This document is an excerpt from the EUR-Lex website
Document 32013R0763
Commission Implementing Regulation (EU) No 763/2013 of 7 August 2013 amending Regulation (EC) No 637/2009 as regards the classification of certain plant species for the purposes of assessing the suitability of the denominations of varieties Text with EEA relevance
Regolament ta’ Implimentazzjoni tal-Kummissjoni (UE) Nru 763/2013 tas- 7 ta’ Awwissu 2013 li jemenda r-Regolament (KE) Nru 637/2009 dwar il-klassifikazzjoni ta’ ċerti speċi ta’ pjanti għall-finijiet tal-valutazzjoni tal-adattabilità tad-denominazzjonijiet tal-varjetajiet Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 763/2013 tas- 7 ta’ Awwissu 2013 li jemenda r-Regolament (KE) Nru 637/2009 dwar il-klassifikazzjoni ta’ ċerti speċi ta’ pjanti għall-finijiet tal-valutazzjoni tal-adattabilità tad-denominazzjonijiet tal-varjetajiet Test b’relevanza għaż-ŻEE
ĠU L 213, 8.8.2013, pp. 16–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2021; Impliċitament imħassar minn 32021R0384
|
8.8.2013 |
MT |
Il-Ġurnal Uffiċjali tal-Unjoni Ewropea |
L 213/16 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 763/2013
tas-7 ta’ Awwissu 2013
li jemenda r-Regolament (KE) Nru 637/2009 dwar il-klassifikazzjoni ta’ ċerti speċi ta’ pjanti għall-finijiet tal-valutazzjoni tal-adattabilità tad-denominazzjonijiet tal-varjetajiet
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/53/KE tat-13 ta' Ġunju 2002 dwar il-varjetajiet komuni ta' katalgi ta' speċi ta' pjanti agrikoli (1), u partikolarment l-Artikolu 9(6) tagħha,
Wara li kkunsidrat id-Direttiva tal-Kunsill 2002/55/KE tat-13 ta' Ġunju 2002 dwar il-marketing ta’ żrieragħ tal-ħxejjex (2), u partikolarment l-Artikolu 9(6) tagħha,
Billi:
|
(1) |
Fir-rigward ta’ ċerti speċi, il-kategoriji stipulati fl-Anness I tar-Regolament tal-Kummissjoni (KE) Nru 637/2009 tat-22 ta' Lulju 2009 li jwaqqaf regoli ta’ implimentazzjoni dwar l-adattabilità tad-denominazzjonijiet ta’ varjetajiet ta’ speċi ta’ pjanti agrikoli u speċi ta’ ħxejjex (3) għandhom jiġu adattati sabiex jitqiesu l-bidliet fil-klassifikazzjoni botanika internazzjonali. L-Uffiċċju Komunitarju tal-Varjetajiet tal-Pjanti diġà inkluda, f’Novembru 2012, dawk il-bidliet fil-"Linji gwida dwar l-Artikolu 63 tar-Regolament tal-Kunsill (KE) Nru 2100/94 tas-27 ta’ Lulju 1994 dwar drittijiet ta’ varjetajiet ta’ pjanti fil-Komunità, flimkien ma’ noti ta’ spjega dwarhom". |
|
(2) |
Għalhekk, ir-Regolament (KE) Nru 637/2009 għandu jiġi emendat skont dan. |
|
(3) |
Il-miżuri previsti f’dan ir-Regolament huma skont l-opinjoni tal-Kumitat Permanenti għaż-Żrieragħ u għall-Materjal ta’ Propagazzjoni għall-Agrikultura, l-Ortikultura u l-Forestrija, |
ADOTTAT DAN IR-REGOLAMENT:
Artikolu 1
L-Anness I tar-Regolament (KE) Nru 637/2009 għandu jiġi emendat skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Awwissu 2013.
Għall-Kummissjoni
Il-President
José Manuel BARROSO
(1) ĠU L 193, 20.7.2002, p. 1.
ANNESS
L-Anness I tar-Regolament (KE) Nru 637/2009 għandu jiġi emendat kif ġej:
|
(1) |
Fit-Tabella 1, Kategoriji fi ħdan ġenus, ir-ringieli li jikkonċernaw il-kategoriji 4.1 u 4.2 għandhom jinbidlu b’dan li ġej:
|
|
(2) |
Fit-Tabella 2, Kategoriji li fihom aktar minn ġenus wieħed, ir-ringieli li jikkonċernaw il-kategoriji 201 u 203 għandhom jinbidlu b’dan li ġej:
|