EUR-Lex Access to European Union law
This document is an excerpt from the EUR-Lex website
Document 32014D0399
2014/399/EU: Council Decision of 24 June 2014 establishing the position to be adopted on behalf of the European Union within the General Council of the World Trade Organization on the accession of the Islamic Republic of Afghanistan to the World Trade Organization
2014/399/UE: Deċiżjoni tal-Kunsill tal- 24 ta' Ġunju 2014 li tistabbilixxi l-pożizzjoni li għandha tiġi adottata f'isem l-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Iżlamika tal-Afganistan mal-Organizzazzjoni Dinjija tal-Kummerċ
2014/399/UE: Deċiżjoni tal-Kunsill tal- 24 ta' Ġunju 2014 li tistabbilixxi l-pożizzjoni li għandha tiġi adottata f'isem l-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Iżlamika tal-Afganistan mal-Organizzazzjoni Dinjija tal-Kummerċ
ĠU L 188, 27.6.2014, p. 66–67
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
27.6.2014 |
MT |
Il-Ġurnal Uffiċjali tal-Unjoni Ewropea |
L 188/66 |
DEĊIŻJONI TAL-KUNSILL
tal-24 ta' Ġunju 2014
li tistabbilixxi l-pożizzjoni li għandha tiġi adottata f'isem l-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Iżlamika tal-Afganistan mal-Organizzazzjoni Dinjija tal-Kummerċ
(2014/399/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 91, l-Artikolu 100(2) u l-ewwel subparagrafu tal-Artikolu 207(4) flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Fil-21 ta' Novembru 2004 il-Gvern tar-Repubblika Iżlamika tal-Afganistan applika għall-adeżjoni mal-Ftehim ta' Marrakesh li jistabbilixxi l-Organizzazzjoni Dinjija tal-Kummerċ (WTO), b'konformità mal-Artikolu XII ta' dak il-Ftehim. |
|
(2) |
Ġie stabbilit, fit-13 ta' Diċembru 2004, Grupp ta' Ħidma dwar l-adeżjoni tar-Repubblika Iżlamika tal-Afganistan sabiex jintlaħaq ftehim dwar it-termini ta' adeżjoni aċċettabbli għar-Repubblika Iżlamika tal-Afganistan u l-Membri kollha tad-WTO. |
|
(3) |
Il-Kummissjoni, f'isem l-Unjoni Ewropea, innegozjat għadd komprensiv ta' impenji għall-ftuħ tas-suq min-naħa tar-Repubblika Iżlamika tal-Afganistan li jissodisfaw it-talbiet tal-Unjoni. |
|
(4) |
Dawk l-impenji issa huma inkorporati fil-Protokoll ta' Adeżjoni tar-Repubblika Iżlamika tal-Afganistan mad-WTO (“il-Protokoll ta' Adeżjoni”). |
|
(5) |
L-adeżjoni mad-WTO hija mistennija li tagħmel kontribut pożittiv u dejjiemi għall-proċess ta' riforma ekonomika u għall-iżvilupp sostenibbli fir-Repubblika Iżlamika tal-Afganistan. |
|
(6) |
Il-Protokoll ta' Adeżjoni għandu għalhekk jiġi approvat. |
|
(7) |
L-Artikolu XII tal-Ftehim li jistabbilixxi d-WTO jistipula li dwar it-termini tal-adeżjoni għandu jintlaħaq ftehim bejn il-Membru li qed jissieħeb u d-WTO, u li l-Konferenza Ministerjali tad-WTO tapprova t-termini tal-adeżjoni min-naħa tad-WTO. L-Artikolu IV.2 tal-Ftehim li jistabbilixxi li d-WTO jipprovdi li matul l-intervalli bejn il-laqgħat tal-Konferenza Ministerjali, il-funzjonijiet tagħha jitmexxew mill-Kunsill Ġenerali. |
|
(8) |
Għaldaqstant, jeħtieġ li tiġi stabbilita l-pożizzjoni li għandha tiġi adottata f'isem l-Unjoni fil-Kunsill Ġenerali tad-WTO dwar l-adeżjoni tar-Repubblika Iżlamika tal-Afganistan mad-WTO, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tiġi adottata f'isem l-Unjoni Ewropea fil-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Iżlamika tal-Afganistan mal-Organizzazzjoni Dinjija tal-Kummerċ hija li tapprova l-adeżjoni.
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Lussemburgu, is-24 ta' Ġunju 2014.
Għall-Kunsill
Il-President
E. VENIZELOS