EUR-Lex Access to European Union law
This document is an excerpt from the EUR-Lex website
Document 32014D0212
Council Decision 2014/212/CFSP of 14 April 2014 amending Decision 2013/183/CFSP concerning restrictive measures against the Democratic People's Republic of Korea
Deċiżjoni tal-Kunsill 2014/212/PESK tal-14 ta' April 2014 li temenda d-Deċiżjoni 2013/183/PESK dwar miżuri restrittivi kontra r-Repubblika Demokratika Popolari tal-Korea
Deċiżjoni tal-Kunsill 2014/212/PESK tal-14 ta' April 2014 li temenda d-Deċiżjoni 2013/183/PESK dwar miżuri restrittivi kontra r-Repubblika Demokratika Popolari tal-Korea
ĠU L 111, 15.4.2014, p. 79–82
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 28/05/2016; Impliċitament imħassar minn 32016D0849
15.4.2014 |
MT |
Il-Ġurnal Uffiċjali tal-Unjoni Ewropea |
L 111/79 |
DEĊIŻJONI TAL-KUNSILL 2014/212/PESK
tal-14 ta' April 2014
li temenda d-Deċiżjoni 2013/183/PESK dwar miżuri restrittivi kontra r-Repubblika Demokratika Popolari tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 29 tiegħu,
Wara li kkunsidra d-Deċiżjoni tal-Kunsill 2013/183/PESK tat-22 ta' April 2013 dwar miżuri restrittivi kontra r-Repubblika Demokratika Popolari tal-Korea (1), u b'mod partikolari l-Artikolu 19 tagħha,
Billi:
(1) |
Fit-22 ta' April 2013, il-Kunsill adotta d-Deċiżjoni 2013/183/PESK. |
(2) |
F'konformità mal-Artikolu 22(2) tad-Deċiżjoni 2013/183/PESK, il-Kunsill għamel rieżami tal-lista ta' persuni u entitajiet kif tinsab fl-Annessi II u III għad-Deċiżjoni 2013/183/PESK, li għaliha japplikaw il-punti (b) u (c) tal-Artikoli 13(1) u l-punti (b) u (c) tal-Artikolu 15(1) ta' dik id-Deċiżjoni. Il-Kunsill ikkonkluda li, bl-eċċezzjoni ta' persuna waħda u entità waħda elenkati fl-Anness II, il-persuni u l-entitajiet ikkonċernati għandhom jibqgħu jkunu soġġetti għall-miżuri previsti f'dik id-Deċiżjoni. |
(3) |
Barra min hekk, l-entrata li tikkonċerna entità waħda li hija elenkata fl-Anness I għandha titneħħa mill-Anness II. |
(4) |
Barra minn hekk, l-Artikolu 22 għandu jiġi emendat. |
(5) |
Barra minn hekk, fil-31 ta' Diċembru 2013, il-Kumitat tas-Sanzjonijiet stabbilit skont ir-Riżoluzzjoni 1718 (2006) tal-Kunsill tas-Sigurtà tan-Nazzjonijiet Uniti dwar ir-Repubblika Demokratika Popolari tal-Korea, aġġorna l-lista tal-individwi u l-entitajiet soġġetti għal miżuri restrittivi. |
(6) |
Il-listi ta' persuni u entitajiet li jinsabu fl-Annessi I u II għad-Deċiżjoni 2013/183/PESK għandhom għalhekk jiġu emendati kif meħtieġ, |
ADOTTA DIN ID-DEĊIŻJONI:
Artikolu 1
Id-Deċiżjoni 2013/183/PESK hija b'dan emendata kif ġej:
(1) |
fl-Artikolu 22, il-paragrafu 2 huwa sostitwit b'dan li ġej: “2. Il-miżuri msemmija fil-punti (b) u (c) tal-Artikolu 13(1) u l-punti (b) u (c) tal-Artikolu 15(1) għandhom jiġu rieżaminati f'intervalli regolari u ta' mill-inqas kull 12-il xahar. Huma għandhom jieqfu japplikaw fir-rigward ta' persuni u entitajiet ikkonċernati jekk il-Kunsill jiddetermina, skont il-proċedura msemmija fl-Artikolu 19(2), li l-kondizzjonijiet għall-applikazzjoni tagħhom m'għadhomx jiġu sodisfatti.”. |
(2) |
L-Annessi I u II għad-Deċiżjoni 2013/183/PESK huma emendati kif jinsabu fl-Anness għal din id-Deċiżjoni. |
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fil-Lussemburgu, l-14 ta' April 2014.
Għall-Kunsill
Il-President
C. ASHTON
ANNESS
1.
Fl-Anness I għad-Deċiżjoni 2013/183/PESK, tiddaħħal l-intestatura li ġejja:“Lista ta' persuni msemmija fl-Artikolu 13(1)(a) u ta' persuni u entitajiet imsemmija fl-Artikolu 15(1)(a).”.
2.
Fl-Anness I għad-Deċiżjoni 2013/183/PESK, is-subintestatura “A. Lista ta' persuni msemmija fl-Artikolu 13(1)(a)” hija sostitwita bis-subintestatura li ġejja:
“A. |
Persuni”. |
3.
L-entrati għall-persuni li ġejjin imniżżlin fl-Anness I għad-Deċiżjoni 2013/183/PESK huma sostitwiti bl-entrati li ġejjin:
|
Isem |
Psewdonimu |
Data tat-twelid |
Data tal-indikazzjoni |
Informazzjoni oħra |
“1. |
Chang Myong- Chin |
Jang Myong-Jin |
Data tat-twelid 19 ta' Frar 1968; Data tat-twelid alternattiva 1965 jew 1966 |
22.1.2013 |
Amministratur Ġenerali ta' Sohae Satellite Launching Station u kap taċ-ċentru ta' illanċjar minn fejn sar l-illanċjar fit-13 ta' April u fit-12 ta' Diċembru 2012. |
2. |
Ra Ky'ong-Su |
Ra Kyung-Su |
Data tat-twelid 4 ta' Ġunju 1954; Passaport: 645120196 |
22.1.2013 |
Ra Ky'ong-Su huwa uffiċjal ta' Tanchon Commercial Bank (TCB). F'din il-kapaċità hu ffaċilita t-transazzjonijiet għal TCB. Tanchon Commercial Bank ġie inkluż mill-Kumitat tas-Sanzjonijiet f'April 2009 bħala l-entità finanzjarja ewlenija tar-RDPK responsabbli għall-bejgħ ta' armi konvenzjonali, missili ballistiċi, u oġġetti relatati mal-assemblaġġ u l-manifattura ta' armi bħal dawn. |
3. |
Kim Kwang-il |
|
Data tat-twelid 1 ta' Settembru 1969; Passaport: PS381420397 |
22.1.2013 |
Kim Kwang-il huwa uffiċjal ta' Tanchon Commercial Bank (TCB). F'din il-kapaċità, hu ffaċilita transazzjonijiet għal TCB u Korea Mining Development Trading Corporation (KOMID). Tanchon Commercial Bank ġie inkluż mill-Kumitat tas-Sanzjonijiet f'April 2009 bħala l-entità finanzjarja ewlenija tar-RDPK responsabbli għall-bejgħ ta' armi konvenzjonali, missili ballistiċi, u oġġetti relatati mal-assemblaġġ u l-manifattura ta' armi bħal dawn. Il-KOMID ġiet inkluża mill-Kumitat tas-Sanzjonijiet f'April 2009 u hija l-kummerċjant primarju fl-armi u l-esportatur prinċipali ta' oġġetti u tagħmir relatati ma' missili ballistiċi u armi konvenzjonali tar-RDPK.” |
4.
Fl-Anness I għad-Deċiżjoni 2013/183/PESK, is-subintestatura “B. Lista ta' entitajiet imsemmija fl-Artikolu 15(1)(a)” hija sostitwita bis-subintestatura li ġejja:
“B. |
Entitajiet”. |
5.
L-entrati għall-entitajiet li ġejjin imniżżla fl-Anness I għad-Deċiżjoni 2013/183/PESK huma sostitwiti bl-entrati ta' hawn taħt:
|
Isem |
Psewdonimu |
Lokalità |
Data tal-indikazzjoni |
Informazzjoni oħra |
“1. |
Korea Ryonha Machinery Joint Venture Corporation |
Chosun Yunha Machinery Joint Operation Company; Korea Ryenha Machinery J/V Corporation; Ryonha Machinery Joint Venture Corporation; Ryonha Machinery Corporation; Ryonha Machinery; Ryonha Machine Tool; Ryonha Machine Tool Corporation; Ryonha Machinery Corp; Ryonhwa Machinery Joint Venture Corporation; Ryonhwa Machinery JV; Huichon Ryonha Machinery General Plant; Unsan; Unsan Solid Tools; u Millim Technology Company |
Tongan-dong, Central District, Pyongyang, DPRK; Mangungdae- gu, Pyongyang, DPRK; Mangyongdae District, Pyongyang, DPRK. Indirizzi tal-posta elettronika: ryonha@silibank.com; sjc-117@hotmail.com; u millim@silibank.com Numri tat-telefon: 850-2-18111; 850-2-18111-8642; u 850 2 18111-3818642 Numru tal-fax: 850-2-381-4410 |
22.1.2013 |
Korea Ryonbong General Corporation hija l-kumpannija azzjonarja ta' Korea Ryonha Machinery Joint Venture Corporation. Korea Ryonbong General Corporation kienet inkluża mill-Kumitat tas-Sanzjonijiet f'April 2009 u hija konglomerat tad-difiża li jispeċjalizza fl-akkwisti għall-industriji tad-difiża u l-appoġġ għall-bejgħ militari relatat tar-RDPK.” |
6.
Il-persunai u l-entità elenkati hawn taħt huma mneħħija mil-lista li tinsab fl-Anness II għad-Deċiżjoni 2013/183/PESK:
A. |
Persuni
|
B. |
Entitajiet
|