfuron, il-prosulfuron, ir-rimsulfuron, is-sulfosulfuron u t-tifensulfuron-metil jitħassru. |
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*) Jindika limitu iktar baxx ta' determinazzjoni analitika
(**) |
Kombinazzjoni ta' pestiċida-kodiċi li għalihom japplika l-MRL stabbilit fil-Parti B tal-Anness III. |
Etossisulfuron
(+) |
L-Awtorità Ewropea dwar is-Sigurtà fl-Ikel identifikat xi informazzjoni dwar il-metodi analitiċi bħala mhux disponibbli. Meta tkun qed tirrevedi l-MRLs, il-Kummissjoni se tqis l-informazzjoni msemmija fl-ewwel sentenza jekk tiġi sottomessa sal-11 ta' Ġunju 2016, jew, jekk dik l-informazzjoni ma tiġix sottomessa sa dik id-data, in-nuqqas tagħha.
|
(+) |
Il-livell massimu applikabbli tar-reżidwi għall-għerq tal-mustarda (Armoracia rusticani) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
Metsulfuronmetil
(+) |
L-Awtorità Ewropea dwar is-Sigurtà fl-Ikel identifikat xi informazzjoni dwar l-istabbiltà fil-ħżin u l-metodi analitiċi bħala mhux disponibbli. Meta tkun qed tirrevedi l-MRLs, il-Kummissjoni se tqis l-informazzjoni msemmija fl-ewwel sentenza jekk tiġi sottomessa sal-11 ta' Ġunju 2016, jew, jekk dik l-informazzjoni ma tiġix sottomessa sa dik id-data, in-nuqqas tagħha.
|
(+) |
Il-livell massimu applikabbli tar-reżidwi għall-għerq tal-mustarda (Armoracia rusticani) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
Prosulfuron
(+) |
L-Awtorità Ewropea dwar is-Sigurtà fl-Ikel identifikat xi informazzjoni dwar il-provi tar-residwi bħala mhux disponibbli. Meta tkun qed tirrevedi l-MRLs, il-Kummissjoni se tqis l-informazzjoni msemmija fl-ewwel sentenza jekk tiġi sottomessa sal-11 ta' Ġunju 2016, jew, jekk dik l-informazzjoni ma tiġix sottomessa sa dik id-data, in-nuqqas tagħha.
|
(+) |
Il-livell massimu applikabbli tar-reżidwi għall-għerq tal-mustarda (Armoracia rusticani) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
Rimsulfuron
(+) |
Il-livell massimu applikabbli tar-reżidwi għall-għerq tal-mustarda (Armoracia rusticana) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
Sulfosulfuron
(+) |
L-Awtorità Ewropea dwar is-Sigurtà fl-Ikel identifikat xi informazzjoni dwar il-metodi analitiċi u r-reżidwi fl-uċuħ bin-newba bħala mhux disponibbli. Meta tkun qed tirrevedi l-MRLs, il-Kummissjoni se tqis l-informazzjoni msemmija fl-ewwel sentenza jekk tiġi sottomessa sal-11 ta' Ġunju 2016, jew, jekk dik l-informazzjoni ma tiġix sottomessa sa dik id-data, in-nuqqas tagħha.
|
(+) |
Il-livell massimu applikabbli tar-reżidwi għall-għerq tal-mustarda (Armoracia rusticana) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
Tifensulfuronmetil
(+) |
Il-livell massimu applikabbli tar-reżidwi għall-għerq tal-mustarda (Armoracia rusticana) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(**) Jindika limitu iktar baxx ta' determinazzjoni analitika
(**) |
Kombinazzjoni ta' pestiċida-kodiċi li għalihom japplika l-MRL stabbilit fil-Parti B tal-Anness III. |
Nikosulfuron
(+) |
L-Awtorità Ewropea dwar is-Sigurtà fl-Ikel identifikat xi informazzjoni dwar il-metodi analitiċi bħala mhux disponibbli. Meta tkun qed tirrevedi l-MRLs, il-Kummissjoni se tqis l-informazzjoni msemmija fl-ewwel sentenza jekk tiġi sottomessa sal-11 ta' Ġunju 2016, jew, jekk dik l-informazzjoni ma tiġix sottomessa sa dik id-data, in-nuqqas tagħha.
|
(+) |
Il-livell massimu applikabbli tar-reżidwi għall-għerq tal-mustarda (Armoracia rusticani) fil-grupp tal-ħwawar (kodiċi 0840040) huwa dak iffissat għall-għerq tal-mustarda (Armoracia rusticana) fil-kategorija tal-Ħxejjex, tal-ħxejjex tal-għerq u tat-tuberu (kodiċi 0213040) filwaqt li jitqiesu bidliet fil-livelli minħabba l-ipproċessar (it-tnixxif) skont l-Artikolu 20(1) tar-Regolament (KE) Nru 396/2005.
|