EUR-Lex Access to European Union law
This document is an excerpt from the EUR-Lex website
Document 32014D0898
2014/898/CFSP: Political and Security Committee Decision BiH/22/2014 of 4 December 2014 on the appointment of the EU Force Commander for the European Union military operation in Bosnia and Herzegovina and repealing Decision BiH/19/2012
2014/898/PESK: Deċiżjoni tal-Kumitat Politiku u ta' Sigurtà BiH/22/2014 tal- 4 ta' Diċembru 2014 dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina u li tħassar id-Deċiżjoni BiH/19/2012
2014/898/PESK: Deċiżjoni tal-Kumitat Politiku u ta' Sigurtà BiH/22/2014 tal- 4 ta' Diċembru 2014 dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina u li tħassar id-Deċiżjoni BiH/19/2012
ĠU L 358, 13.12.2014, p. 17–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 23/03/2016; Imħassar b' 32016D0332
|
13.12.2014 |
MT |
Il-Ġurnal Uffiċjali tal-Unjoni Ewropea |
L 358/17 |
DEĊIŻJONI TAL-KUMITAT POLITIKU U TA' SIGURTÀ BiH/22/2014
tal-4 ta' Diċembru 2014
dwar il-ħatra tal-Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina u li tħassar id-Deċiżjoni BiH/19/2012
(2014/898/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea u, b'mod partikolari t-tielet paragrafu tal-Artikolu 38 tiegħu,
Wara li kkunsidra l-Azzjoni Konġunta tal-Kunsill 2004/570/PESK tat-12 ta' Lulju 2004 dwar l-operazzjoni militari tal-Unjoni Ewropea fil-Bożnja-Ħerzegovina (1), u b'mod partikolari l-Artikolu 6(1) tagħha,
Billi:
|
(1) |
Skont l-Artikolu 6(1) tal-Azzjoni Konġunta 2004/570/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu deċiżjonijiet ulterjuri dwar il-ħatra tal-Kmandant tal-Forza tal-UE. |
|
(2) |
Fis-27 ta' Novembru 2012, il-KPS adotta d-Deċiżjoni BiĦ/19/2012 (2) li taħtar il-Ġeneral Maġġur Dieter HEIDECKER bħala Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina. |
|
(3) |
Il-Kmandant tal-Operazzjoni tal-UE rrakkomanda l-ħatra tal-Ġeneral Maġġur Johann LUIF bħala l-Kmandant il-ġdid tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina biex jieħu post il-Ġeneral Maġġur Dieter HEIDECKER. |
|
(4) |
Il-Kumitat Militari tal-UE appoġġa r-rakkomandazzjoni. |
|
(5) |
Għalhekk, id-Deċiżjoni BiH/19/2012 għandha titħassar. |
|
(6) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implementazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża. |
|
(7) |
Fit-12 u t-13 ta' Diċembru 2002, il-Kunsill Ewropew ta' Kopenħagen adotta Dikjarazzjoni li tgħid li l-arranġamenti “Berlin plus” u l-implimentazzjoni tagħhom ser japplikaw biss għal dawk l-Istati Membri tal-Unjoni li huma wkoll jew membri tan-NATO jew Partijiet għas-“Sħubija għall-Paċi”, u li konsegwentement ikkonkludew ftehimiet bilaterali dwar is-sigurtà man-NATO, |
ADOTTA DIN ID-DEĊIŻJONI:
Artikolu 1
Il-Maġġur Ġeneral Johann LUIF huwa b'dan maħtur Kmandant tal-Forza tal-UE għall-operazzjoni militari tal-Unjoni Ewropea fil-Bożnja-Ħerzegovina mill-15 ta' Diċembru 2014.
Artikolu 2
Id-Deċiżjoni BiH/19/2012 hija b'dan imħassra.
Artikolu 3
Din id-Deċiżjoni għandha tidħol fis-seħħ fil-15 ta' Diċembru 2014.
Magħmul fi Brussell, l-4 ta' Diċembru 2014.
Għall-Kumitat Politiku u ta' Sigurtà
Il-President
W. STEVENS
(1) ĠU L 252, 28.7.2004, p. 10.
(2) Id-Deċiżjoni tal-Kumitat Politiku u ta' Sigurtà BiH/19/2012 tas-27 ta' Novembru 2012 dwar il-ħatra ta' Kmandant tal-Forza tal-UE għall-Operazzjoni Militari tal-Unjoni Ewropea fil-Bosnja-Ħerzegovina (ĠU L 333, 5.12.2012, p. 45).