This document is an excerpt from the EUR-Lex website
Document 32014D0704
2014/704/EU: Commission Implementing Decision of 8 October 2014 amending Decision 2009/821/EC as regards the list of border inspection posts (notified under document C(2014) 7139) Text with EEA relevance
2014/704/UE: Deċiżjoni ta' Implimentazzjoni tal-Kummissjoni tat- 8 ta' Ottubru 2014 li temenda d-Deċiżjoni 2009/821/KE fir-rigward tal-lista ta' postijiet ta' spezzjoni fil-fruntiera (notifikata bid-dokument C(2014) 7139) Test b'rilevanza għaż-ŻEE
2014/704/UE: Deċiżjoni ta' Implimentazzjoni tal-Kummissjoni tat- 8 ta' Ottubru 2014 li temenda d-Deċiżjoni 2009/821/KE fir-rigward tal-lista ta' postijiet ta' spezzjoni fil-fruntiera (notifikata bid-dokument C(2014) 7139) Test b'rilevanza għaż-ŻEE
ĠU L 294, 10.10.2014, p. 46–48
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 13/12/2019; Impliċitament imħassar minn 32019R1014
|
10.10.2014 |
MT |
Il-Ġurnal Uffiċjali tal-Unjoni Ewropea |
L 294/46 |
DEĊIŻJONI TA' IMPLIMENTAZZJONI TAL-KUMMISSJONI
tat-8 ta' Ottubru 2014
li temenda d-Deċiżjoni 2009/821/KE fir-rigward tal-lista ta' postijiet ta' spezzjoni fil-fruntiera
(notifikata bid-dokument C(2014) 7139)
(Test b'rilevanza għaż-ŻEE)
(2014/704/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 90/425/KEE tas-26 ta' Ġunju 1990 dwar l-iċċekkjar, veterinarju u żootekniku, applikabbli għall-kummerċ intra-Komunitarju ta' ċertu annimali ħajjin u prodotti bil-ħsieb tat-tlestija tas-suq intern (1), u b'mod partikolari l-Artikolu 20(1) u (3) tagħha,
Wara li kkunsidrat id-Direttiva tal-Kunsill 91/496/KEE tal-15 ta' Lulju 1991 li tistabbilixxi l-prinċipji li jirregolaw l-organizzazzjoni ta' kontrolli veterinarji fuq annimali li jidħlu fil-Komunità minn pajjiżi terzi u li temenda d-Direttivi 89/662/KEE, 90/425/KEE u 90/675/KEE (2), u b'mod partikolari t-tieni sentenza tat-tieni subparagrafu tal-Artikolu 6(4) u l-Artikolu 6(5) tagħha,
Wara li kkunsidrat id-Direttiva tal-Kunsill 97/78/KE tat-18 ta' Diċembru 1997 li tistabbilixxi l-prinċipji li jirregolaw l-organizzazzjoni tal-verifiki veterinarji fuq prodotti li jidħlu fil-Komunità minn pajjiżi terzi (3), u b'mod partikolari l-Artikolu 6(2) tagħha,
Billi:
|
(1) |
Id-Deċiżjoni tal-Kummissjoni 2009/821/KE (4) tistabbilixxi lista ta' postijiet ta' spezzjoni fil-fruntiera approvati skont id-Direttivi 91/496/KEE u 97/78/KE. Din il-lista hija stabbilita fl-Anness I ta' dik id-Deċiżjoni. |
|
(2) |
Id-Danimarka kkomunikat li l-post ta' spezzjoni fil-fruntiera f'Kolding għandu jitħassar mil-lista tal-entrati għal dak l-Istat Membru. Il-Ġermanja kkomunikat li l-post ta' spezzjoni fil-fruntiera f'Düsseldorf għandu jitħassar mil-lista tal-entrati għal dak l-Istat Membru. Għalhekk, il-listi tal-entrati għal dawk l-Istati Membri kif stabbiliti fl-Anness I tad-Deċiżjoni 2009/821/KE għandhom jiġu emendati skont dan. |
|
(3) |
Wara komunikazzjoni mingħand Spanja u l-Pajjiżi l-Baxxi, fil-lista stabbilita fl-Anness I tad-Deċiżjoni 2009/821/KE għandhom jiġu emendati l-entrati għall-postijiet ta' spezzjoni fil-fruntiera fl-ajruporti ta' Barċellona, Gran Canaria u Tenerife Sur fi Spanja u fil-port ta' Rotterdam fil-Pajjiżi l-Baxxi. |
|
(4) |
Wara verifika sodisfaċenti mwettqa mis-servizz ta' verifika tal-Kummissjoni (li qabel kien magħruf bħala s-servizz ta' spezzjoni tal-Kummissjoni), l-Uffiċċju Alimentari u Veterinarju (Food and Veterinary Office — FVO), il-post ta' spezzjoni fil-fruntiera f'Nuuk fil-Groenlandja jista' jiġi approvat għall-kategoriji kollha ta' prodotti mhux maħsuba għall-konsum mill-bniedem. Għalhekk, l-entrata relevanti għal dak il-post ta' spezzjoni fil-fruntiera kif stabbilita fl-Anness I tad-Deċiżjoni 2009/821/KE għandha tiġi emendata skont dan. |
|
(5) |
Il-FVO wettaq verifiki fil-Kroazja, u wara dan għamel xi rakkomandazzjonijiet lil dak l-Istat Membru. Dawk ir-rakkomandazzjonijiet ġew indirizzati b'mod sodisfaċenti mill-Kroazja bi pjan ta' azzjoni u bl-emenda tal-kategoriji ta' approvazzjoni tal-postijiet ta' spezzjoni fil-fruntiera f'Rijeka. Għalhekk, l-entrata għal dak il-post ta' spezzjoni fil-fruntiera stabbilit fl-Anness I tad-Deċiżjoni 2009/821/KE għandha tiġi emendata skont dan. |
|
(6) |
Għaldaqstant id-Deċiżjoni 2009/821/KE għandha tiġi emendata skont dan. |
|
(7) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
L-Anness I tad-Deċiżjoni 2009/821/KE huwa emendat skont l-Anness ta' din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, it-8 ta' Ottubru 2014.
Għall-Kummissjoni
Tonio BORG
Membru tal-Kummissjoni
(1) ĠU L 224, 18.8.1990, p. 29.
(2) ĠU L 268, 24.9.1991, p. 56.
(4) Id-Deċiżjoni tal-Kummissjoni 2009/821/KE tat-28 ta' Settembru 2009 dwar it-tfassil ta' lista approvata ta' postijiet ta' spezzjoni fil-fruntiera, li tistabbilixxi ċerti regoli dwar l-ispezzjonijiet imwettqa mill-esperti veterinarji tal-Kummissjoni u tistabbilixxi l-unitajiet veterinarji fi TRACES (ĠU L 296, 12.11.2009, p. 1).
ANNESS
L-Anness I tad-Deċiżjoni 2009/821/KE huwa emendat kif ġej:
|
(1) |
fil-parti li tikkonċerna lid-Danimarka, titħassar l-entrata għall-port f'Kolding. |
|
(2) |
fil-parti li tikkonċerna lill-Ġermanja, titħassar l-entrata għall-ajruport ta' Düsseldorf. |
|
(3) |
il-parti li tikkonċerna lil Spanja hija emendata kif ġej:
|
|
(4) |
fil-parti li tikkonċerna lill-Groenlandja, l-entrata għall-port ta' Nuuk tinbidel kif ġej:
|
|
(5) |
fil-parti li tikkonċerna lill-Kroazja, l-entrata għall-port ta' Rijeka tinbidel kif ġej:
|
|
(6) |
fil-parti li tikkonċerna lill-Pajjiżi l-Baxxi, l-entrata għall-port ta' Rotterdam tinbidel kif ġej:
|