Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32014R0292

    Regolament ta’ Implimentazzjoni tal-Kummissjoni (UE) Nru 292/2014 tal- 21 ta’ Marzu 2014 li jikkonċerna l-awtorizzazzjoni ta’ preparazzjoni tal-enzima 6-fitasi prodotta permezz ta’ Trichoderma reese i (CBS 126897) bħala addittiv fl-għalf għat-tajr tal-irziezet, għall-ħnienes miftuma, il-ħnieżer għat-tismin u l-ħnieżer nisa (detentur tal-awtorizzazzjoni ROAL Oy) Test b’relevanza għaż-ŻEE

    ĠU L 87, 22.3.2014, p. 90–92 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2014/292/oj

    22.3.2014   

    MT

    Il-Ġurnal Uffiċjali tal-Unjoni Ewropea

    L 87/90

    REGOLAMENT TA’ IMPLIMENTAZZJONI TAL-KUMMISSJONI (UE) Nru 292/2014

    tal-21 ta’ Marzu 2014

    li jikkonċerna l-awtorizzazzjoni ta’ preparazzjoni tal-enzima 6-fitasi prodotta permezz ta’ Trichoderma reesei (CBS 126897) bħala addittiv fl-għalf għat-tajr tal-irziezet, għall-ħnienes miftuma, il-ħnieżer għat-tismin u l-ħnieżer nisa (detentur tal-awtorizzazzjoni ROAL Oy)

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 dwar l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jistipula l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti ta’ tali awtorizzazzjoni.

    (2)

    B’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparazzjoni tal-enżima 6-fitażi prodotta mit-Trichoderma reesei (CBS 126897). Dik l-applikazzjoni kienet akkumpanjata mill-partikularitajiet u d-dokumenti mitluba skont l-Artikolu 7(3) tar-Regolament (KE) Nru 1831/2003.

    (3)

    Dik l-applikazzjoni tikkonċerna l-awtorizzazzjoni ta’ preparazzjoni tal-enżima 6-fitasi prodotta minn Trichoderma reesei (CBS 126897) bħala addittiv fl-għalf għat-tajr tal-irziezet u l-ħnieżer, biex tiġi kklassifikata fil-kategorija tal-addittivi “addittivi żootekniċi”.

    (4)

    L-Awtorità Ewropea dwar is-Sigurtà fl-Ikel (‘l-Awtorità’) ikkonkludiet fl-opinjonijiet tagħha tal-11 ta’ Settembru 2013 (2) u tad-9 ta’ Ottubru 2013 (3) li, skont il-kondizzjonijiet proposti ta’ użu, il-preparazzjoni tal-enzima 6-fitasi prodotta minn Trichoderma reesei (CBS 126897) ma għandhiex effett negattiv fuq is-saħħa tal-annimali, is-saħħa tal-bniedem jew fuq l-ambjent, u li għandha potenzjal li ttejjeb l-utilizzazzjoni tal-fosforu, id-diġestibilità u l-mineralizzazzjoni tal-għadam jew ir-rendiment fit-tiġieġ u d-dundjani għat-tismin. Dawn il-konklużjonijiet jistgħu jiġu estiżi għat-tiġieġ imrobbija biex ibidu u d-dundjani mkabbra għat-tgħammir. Billi l-mod ta’ azzjoni tal-addittiv jista’ jitqies simili f’kull speċi ta’ tajr domestiku, din il-konklużjoni tista’ tiġi estrapolata għal speċijiet minuri ta’ tajr għas-simna jew imrobbija biex ibidu jew għat-tgħammir. Barra minn hekk, l-Awtorità kkonkludiet li l-addittiv għandu potenzjal li jżid il-mineralizzazzjoni tal-għadam, id-diġestibilità, l-utilizzazzjoni tal-fosforu u l-prestazzjoni tat-tiġieġ li jbidu. Dawn il-konklużjonijiet jistgħu jiġu estrapolati għall-ispeċijiet minuri tat-tajr tal-irziezet li jbid. L-Awtorità kkonkludiet ukoll li l-addittiv għandu l-potenzjal li jtejjeb id-diġestibilità tal-fosfru, iż-żamma tal-fosfru jew il-parametri tal-prestazzjoni fil-ħnienes, il-ħnieżer għat-tismin u l-ħnieżer nisa. L-Awtorità tqis li ma hemmx bżonn ta’ rekwiżiti speċifiċi għal monitoraġġ wara l-kummerċjalizzazzjoni. Hija vverifikat ukoll ir-rapport dwar il-metodu tal-analiżi tal-addittivi tal-għalf fl-għalf li ġie ppreżentat mil-Laboratorju ta’ Referenza mwaqqaf bir-Regolament (KE) Nru 1831/2003.

    (5)

    Il-valutazzjoni tal-preparazzjoni ta’ 6-fitasi prodotta minn Trichoderma reesei (CBS 126897) turi li l-kondizzjonijiet għall-awtorizzazzjoni, kif previst fl-Artikolu 5 tar-Regolament (KE) Nru 1831/2003, huma ssodisfatti. Għalhekk, l-użu ta’ dik il-preparazzjoni għandu jiġi awtorizzat kif speċifikat fl-Anness ma’ dan ir-Regolament.

    (6)

    Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Awtorizzazzjoni

    Il-preparazzjoni speċifikata fl-Anness, li tifforma parti mill-kategorija “addittivi żootekniċi” u mill-grupp funzjonali “sustanzi li jtejbu d-diġestibilità”, hija awtorizzata bħala addittiv fin-nutriment tal-annimali, dejjem skont il-kondizzjonijiet stipulati f’dak l-Anness.

    Artikolu 2

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-21 ta’ Marzu 2014.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  The EFSA Journal 2013; 11(10):3364.

    (3)  The EFSA Journal 2013; 11(10):3433.

    ANNESS

    Numru ta’ identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku

    Speċi jew kategorija ta’ annimal

    Età Massima

    Kontenut minimu

    Kontenut massimu

    Dispożizzjonijiet oħrajn

    Tmiem il-perjodu ta’ awtorizzazzjoni

    Unitajiet ta’ attività/kg ta’ għalf sħiħ b’kontenut ta’ umdità ta’ 12 %

    Kategorija tal-addittivi żootekniċi. Grupp funzjonali: sustanzi li jsaħħu d-diġestibbiltà

    4a19

    ROAL Oy

    6-fitasi

    EC 3.1.3.26

     

    Kompożizzjoni tal-addittiv

    Preparazzjoni ta’ 6-fitasi

    prodotta minn Trichoderma reesei (CBS 126897)

    b’attività minima ta’:

    Forma solida u likwida: 5 000 FTU (1)/g

     

    Karatterizzazzjoni tas-sustanza attiva

    6-fitasi (EC 3.1.3.26)

    prodotta minn Trichoderma reesei (CBS 126897)

     

    Metodu analitiku  (2)

    Determinazzjoni ta’ 6-fitasi:

    metodu kolorimetriku bbażat fuq ir-reazzjoni enżimatika 6-fitasi fuq il-fitat: EN ISO 30024.

    Tajr għajr it-tiġieġ li jbidu

    —

    250 FTU

     

    1.

    Fl-istruzzjonijiet għall-użu tal-addittiv u tat-taħlita lesta minn qabel, indika l-kondizzjonijiet tal-ħażna u l-istabbiltà għat-trattament bis-sħana.

    2.

    Għall-użu f’għalf kompost li fih aktar minn 0,23 % fosfru marbut mal-fitin

    3.

    Doża Massima rakkomandata:

    —

    2 500 FTU/kg ta’ għalf komplut għat-tajr;

    —

    1 750 FTU/kg ta’ għalf komplut għall-ħnienes miftuma, il-ħnieżer għat-tismin u l-ħnieżer nisa.

    4.

    Għas-sigurtà: għandhom jintużaw il-protezzjoni għan-nifs, in-nuċċalijiet u l-ingwanti waqt l-immaniġġar.

    Il-11 ta’ April 2024

    Tajr li jbid

    150 FTU

    Ħnienes miftuma

    500 FTU

    Ħnieżer għat-tismin u ħnieżer nisa

    250 FTU

    (1)  1 FTU huwa l-ammont ta’ enżima li jillibera mikromolu wieħed ta’ fosfat inorganiku fil-minuta minn substrat ta’ fitat tas-sodju b’pH ta’ 5,5 u f’37 °C.

    (2)  Id-dettalji dwar il-metodi analitiċi jinsabu fl-indirizz tal-Laboratorju ta’ Referenza li ġej: http://irmm.jrc.ec.europa.eu/EURLs/EURL_feed_additives/Pages/index.aspx

    Top