EUR-Lex Access to European Union law
This document is an excerpt from the EUR-Lex website
Document 32013R0772
Commission Regulation (EU) No 772/2013 of 8 August 2013 amending Annexes II, III and V to Regulation (EC) No 396/2005 of the European Parliament and of the Council as regards maximum residue levels for diphenylamine in or on certain products Text with EEA relevance
Regolament tal-Kummissjoni (UE) Nru 772/2013 tat- 8 ta’ Awwissu 2013 li jemenda l-Annessi II, III u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għad-difenilammina f’ċerti prodotti jew fuqhom Test b’relevanza għaż-ŻEE
Regolament tal-Kummissjoni (UE) Nru 772/2013 tat- 8 ta’ Awwissu 2013 li jemenda l-Annessi II, III u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għad-difenilammina f’ċerti prodotti jew fuqhom Test b’relevanza għaż-ŻEE
ĠU L 217, 13.8.2013, p. 1–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
13.8.2013 |
MT |
Il-Ġurnal Uffiċjali tal-Unjoni Ewropea |
L 217/1 |
REGOLAMENT TAL-KUMMISSJONI (UE) Nru 772/2013
tat-8 ta’ Awwissu 2013
li jemenda l-Annessi II, III u IV tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għad-difenilammina f’ċerti prodotti jew fuqhom
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u partikolarment l-Artikolu 14(1)(a) u l-Artikolu 18(1)(b) tiegħu,
Billi:
(1) |
Il-livelli massimi ta’ residwu (LMR) għad-difenilammina ġew stabbiliti fl-Anness II u fil-Parti B tal-Anness III tar-Regolament (KE) Nru 396/2005. Id-difenilammina kienet is-suġġett tad-Deċiżjoni 2009/859/KE tat-30 ta’ Novembru 2009 tal-Kummissjoni dwar in-noninklużjoni ta’ diphenylamine fl-Anness I tad-Direttiva tal-Kunsill 91/414/KEE u l-irtirar ta’ awtorizzazzjonijiet għal prodotti għall-ħarsien tal-pjanti li fihom din is-sustanza (2) u hija s-suġġett tar-Regolament ta’ Implimentazzjoni tal-Kummissjoni (UE) Nru 578/2012 tad-29 ta’ Ġunju 2012 dwar in-nuqqas ta’ approvazzjoni tas-sustanza attiva difenilammina, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti (3). |
(2) |
L-Awtorità Ewropea dwar is-Sigurtà fl-Ikel (“l-Awtorità”) tat-opinjoni motivata dwar l-MRLs għad-difenilammina skont l-Artikolu 12(1) tar-Regolament (KE) Nru 396/2005 fit-22 ta’ Awwissu 2011 (4), fejn b’mod partikolari eżaminat ir-riskji għall-konsumaturi. Din l-opinjoni tressqet lill-Kummissjoni u lill-Istati Membri u tqegħdet għad-disponizzjoni tal-pubbliku. |
(3) |
F’din l-opinjoni l-Awtorità la tirrakkomanda l-inklużjoni tad-difenilammina fl-Anness IV tar-Regolament (KE) Nru 396/2005, u lanqas l-inklużjoni tas-CXLs fl-Anness II ta’ dan ir-Regolament. |
(4) |
L-awtorizzazzjonijiet kollha li diġà jeżistu għall-prodotti għall-ħarsien tal-pjanti li fihom id-difenilammina ġew irrevokati. Għalhekk, l-MRLs stabbiliti fl-Annessi II u III għal din is-sustanza attiva għandhom jitħassru, minbarra fejn għandu x’jaqsam mat-tuffieħ u l-lanġas. |
(5) |
Fir-rigward tad-difenilammina fit-tuffieħ u fil-lanġas, l-Istati Membri, pajjiżi terzi u operaturi tan-negozji tal-ikel infurmaw lill-Kummissjoni dwar kontaminazzjoni inevitabbli minn frotta għal oħra li taffettwa lit-tuffieħ u l-lanġas li ma jkunux ġew ittrattati, minħabba r-reżidwi tad-difenilammina fil-faċilitajiet tal-ħżin, b’mod partikolari fuq il-makkinarju, fuq l-uċuħ tal-affarijiet u fil-kontenituri, speċjalment fil-bramel, u li f’dan l-istadju mhuwiex teknikament fattibbli li din tiġi eliminata kompletament. |
(6) |
Abbażi tad-dejta tas-sorveljanza li waslet dwar il-kontaminazzjoni minn frotta għal oħra, jixraq li jiġi ffissat MRL temporanju li jkun baxx kemm hu possibbli, minħabba t-tħassib tal-konsumaturi dwar id-difenilammina, li xorta waħda jippermetti l-kummerċjalizzazzjoni u n-negozju normali tat-tuffieħ u l-lanġas mhux ittrattat. |
(7) |
Minkejja li f’dan l-istadju ma tistax issir valutazzjoni tar-riskju għall-konsumaturi minħabba bosta lakuni fid-dejta li ġew identifikati mill-Awtorità fid-dossier dwar id-difenilammina, wieħed jista’ jistenna li MRL temporanju ta’ 0,1 mg/kg, li huwa ħamsin darba inqas mill-MRL attwali ta’ 5 mg/kg, ma għandux ikun ta’ ebda riskju serju lill-konsumaturi. |
(8) |
Skont l-Artikolu 16(2) tar-Regolament (KE) Nru 396/2005, il-Kummissjoni se tanalizza l-qagħda fi żmien sentejn mid-data tad-dħul fis-seħħ tar-Regolament attwali, abbażi ta’ kull dejta ġdida li toħroġ mis-sorveljanza u minn elementi ġodda oħra li jsiru disponibbli. |
(9) |
Ir-Regolament (KE) Nru 396/2005 għandu għaldaqstant jiġi emendat skont dan. |
(10) |
Għandu jitħalla jgħaddi perjodu raġonevoli ta’ żmien qabel ma jsiru applikabbli l-MRLs modifikati, biex l-Istati Membri, il-pajjiżi terzi u l-operaturi tan-negozji tal-ikel jingħataw żmien biex jitħejjew biex ikunu konformi mar-rekwiżiti l-ġodda li jirriżultaw mill-modifika tal-MRLs. |
(11) |
L-imsieħba kummerċjali tal-Unjoni ġew ikkonsultati permezz tal-Organizzazzjoni Dinjija tal-Kummerċ fir-rigward tal-MRLs il-ġodda u l-kummenti tagħhom tqiesu. |
(12) |
Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u la l-Parlament Ewropew u lanqas il-Kunsill ma opponewhom, |
ADOTTAT DAN IR-REGOLAMENT:
Artikolu 1
L-Annessi II, III u V tar-Regolament (KE) Nru 396/2005 huma emendati skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Madankollu, għandu japplika mit-2 ta’ Marzu 2014.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Awwissu 2013.
Għall-Kummissjoni
Il-President
José Manuel BARROSO
(2) ĠU L 314, 1.12.2009, p. 79.
(3) ĠU L 171, 30.6.2012, p. 2.
(4) L-Awtorità Ewropea dwar is-Sigurtà fl-Ikel: Analiżi tal-limiti massimi tar-residwu (MRLs) eżistenti għad-difenilammina skont l-Artikolu 12 tar-Regolament (KE) Nru 396/2005. EFSA Journal 2011; 9(8):2336 [20 pp.]. doi:10.2903/j.efsa.2011.2336.
ANNESS
L-Annessi II, III u IV tar-Regolament (KE) Nru 396/2005 huma emendati kif ġej:
(1) |
Fl-Anness II, titħassar il-kolonna tad-difenilammina. |
(2) |
Fil-Parti B tal-Anness III, titħassar il-kolonna tad-difenilammina. |
(3) |
Fil-Parti A tal-Anness III, tiddaħħal il-kolonna li ġejja: “Residwi ta' pestiċidi u livelli massimi ta' residwi (mg/kg)
|
(4) |
Fl-Anness V, tiżdied il-kolonna li ġejja: “Residwi ta' pestiċidi u livelli massimi ta' residwi (mg/kg)
|
(1) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(*) |
Jindika limitu iktar baxx ta' determinazzjoni analitika |
Diphenylamine
(+) |
Il-Limitu Massimu ta' Residwi (MRL) temporanju għandu jiġi rivedut mill-2 ta’ Settembru 2015
|
(*) Kombinazzjoni ta' kodiċi-pestiċida li għalihom japplika l-MRL stabbilit fl-Annex V.
Diphenylamine
(+) |
Il-Limitu Massimu ta' Residwi (MRL) temporanju għandu jiġi rivedut mill-2 ta’ Settembru 2015
|
(2) Għal-lista sħiħa ta' prodotti ta' oriġini mill-pjanti u l-annimali li l-MRLs japplikaw għalihom, għandha ssir referenza għall-Anness I.
(**) Jindika limitu iktar baxx ta' determinazzjoni analitika
(***) Kombinazzjoni ta' kodiċi-pestiċida li għalihom japplika l-MRL stabbilit fl-Annex III, il-Parti A.
Diphenylamine
(+) |
Il-Limitu Massimu ta' Residwi (MRL) temporanju għandu jiġi rivedut mill-2 ta’ Settembru 2015
|