This document is an excerpt from the EUR-Lex website
Document 32014R0004
Commission Regulation (EU) No 4/2014 of 6 January 2014 amending Regulation (EC) No 640/2009 implementing Directive 2005/32/EC of the European Parliament and of the Council with regard to ecodesign requirements for electric motors Text with EEA relevance
Regolament tal-Kummissjoni (UE) Nru 4/2014 tas- 6 ta’ Jannar 2014 li jemenda r-Regolament tal-Kummissjoni (KE) Nru 640/2009 li jimplimenta d-Direttiva 2005/32/KE tal-Parlament Ewropew u tal-Kunsill fir-rigward tar-rekwiżiti ta’ ekodiżinn għal muturi tal-elettriku Test b’relevanza għaż-ŻEE
Regolament tal-Kummissjoni (UE) Nru 4/2014 tas- 6 ta’ Jannar 2014 li jemenda r-Regolament tal-Kummissjoni (KE) Nru 640/2009 li jimplimenta d-Direttiva 2005/32/KE tal-Parlament Ewropew u tal-Kunsill fir-rigward tar-rekwiżiti ta’ ekodiżinn għal muturi tal-elettriku Test b’relevanza għaż-ŻEE
ĠU L 2, 7.1.2014, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 30/06/2021; Impliċitament imħassar minn 32019R1781
7.1.2014 |
MT |
Il-Ġurnal Uffiċjali tal-Unjoni Ewropea |
L 2/1 |
REGOLAMENT TAL-KUMMISSJONI (UE) Nru 4/2014
tas-6 ta’ Jannar 2014
li jemenda r-Regolament tal-Kummissjoni (KE) Nru 640/2009 li jimplimenta d-Direttiva 2005/32/KE tal-Parlament Ewropew u tal-Kunsill fir-rigward tar-rekwiżiti ta’ ekodiżinn għal muturi tal-elettriku
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2009/125/KE tal-Parlament Ewropew u tal-Kunsill tal-21 ta’ Ottubru 2009 li tistabbilixxi qafas għall-iffissar ta’ rekwiżiti għall-ekodisinn għal prodotti relatati mal-enerġija (1), u b’mod partikulari l-Artikolu 15(1) tagħha,
Wara li kkonsultat il-Forum ta’ Konsultazzjoni dwar l-Ekodisinn,
Billi:
(1) |
L-esperjenza miksuba mill-implimentazzjoni tar-Regolament tal-Kummissjoni (KE) Nru 640/2009 (2) uriet il-ħtieġa ta’ emendi f’ċerti dispożizzjonijiet tar-Regolament (KE) Nru 640/2009 biex jiġu evitati l-impatti mhux intenzjonati fuq is-suq tal-muturi u fuq il-prestazzjoni tal-prodotti koperti b’dak ir-Regolament. |
(2) |
Żviluppi reċenti fis-suq tal-muturi tal-elettriku wasslu għal bidliet fil-valuri ta’ limitu applikati lill-altitudni, għat-temperaturi massimi u minimi tal-arja ambjentali u t-temperaturi tal-likwidu li jberred l-ilma applikati sabiex mutur jiġi jitqies li jaħdem taħt kundizzjonijiet estremi u allura hemm il-ħtieġa ta’ diżinn. Dawn l-iżviluppi jeħtieġ li jiġu riflessi fir-Regolament. |
(3) |
Il-miżuri pprovduti f’dan ir-Regolament huma skont l-opinjoni tal-Kumitat stabbilit bl-Artikolu 19(1) tad-Direttiva 2009/125/KE, |
ADOTTAT IR-REGOLAMENT LI ĠEJ:
Artikolu 1
Emendi tar-Regolament (KE) Nru 640/2009
Ir-Regolament (KE) Nru 640/2009 huwa emendat kif ġej:
(1) |
L-Artikolu 1 jinbidel b’dan li ġej: “Artikolu 1 Suġġett u kamp ta’ applikazzjoni 1. Dan ir-Regolament jistabbilixxi r-rekwiżiti ta’ ekodiżinn għat-tqegħid fis-suq u għall-użu ta’ muturi, inkluż dawk li huma integrati f’prodotti oħra. 2. Dan ir-Regolament m’għandux japplika għal:
|
(2) |
L-Anness I tar-Regolament (KE) Nru 640/2009 huwa emendat skont l-Anness ta’ dan ir-Regolament. |
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan għandu jiġi applikat sitt xhur wara d-data tad-dħul fis-seħħ.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Jannar 2014.
Għall-Kummissjoni
Il-President
José Manuel BARROSO
(1) ĠU L 285, 31.10.2009, p. 10.
(2) ĠU L 191, 23.7.2009, p. 26.
ANNESS
Emendi tal-Anness I tar-Regolament (KE) Nru 640/2009
Fl-Anness I, il-Punt 2, jiddaħħal is-subparagrafu li ġej wara t-tielet subparagrafu:
“Fejn id-daqs tal-plakka tal-klassifikazzjoni jagħmilha impossibbli li tintwera l-informazzjoni kollha msemmija fil-punt 1, (η) għandha jintwera biss l-effiċjenza nominali tat-tagħbija massima u l-vultaġġ (UN).”.