20.9.2014   

MT

Il-Ġurnal Uffiċjali tal-Unjoni Ewropea

L 278/1

(1)

Fit-22 ta' Jannar 2007, il-Kunsill awtorizza lill-Kummissjoni biex tiftaħ negozjati mal-Ukraina għall-konklużjoni ta' ftehim ġdid bejn l-Unjoni u l-Ukraina li jissostitwixxi l-Ftehim ta' Sħubija u Kooperazzjoni (1).

(2)

B'kont meħud tar-relazzjoni storikament stretta u r-rabtiet li progressivament isiru mill-qrib bejn il-Partijiet, kif ukoll ix-xewqa tagħhom li jsaħħu u jwessgħu r-relazzjonijiet b'mod ambizzjuż u innovattiv, in-negozjati dwar il-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u l-Ukraina, min-naħa l-oħra (minn hawn 'il quddiem imsejjaħ “il-Ftehim”) ġew konklużi b'suċċess bl-inizjalar tal-Ftehim fl-2012.

(3)

Il-Ftehim għandu jiġi ffirmat f'isem l-Unjoni u l-Att Finali mehmuż ma' din id-Deċiżjoni għandu jiġi approvat. Il-Ftehim għandu jiġi applikat parzjalment, fuq bażi proviżorja, skont l-Artikolu 486 tiegħu, sa meta jitlestew il-proċeduri għall-konklużjoni tiegħu.

(4)

L-applikazzjoni proviżorja ta' partijiet tal-Ftehim ma tippreġudikax l-allokazzjoni tal-kompetenzi bejn l-Unjoni u l-Istati Membri tagħha taħt it-Trattati.

(5)

Din id-Deċiżjoni ma tikkonċernax id-dispożizzjonijiet tal-Artikolu 17 tal-Ftehim, li fih obbligi speċifiċi li jirrigwardaw it-trattament ta' ċittadini ta' pajjiżi terzi legalment impjegati bħala ħaddiema fit-territorju tal-Parti l-oħra, u liema dispożizzjonijiet jaqgħu fl-ambitu tat-Titolu V tal-Parti Tlieta tat-Trattat dwar il-Funzjonament tal-Unjoni Ewropea (TFUE). L-għan u l-kontenut ta' dawk id-dispożizzjonijiet huma distinti u indipendenti mill-għan u l-kontenut tad-dispożizzjonijiet l-oħra tal-Ftehim li jistabbilixxi assoċjazzjoni bejn il-Partijiet. Ser tiġi adottata deċiżjoni separata li tirrigwarda l-Artikolu 17 b'mod parallel għal din id-Deċiżjoni.

(6)

F'konformità mal-Artikolu 218(7) tat-TFUE, huwa xieraq li l-Kunsill jawtorizza lill-Kummissjoni biex tapprova modifiki fil-Ftehim li għandhom jiġu adottati mill-Kumitat ta' Assoċjazzjoni fil-konfigurazzjoni Kummerċjali tiegħu skont l-Artikolu 465(4) tal-Ftehim, kif propost mis-Sottokumitat dwar l-Indikazzjonijiet Ġeografiċi skont l-Artikolu 211 tal-Ftehim.

(7)

Huwa xieraq li jiġu stabbiliti l-proċeduri rilevanti għall-protezzjoni tal-indikazzjonijiet ġeografiċi li huma protetti skont il-Ftehim.

(8)

Il-Ftehim ma għandux jiġi interpretat fis-sens li jagħti xi drittijiet jew jimponi obbligi li jistgħu jiġu invokati direttament quddiem il-qrati u t-tribunali tal-Unjoni jew tal-Istati Membri.

(9)

Wara l-iffirmar tal-Preambolu, l-Artikolu 1, u t-Titoli I, II u VII tal-Ftehim fis-Summit bejn l-Unjoni u l-Istati Membri tagħha, minn naħa waħda, u l-Ukraina, min-naħa l-oħra, li sar fi Brussell fil-21 ta' Marzu 2014, il-partijiet rimanenti tal-Ftehim għandhom jiġu ffirmati,

—

Titolu III: l-Artikoli 14 u 19;

—

Titolu IV (bl-eċċezzjoni tal-Artikolu 158, sa fejn dak l-Artikolu jikkonċerna l-infurzar kriminali tad-drittijiet ta' proprjetà intellettwali; u bl-eċċezzjoni tal-Artikoli 285 u 286 sa fejn dawk l-Artikoli japplikaw għal proċedimenti amministrattivi, reviżjoni u appell fil-livell ta' Stati Membri).

L-applikazzjoni proviżorja tal-Artikolu 279 ma taffettwax id-drittijiet sovrani tal-Istati Membri fuq ir-riżorsi idrokarburi f'konformità mad-dritt internazzjonali, inklużi d-drittijiet u l-obbligi tagħhom bħala Partijiet għall-Konvenzjoni tan-Nazzjonijiet Uniti tal-1982 dwar id-Dritt tal-Baħar.

L-applikazzjoni proviżorja tal-Artikolu 280(3) mill-Unjoni ma taffettwax id-delineazzjoni eżistenti tal-kompetenzi bejn l-Unjoni u l-Istati Membri tagħha fir-rigward tal-għoti ta' awtorizzazzjonijiet għall-prospezzjoni, l-esplorazzjoni u l-produzzjoni tal-idrokarbonju;

—

Titolu V: Kapitolu 1 (bl-eċċezzjoni tal-Artikoli 338 (k), u l-Artikoli 339 u 342), Kapitolu 6 (bl-eċċezzjoni tal-Artikolu 361, l-Artikolu 362(1)(c), l-Artikolu 364, u l-punti (a) u (c) tal-Artikolu 365), Kapitolu 7 (bl-eċċezzjoni tal-Artikolu 368(3) u l-punti (a) u (d) tal-Artikolu 369 (4)), Kapitoli 12 u 17 (bl-eċċezzjoni tal-Artikolu 404(h)), Kapitolu 18 (bl-eċċezzjoni tal-Artikolu 410(b) u l-Artikolu 411), Kapitoli 20, 26 u 28, kif ukoll l-Artikoli 353 u 428;

—

Titolu VI;

—

Titolu VII (bl-eċċezzjoni tal-Artikolu 479(1)), sa fejn id-dispożizzjonijiet ta' dak it-Titolu huma limitati għall-iskop li tkun żgurata l-applikazzjoni proviżorja tal-Ftehim skont dan l-Artikolu;

—

Annessi I sa XXVI, Anness XXVII (bl-eċċezzjoni tal-kwistjonijiet nukleari), Annessi XXVIII sa XXXVI (bl-eċċezzjoni tal-punt 3 fl-Anness XXXII),

—

Annessi XXXVIII sa XLI, Annessi XLIII u XLIV kif ukoll Protokolli I sa III.