EUR-Lex Access to European Union law
This document is an excerpt from the EUR-Lex website
Document 32014D0258
2014/258/CFSP: Political and Security Committee Decision EUBAM Libya/3/2014 of 30 April 2014 extending the mandate of the Head of Mission of the European Union Integrated Border Management Assistance Mission in Libya (EUBAM Libya)
2014/258/PESK: Deċiżjoni tal-Kumitat Politiku u ta' Sigurtà EUBAM Libya/3/2014 tat- 30 ta' April 2014 li testendi l-mandat tal-Kap tal-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
2014/258/PESK: Deċiżjoni tal-Kumitat Politiku u ta' Sigurtà EUBAM Libya/3/2014 tat- 30 ta' April 2014 li testendi l-mandat tal-Kap tal-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
ĠU L 136, 9.5.2014, p. 25–25
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
9.5.2014 |
MT |
Il-Ġurnal Uffiċjali tal-Unjoni Ewropea |
L 136/25 |
DEĊIŻJONI TAL-KUMITAT POLITIKU U TA' SIGURTÀ EUBAM LIBYA/3/2014
tat-30 ta' April 2014
li testendi l-mandat tal-Kap tal-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya)
(2014/258/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2013/233/PESK tat-22 ta' Mejju 2013 dwar il-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya) (1),
Billi:
|
(1) |
F'konformità mal-Artikolu 9(1) tad-Deċiżjoni 2013/233/PESK, il-Kumitat Politiku u ta' Sigurtà (KPS) huwa awtorizzat, skont l-Artikolu 38 tat-Trattat, biex jieħu d-deċiżjonijiet rilevanti sabiex jeżerċita l-kontroll politiku u t-tmexxija strateġika tal-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya), inkluża d-deċiżjoni biex jaħtar Kap tal-Missjoni fuq proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà (RGħ). |
|
(2) |
Fl-24 ta' Mejju 2013, il-KPS adotta d-Deċiżjoni EUBAM Libya/1/2013 (2), li taħtar lis-Sur Antti Juhani Hartikainen bħala Kap tal-Missjoni ta' EUBAM Libya għall-perjodu bejn it-22 ta' Mejju 2013 u l-21 ta' Mejju 2014. |
|
(3) |
Fl-14 ta' April 2014, ir-RGħ ippropona l-estensjoni tal-mandat tas-Sur Antti Juhani Hartikainen bħala Kap tal-Missjoni ta' EUBAM Libya sal-21 ta' Mejju 2015. |
ADOTTA DIN ID-DEĊIŻJONI:
Artikolu 1
Il-mandat tal-Kurunell Antti Juhani Hartikainen bħala Kap tal-Missjoni EUBAM Libya huwa b'dan estiż sal-21 ta' Mejju 2015.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-30 ta' April 2014.
Għall-Kumitat Politiku u ta' Sigurtà
Il-President
W. STEVENS
(1) ĠU L 138, 24.5.2013, p. 15.
(2) Deċiżjoni tal-Kumitat Politku u ta' Sigurtà EUBAM LIBYA/1/2013 tal-24 ta' Mejju 2013 dwar il-ħatra tal-Kap tal-Missjoni tal-Unjoni Ewropea ta' Assistenza għall-Ġestjoni Integrata tal-Fruntieri fil-Libja (EUBAM Libya) (ĠU L 147, 1.6.2013, p. 13).