32014R0167

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament - 167/2014 - EN - EUR-Lex

Help

Search tips

Need more search options? Use the Advanced search

Document 32014R0167

Regolament tal-Kummissjoni (UE) Nru 167/2014 tal- 21 ta’ Frar 2014 li jemenda l-Anness I tar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi

ĠU L 54, 22.2.2014, p. 10–13 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 28/02/2014; Impliċitament imħassar minn 32012R0649

ELI: http://data.europa.eu/eli/reg/2014/167/oj

HTML

PDF

Official Journal

22.2.2014

Il-Ġurnal Uffiċjali tal-Unjoni Ewropea

L 54/10

REGOLAMENT TAL-KUMMISSJONI (UE) Nru 167/2014

tal-21 ta’ Frar 2014

li jemenda l-Anness I tar-Regolament (KE) Nru 689/2008 tal-Parlament Ewropew u tal-Kunsill dwar l-esportazzjoni u l-importazzjoni ta’ sustanzi kimiċi perikolużi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 689/2008 tal-Parlament Ewropew u tal-Kunsill tas-17 ta’ Ġunju 2008 dwar l-esportazzjoni u l-importazzjoni ta’ sustanzi kimiċi perikolużi (1), u b’mod partikolari l-Artikolu 22(4) tiegħu,

Billi:

(1)

Ir-Regolament (KE) Nru 689/2008 jimplimenta l-Konvenzjoni ta’ Rotterdam dwar il-Proċedura ta’ Kunsens Infurmat bil-Quddiem (il-“proċedura PIC”) għal ċerti sustanzi kimiċi u pestiċidi perikolużi fil-kummerċ internazzjonali, iffirmata fil-11 ta’ Settembru 1998 u approvata, f’isem il-Komunità, permezz tad-Deċiżjoni tal-Kunsill 2003/106/KE (2).

(2)

Huwa xieraq li tiġi kkunsidrata l-azzjoni regolatorja fir-rigward ta’ ċerti sustanzi kimiċi meħuda skont ir-Regolament (KE) Nru 1107/2009 tal-Parlament Ewropew u tal-Kunsill (3), ir-Regolament (UE) Nru 528/2012 tal-Parlament Ewropew u tal-Kunsill (4) u r-Regolament (KE) Nru 1907/2006 tal-Parlament Ewropew u tal-Kunsill (5).

(3)

Fis-sitt laqgħa tagħha, li saret bejn it-28 ta’ April u l-10 ta’ Mejju 2013, il-Konferenza tal-Partijiet tal-Konvenzjoni ta’ Rotterdam iddeċidiet li jiġu inklużi l-azinfos-metil, l-aċidu sulfoniku tal-perfluworoottan, is-sulfonati tal-perfluworoottan, is-sulfonammidi tal-perfluworoottan u s-sulfonili tal-perfluworoottan fl-Anness III ta’ dik il-Konvenzjoni, bl-effett li dawk is-sustanzi kimiċi saru soġġetti għall-proċedura PIC skont dik il-Konvenzjoni. Għalhekk, dawk is-sustanzi kimiċi għandhom jitneħħew mil-lista tas-sustanzi kimiċi li hemm fil-Parti 2 tal-Anness I tar-Regolament (KE) Nru 689/2008 u jiżdiedu mal-lista tas-sustanzi kimiċi li jinsabu fil-Parti 3 ta’ dak l-Anness.

(4)

Il-Konferenza tal-Partijiet tal-Konvenzjoni ta’ Rotterdam iddeċidiet ukoll li tinkludi l-etere tal-pentabromodifenil kummerċjali, inklużi l-etere tat-tetrabromodifenil u tal-pentabromodifenil u kif ukoll l-etere tal-ottabromodifenil kummerċjali inklużi l-etere tal-eżabromodifenil u tal-ettabromodifenil fl-Anness III ta’ dik il-Konvenzjoni, bl-effett li dawk is-sustanzi kimiċi saru soġġetti għall-proċedura PIC skont dik il-Konvenzjoni. Billi l-etere tat-tetrabromodifenil, l-etere tal-pentabromodifenil, l-etere tal-eżabromodifenil u l-etere tal-ettabromodifenil huma diġà elenkati fl-Anness V tar-Regolament (KE) Nru 689/2008 u għalhekk huma soġġetti għall-projbizzjoni ta’ esportazzjoni, dawk is-sustanzi kimiċi ma jiżdidux mal-lista tas-sustanzi kimiċi li jinsabu fil-Parti 3 tal-Anness I tar-Regolament (KE) Nru 689/2008.

(5)

L-approvazzjoni tas-sustanza klorur tad-dideċildimetilammonju ġiet irtirata skont ir-Regolament (KE) Nru 1107/2009, bl-effett li hu pprojbit l-użu bħala pestiċida tal-klorur tad-dideċildimetilammonju fil-grupp ta’ prodotti għall-protezzjoni tal-pjanti u għalhekk din is-sustanza għandha tiżdied mal-lista tas-sustanzi kimiċi li hemm fil-Parti 1 tal-Anness I tar-Regolament (KE) Nru 689/2008.

(6)	L-entrata tal-klorat fil-Partijiet 1 u 2 tal-Anness I tar-Regolament (KE) Nru 689/2008 għandha tiġi emendata sabiex tipprovdi aktar ċarezza fir-rigward ta’ liema sustanzi kienu intiżi li jiġu koperti b’dik l-entrata.

(7)	Ir-Regolament (KE) Nru 689/2008 għandu għaldaqstant jiġi emendat skont dan.

(8)	Sabiex l-industrija tingħata biżżejjed żmien biex tieħu l-miżuri neċessarji għall-konformità ma’ dan ir-Regolament u biex l-Istati Membri jieħdu l-miżuri neċessarji għall-implimentazzjoni ta’ dan ir-Regolament, l-applikazzjoni tiegħu għandha tiġi ddiferita.

(9)	Il-miżuri stipulati f’dan ir-Regolament huma skont l-opinjoni tal-Kumitat stabbilit skont l-Artikolu 133 tar-Regolament (KE) Nru 1907/2006,

ADOTTAT DAN IR-REGOLAMENT:

Artikolu 1

L-Anness I tar-Regolament (KE) Nru 689/2008 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Mejju 2014.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-21 ta’ Frar 2014.

Għall-Kummissjoni

Il-President

José Manuel BARROSO

(1) ĠU L 204, 31.7.2008, p. 1.

(2) Id-Deċiżjoni tal-Kunsill 2003/106/KE tad-19 ta’ Diċembru 2002 li tikkonċerna l-approvazzjoni, f’isem il-Komunità Ewropea, tal-Konvenzjoni ta’ Rotterdam dwar il-Proċedura għall-Kunsens Infurmat bil-Quddiem għal ċerti kemikali u pestiċidi perikolużi fil-kummerċ internazzjonali (ĠU L 63, 6.3.2003, p. 27).

(3) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).

(4) Ir-Regolament (UE) Nru 528/2012 tal-Parlament Ewropew u tal-Kunsill tat- 22 ta’ Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).

(5) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

ANNESS

L-Anness I mar-Regolament (KE) Nru 689/2008 huwa emendat kif ġej:

Il-Parti 1 hija emendata kif ġej:

(a)

tiżdied l-entrata li ġejja:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Klorur tad-dideċildimetilammonju	7173-51-5	230-525-2	2923 90 00	p(1)	b”

(b)

l-entrati għall-azinfos-metil u s-sulfonati tal-perfluworoottan għandhom jinbidlu b’dan li ġej:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Azinfos-metil #	86-50-0	201-676-1	2933 99 80	p(1)	b
Sulfonati tal-perfluworoottan	1763-23-1	217-179-8	2904 90 95	i(1)	sr”
(PFOS) C8F17SO2X	2795-39-3	220-527-1	2904 90 95
(X = OH, Melħ tal-metall (O-M+), alid, ammid, u derivattivi oħra li jinkludu l-polimeri) +/#	70225-14-8	274-460-8	2922 12 00
	56773-42-3	260-375-3	2923 90 00
	4151-50-2	223-980-3	2935 00 90
	57589-85-2	260-837-4	2924 29 98
	68081-83-4	268-357-7	3824 90 97
	u oħrajn

(c)

l-entrata għall-klorat tinbidel b’dan li ġej:

Sustanza kimika	Nru CAS	Nru Einecs	Kodiċi NM	Subkategorija (*)	Limitazzjoni tal-użu (**)	Pajjiżi li għalihom mhijiex meħtieġa notifika
“Klorat +	7775-09-9	231-887-4	2829 11 00	p(1)	b”
	10137-74-3	233-378-2	2829 19 00
	7783-92-8	232-034-9	2843 29 00
	u oħrajn

Il-Parti 2 hija emendata kif ġej:

(a)

l-entrata għas-sulfonati tal-perfluworoottan tinbidel b’dan li ġej:

Sustanza kimika	CAS RN	Nru Einecs	Kodiċi NM	Kategorija (*)	Limitazzjoni tal-użu (**)
“Id-derivattivi tas-sulfonati tal-perfluworoottan (inklużi l-polimeri), mhumiex koperti minn	57589-85-2	260-837-4	2924 29 98	i	sr”
	68081-83-4	268-357-7	3824 90 97
Aċidu sulfoniku tal-perfluworootan, sulfonati tal-perfluworoottan, sulfonammidi tal-perfluworoottan, sulfonili tal-perfluworoottan	u oħrajn

(b)

l-entrata għall-klorat tinbidel b’dan li ġej:

Sustanza kimika	CAS RN	Nru Einecs	Kodiċi NM	Kategorija (*)	Limitazzjoni tal-użu (**)
“Klorat	7775-09-9	231-887-4	2829 11 00	p	b”
	10137-74-3	233-378-2	2829 19 00
	7783-92-8	232-034-9	2843 29 00
	u oħrajn

(c)	l-entrata għall-azinfos-metil titħassar;

fil-Parti 3 jiżdiedu l-entrati li ġejjin:

Sustanza kimika	Numru(i) CAS rilevanti	Kodiċi HS Sustanza pura	Kodiċi HS Taħlitiet, preparazzjonijiet li jkun fihom is-sustanza	Kategorija
“Azinfos-metil	86-50-0	2933.99	3808.10	Pestiċida
Aċidu sulfoniku tal-perfluworootan, sulfonati tal-perfluworoottan, sulfonammidi tal-perfluworoottan, sulfonili tal-perfluworoottan	1763-23-1	2904.90	3824.90	Industrijali”
	2795-39-3	2904.90
	29457-72-5	2904.90
	29081-56-9	2904.90
	70225-14-8	2922.12
	56773-42-3	2923.90
	251099-16-8	2923.90
	4151-50-2	2935.00
	31506-32-8	2935.00
	1691-99-2	2935.00
	24448-09-7	2935.00
	307-35-7	2904.90
	u oħrajn

Top

Choose the experimental features you want to try