This document is an excerpt from the EUR-Lex website
Document 32014D0367
2014/367/EU: Commission Implementing Decision of 16 June 2014 amending Council Directive 2002/56/EC as regards the date laid down in Article 21(3) until which Member States are authorised to extend the validity of decisions concerning equivalence of seed potatoes from third countries (notified under document C(2014) 3877) Text with EEA relevance
2014/367/UE: Deċiżjoni ta' Implimentazzjoni tal-Kummissjoni tas- 16 ta' Ġunju 2014 li temenda d-Direttiva tal-Kunsill 2002/56/KE fir-rigward tad-data stipulata fl-Artikolu 21(3) sa meta l-Istati Membri huma awtorizzati jestendu l-validità tad-deċiżjonijiet dwar l-ekwivalenza tal-patata taż-żrigħ minn pajjiżi terzi (notifikata bid-dokument C(2014) 3877) Test b'rilevanza għaż-ŻEE
2014/367/UE: Deċiżjoni ta' Implimentazzjoni tal-Kummissjoni tas- 16 ta' Ġunju 2014 li temenda d-Direttiva tal-Kunsill 2002/56/KE fir-rigward tad-data stipulata fl-Artikolu 21(3) sa meta l-Istati Membri huma awtorizzati jestendu l-validità tad-deċiżjonijiet dwar l-ekwivalenza tal-patata taż-żrigħ minn pajjiżi terzi (notifikata bid-dokument C(2014) 3877) Test b'rilevanza għaż-ŻEE
ĠU L 178, 18.6.2014, p. 26–26
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.6.2014 |
MT |
Il-Ġurnal Uffiċjali tal-Unjoni Ewropea |
L 178/26 |
DEĊIŻJONI TA' IMPLIMENTAZZJONI TAL-KUMMISSJONI
tas-16 ta' Ġunju 2014
li temenda d-Direttiva tal-Kunsill 2002/56/KE fir-rigward tad-data stipulata fl-Artikolu 21(3) sa meta l-Istati Membri huma awtorizzati jestendu l-validità tad-deċiżjonijiet dwar l-ekwivalenza tal-patata taż-żrigħ minn pajjiżi terzi
(notifikata bid-dokument C(2014) 3877)
(Test b'rilevanza għaż-ŻEE)
(2014/367/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/56/KE tat-13 ta' Ġunju 2002 dwar il-bejgħ fis-suq tal-patata taż-żrigħ (1), u b'mod partikolari t-tieni subparagrafu tal-Artikolu 21(3) tagħha,
Billi:
|
(1) |
Id-Direttiva 2002/56/KE tistipula li, b'effett minn ċerti dati, l-Istati Membri ma jistgħux ikomplu jiddeterminaw għalihom infushom l-ekwivalenza ta' patata taż-żrigħ li tkun ġejja minn pajjiżi terzi għal dik li tkun ġejja mill-Unjoni u li tkun f'konformità ma' dik id-Direttiva. |
|
(2) |
Madankollu, billi għadha ma tlestietx il-ħidma għat-twaqqif ta' ekwivalenza tal-Unjoni għall-patata taż-żrigħ mill-pajjiżi terzi kollha kkonċernati, id-Direttiva 2002/56/KE ppermettiet li l-Istati Membri jestendu, sal-31 ta' Marzu 2014, il-validità tad-deċiżjonijiet ta' ekwivalenza li kienu diġà ħadu għall-patata taż-żrigħ minn ċerti pajjiżi terzi mhux koperti minn ekwivalenza tal-Unjoni. Din id-data ntgħażlet b'referenza għat-tmiem tal-perjodu fejn il-patata taż-żrigħ titqiegħed fis-suq. |
|
(3) |
Billi dan ix-xogħol għadu ma tlestiex u sal-aħħar tal-2014 se jibda staġun tas-suq ġdid, huwa meħtieġ li tkun estiża l-validità tad-deċiżjonijiet ta' ekwivalenza nazzjonali tal-Istati Membri. |
|
(4) |
Id-Direttiva 2002/56/KE għandha għalhekk tiġi emendata kif xieraq. |
|
(5) |
Il-miżuri previsti f'din id-Deċiżjoni jikkonformaw mal-opinjoni tal-Kumitat Permanenti dwar iż-Żrieragħ u l-Materjal Propagattiv għall-Agrikultura, l-Ortikultura u l-Forestrija, |
ADOTTAT DIN ID-DEĊIŻJONI:
Artikolu 1
Fl-ewwel subparagrafu tal-Artikolu 21(3) tad-Direttiva 2002/56/KE, “il-31 ta' Marzu 2014” tinbidel għal “il-31 ta' Marzu 2017”.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-16 ta' Ġunju 2014.
Għall-Kummissjoni
Tonio BORG
Membru tal-Kummissjoni
(1) ĠU L 193, 20.7.2002, p. 60.