This document is an excerpt from the EUR-Lex website
Document 32013R0967
Commission Implementing Regulation (EU) No 967/2013 of 9 October 2013 fixing the allocation coefficient to be applied to import licence applications lodged from 27 September 2013 to 4 October 2013 under the tariff quota for maize opened by Regulation (EC) No 969/2006
Regolament ta’ Implimentazzjoni tal-Kummissjoni (UE) Nru 967/2013 tad- 9 ta’ Ottubru 2013 li jiffissa l-koeffiċjent ta’ allokazzjoni li għandu jiġi applikat għall-applikazzjonijiet għal-liċenzji għall-importazzjoni mressqin mis- 27 ta’ Settembru 2013 sal- 4 ta’ Ottubru 2013 fil-kuntest tal-kwota tariffarja miftuħa mir-Regolament (KE) Nru 969/2006 għall-qamħirrum
Regolament ta’ Implimentazzjoni tal-Kummissjoni (UE) Nru 967/2013 tad- 9 ta’ Ottubru 2013 li jiffissa l-koeffiċjent ta’ allokazzjoni li għandu jiġi applikat għall-applikazzjonijiet għal-liċenzji għall-importazzjoni mressqin mis- 27 ta’ Settembru 2013 sal- 4 ta’ Ottubru 2013 fil-kuntest tal-kwota tariffarja miftuħa mir-Regolament (KE) Nru 969/2006 għall-qamħirrum
ĠU L 268, 10.10.2013, p. 11–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
10.10.2013 |
MT |
Il-Ġurnal Uffiċjali tal-Unjoni Ewropea |
L 268/11 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 967/2013
tad-9 ta’ Ottubru 2013
li jiffissa l-koeffiċjent ta’ allokazzjoni li għandu jiġi applikat għall-applikazzjonijiet għal-liċenzji għall-importazzjoni mressqin mis-27 ta’ Settembru 2013 sal-4 ta’ Ottubru 2013 fil-kuntest tal-kwota tariffarja miftuħa mir-Regolament (KE) Nru 969/2006 għall-qamħirrum
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament dwar l-OKS unika) (1),
Wara li kkunsidrat ir-Regolament tal-Kummissjoni (KE) Nru 1301/2006 tal-31 ta’ Awwissu 2006 li jistabbilixxi regoli komuni għall-amministrazzjoni tal-kwoti tariffarji għall-importazzjoni ta’ prodotti agrikoli rregolati minn sistema ta’ liċenzji għall-importazzjoni (2), u partikolarment l-Artikolu 7(2) tiegħu,
Billi:
|
(1) |
Ir-Regolament tal-Kummissjoni (KE) Nru 969/2006 (3) fetaħ kwota tariffarja annwali għall-importazzjoni ta’ 277 988 tunnellata qamħirrum (in-numru tas-serje 09.4131). |
|
(2) |
L-Artikolu 2(1) tar-Regolament (KE) Nru 969/2006 ffissa għal 138 994 tunnellata l-kwantità tas-subperjodu nru 2 għall-perjodu mill-1 ta’ Lulju sal-31 ta’ Diċembru 2013. |
|
(3) |
Min-notifika magħmula skont l-Artikolu 4(3) tar-Regolament (KE) Nru 969/2006, jirriżulta li l-applikazzjonijiet imressqin mis-27 ta’ Settembru 2013 mis-13:00 sal-4 ta’ Ottubru fis-13:00, ħin ta’ Brussell, skont l-Artikolu 4(1) tar-Regolament imsemmi, jaqbżu l-kwantitajiet disponibbli. Jeħtieġ għalhekk li jiġi ddeterminat sa liema limitu jistgħu jinħarġu l-liċenzji għall-importazzjoni, filwaqt li jiġi stabbilit il-koeffiċjent ta’ allokazzjoni li għandu jiġi applikat għall-kwantitajiet mitluba. |
|
(4) |
Jeħtieġ ukoll li ma jinħarġux liċenzji għall-importazzjoni skont ir-Regolament (KE) Nru 969/2006 għall-perjodu kurrenti tal-kwota. |
|
(5) |
Sabiex tkun żgurata ġestjoni effettiva tal-proċedura għall-ħruġ tal-liċenzji għall-importazzjoni, dan ir-Regolament għandu jidħol fis-seħħ immedjatament wara l-pubblikazzjoni tiegħu, |
ADOTTAT DAN IR-REGOLAMENT:
Artikolu 1
1. Kull applikazzjoni għal-liċenzja għall-importazzjoni tal-qamħirrum fil-kuntest tal-kwota msemmija fl-Artikolu 2(1) tar-Regolament (KE) Nru 969/2006, imressqa mis-27 ta’ Settembru 2013 mis-13:00 sal-4 ta’ Ottubru 2013 fis-13:00, ħin ta’ Brussell, tagħti lok għall-ħruġ ta’ liċenzja għall-kwantitajiet mitluba assenjati skont koeffiċjent ta’ allokazzjoni ta’ 42,680622 %.
2. Il-ħruġ ta’ liċenzji għall-kwantitajiet mitluba mill-4 ta’ Ottubru 2013, fis-13:00, ħin ta’ Brussell, huwa sospiż għall-perjodu kurrenti tal-kwota.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Ottubru 2013.
Għall-Kummissjoni, F’isem il-President,
Jerzy PLEWA
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 238, 1.9.2006, p. 13.
(3) ĠU L 176, 30.6.2006, p. 44.