32013R0737

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
Regolament implimentattiv - 737/2013 - EN - EUR-Lex

Document 32013R0737

Help

Regolament ta’ Implimentazzjoni tal-Kummissjoni (UE) Nru 737/2013 tat- 30 ta’ Lulju 2013 li jemenda r-Regolament (KE) Nru 501/2008 dwar termini u kundizzjonijiet ta’ applikazzjoni tar-Regolament tal-Kunsill (KE) Nru 3/2008 rigward azzjonijiet ta’ informazzjoni u promozzjoni għall-prodotti agrikoli fis-suq intern u fil-pajjiżi terzi

ĠU L 204, 31.7.2013, p. 26–31 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU L 204, 31.7.2013, p. 18–23 (HR)

Legal status of the document No longer in force, Date of end of validity: 19/10/2015; Impliċitament imħassar minn 32015R1829

ELI: http://data.europa.eu/eli/reg_impl/2013/737/oj

HTML

PDF

Official Journal

31.7.2013

Il-Ġurnal Uffiċjali tal-Unjoni Ewropea

L 204/26

REGOLAMENT TA’ IMPLIMENTAZZJONI TAL-KUMMISSJONI (UE) Nru 737/2013

tat-30 ta’ Lulju 2013

li jemenda r-Regolament (KE) Nru 501/2008 dwar termini u kundizzjonijiet ta’ applikazzjoni tar-Regolament tal-Kunsill (KE) Nru 3/2008 rigward azzjonijiet ta’ informazzjoni u promozzjoni għall-prodotti agrikoli fis-suq intern u fil-pajjiżi terzi

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 3/2008 tas-17 ta’ Diċembru 2007 dwar azzjonijiet ta’ informazzjoni u promozzjoni għall-prodotti agrikoli fis-suq intern u fil-pajjiżi terzi (1), b’mod partikolari l-Artikoli 4, 5 u 15 tiegħu,

Billi:

(1)	Ir-Regolament tal-Kummissjoni (KE) Nru 501/2008 (2) jistabbilixxi r-regoli għat-tfassil, l-għażla, l-implimentazzjoni, il-finanzjament u l-kontrolli tal-forniment tal-informazzjoni u l-miżuri ta’ promozzjoni stipulati fir-Regolament (KE) Nru 3/2008.

(2)

Il-lista tat-temi u l-prodotti li għalihom jistgħu jiġu implimentati l-miżuri fis-suq intern, skont l-Artikolu 3(1) tar-Regolament (KE) Nru 3/2008 hija stabbilita fil-Parti A tal-Anness I tar-Regolament (KE) Nru 501/2008 u l-lista tal-prodotti li jistgħu jkunu koperti minn miżuri promozzjonali fil-pajjiżi terzi, skont l-Artikolu 3(2) tar-Regolament (KE) Nru 3/2008 hija stabbilita fil-Parti A tal-Anness II tar-Regolament (KE) Nru 501/2008. Dawn il-listi għandhom jiġu rriveduti kull sentejn.

(3)	Il-linji gwida msemmijin fl-Artikolu 5(1) tar-Regolament (KE) Nru 3/2008 huma stabbiliti fil-Parti B tal-Anness I tar-Regolament (KE) Nru 501/2008.

(4)

Fil-kuntest tal-kriżi fis-settur tal-laħam tan-ngħaġ, u biex ikun hemm sensibilizzazzjoni dwar il-laħam tan-ngħaġ u l-produzzjoni u l-konsum tiegħu, l-organizzazzjonijiet tal-kummerċ u interkummerċjali tas-settur għandhom jingħataw l-opportunità li jirċievu l-kofinanzjament mill-Unjoni għal programmi ta’ informazzjoni u promozzjoni tal-laħam tan-ngħaġ ġenerali li joriġina fl-Unjoni.

(5)

It-termini fakultattivi tal-kwalità introdotti bir-Regolament (UE) Nru 1151/2012 tal-Parlament Ewropew u tal-Kunsill tal-21 ta’ Novembru 2012 dwar skemi tal-kwalità għal prodotti agrikoli u oġġetti tal-ikel (3), jikkostitwixxu t-tieni saff ta’ sistemi tal-kwalità li jżidu l-valur. Dawn jistgħu jixxandru fis-suq intern u jirreferu għal karatteristiċi orizzontali speċifiċi, fir-rigward ta’ kategorija waħda, jew aktar, ta’ prodotti, metodi tal-biedja jew karatteristiċi tal-ipproċessar li japplikaw f’oqsma speċifiċi. Biex ikun hemm disponibbiltà sħiħa tal-programmi promozzjonali fis-suq intern għall-iskemi kollha kurrenti tal-kwalità, il-prodotti koperti mill-iskema għal termini tal-kwalità fakultattivi għandhom jiġu inklużi bħala prodotti eliġibbli, flimkien ma’ prodotti li huma koperti mill-iskemi tad-denominazzjoni protetta tal-oriġini (DPO), tal-indikazzjonijiet ġeografiċi protetti (IĠP), jew tal-ispeċjalità tradizzjonali garantita (STG).

(6)	Ir-raġunijiet biex il-laħam tat-tjur jingħata l-eliġibbiltà ma għadhomx validi, billi għadda biżżejjed żmien mill-kriżi tal-influwenza tat-tjur biex reġgħet issaħħet il-fiduċja tal-konsumaturi. Għaldaqstant, għandhom jitħassru r-referenzi għal-laħam tat-tjur.

(7)

Meta ssir l-għażla tal-pajjiżi terzi li għandhom jiġu inklużi fil-Parti B tal-Anness II tar-Regolament (KE) Nru 501/2008, għandhom jitqiesu s-swieq tal-pajjiżi terzi fejn hemm domanda attwali jew potenzjali. Bis-saħħa tal-konsum li qed jiżdied b’mod regolari, il-potenzjal għall-prodotti agrikoli tal-Unjoni u l-interess fihom, kif ukoll bis-saħħa tal-programmi ta’ komunikazzjoni u kooperazzjoni tal-Unjoni, għandhom jitqiesu bħala swieq eliġibbli għall-programmi promozzjonali, pajjiżi u żoni ġodda.

(8)	Fil-kuntest tal-adeżjoni mal-Unjoni tal-Kroazja fl-1 ta’ Lulju 2013, dan il-pajjiż għandu jitneħħa mil-lista ta’ pajjiżi terzi eliġibbli.

(9)	Għalhekk, ir-Regolament (KE) Nru 501/2008 għandu jiġi emendat skont dan.

(10)	Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

L-Annessi I, II u III tar-Regolament (KE) Nru 501/2008 huma emendati skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-30 ta’ Lulju 2013.

Għall-Kummissjoni

Il-President

José Manuel BARROSO

(1) ĠU L 3, 5.1.2008, p. 1.

(2) ĠU L 147, 6.6.2008, p. 3.

(3) ĠU L 343, 14.12.2012, p. 1.

ANNESS

L-Annessi I, II u III tar-Regolament (KE) Nru 501/2008 huma emendati kif ġej:

(1)

L-Anness I huwa emendat kif ġej:

(a)

Il-Parti A. “Lista tat-Temi u l-Prodotti” hija emendata kif ġej:

(i)

it-13-il inċiż jiġi mibdul b’dan li ġej:

“—	Il-prodotti koperti mill-iskemi għad-denominazzjoni protetta tal-oriġini (DPO), għall-indikazzjonijiet ġeografiċi protetti (IĠP), jew għall-ispeċjalità tradizzjonali garantita (STG) jew termini tal-kwalità fakultattivi, skont ir-Regolament (UE) Nru 1151/2012 tal-Parlament Ewropew u tal-Kunsill (*)

(*) ĠU L 343, 14.12.2012, p. 1.”"

(ii)	Il-15-il inċiż jitħassar

(iii)

jiżdied l-inċiż li ġej:

“—	Laħam tan-ngħaġ”

(b)

Il-Parti B. “Linji Gwida” hija emendata kif ġej:

(i)	fil-linji gwida dwar “LAĦMIJIET FRISKI, KESĦIN JEW IFFRIŻATI, PRODOTTI SKONT SKEMA TA’ KWALITÀ KOMUNITARJA JEW NAZZJONALI”, fil-punt 2. “Għanijiet”, il-kliem “DPO/IĠP/STG u biedja organika” jinbidlu bil-kliem ““DPO/IĠP/STG, termini tal-kwalità fakultattivi u l-biedja organika”

(ii)

il-linji gwida dwar “PRODOTTI MĦARSA B’DENOMINAZZJONI PROTETTA TAL-ORIĠINI (DPO), INDIKAZZJONI ĠEOGRAFIKA PROTETTA (IĠP), JEW SPEĊJALITÀ TRADIZZJONALI GARANTITA (STG)” jinbidlu b’dan li ġej:

“IL-PRODOTTI KOPERTI MILL-ISKEMI GĦAD-DENOMINAZZJONI PROTETTA TAL-ORIĠINI (DPO), GĦALL-INDIKAZZJONIJIET ĠEOGRAFIĊI PROTETTI (IĠP), JEW GĦALL-ISPEĊJALITÀ TRADIZZJONALI GARANTITA (STG) JEW TERMINI TAL-KWALITÀ FAKULTATTIVI, SKONT IR-REGOLAMENT (UE) Nru 1151/2012

1. Analiżi ġenerali tas-sitwazzjoni

Is-sistema Komunitarja għall-ħarsien tad-denominazzjoni tal-prodotti stipulata fir-Regolament (KE) Nru 1151/2012 hija prijorità fl-implimentazzjoni tal-parti dwar il-kwalità tal-politika agrikola komuni. Għalhekk jinħtieġ li jitkomplew l-isforzi li kienu saru qabel biex isiru kampanji biex jingħata tagħrif lill-parteċipanti potenzjali kollha fil-katina tal-produzzjoni, it-tħejjija, il-kummerċ u l-konsum tal-prodotti koperti mid-denominazzjonijiet protetti u t-termini tal-kwalità fakultattivi.

2. Għanijiet

Il-kampanji ta’ informazzjoni u ta’ promozzjoni ma għandhomx jillimitaw ruħhom għal isem wieħed jew għal għadd żgħir ta’ ismijiet ta’ prodotti iżda għandhom jiffokaw fuq gruppi ta’ ismijiet jew ta’ ċerti kategoriji ta’ prodotti, jew ta’ prodotti ta’ reġjun wieħed jew ta’ ħafna reġjuni, jew ta’ Stat Membru wieħed jew ta’ ħafna Stati Membri.

Dawn il-kampanji għandu jkollhom bħala għan:

—

li jagħtu informazzjoni sħiħa dwar il-kontenut, dwar il-ħidma u dwar il-karattru tal-Unjoni ta’ dawn l-iskemi u, b’mod partikolari, dwar l-effetti tagħhom fuq il-valur kummerċjali tal-prodotti li d-denominazzjoni tagħhom tkun protetta, li jgawdu mill-protezzjoni li jagħtu dawn l-iskemi wara li jiġu rreġistrati,

—	li jtejbu l-għarfien tas-simboli tal-Unjoni għall-prodotti koperti mill-iskemi għall-DPO/IĠP/STG jew għat-termini tal-kwalità fakultattivi fost il-konsumaturi, id-distributuri u l-professjonisti fil-qasam tal-ikel,

—	li jħeġġu gruppi ta’ produtturi/proċessaturi li għadhom mhux qed jieħdu sehem f’dawn l-iskemi biex jirreġistraw id-denominazzjoni tal-prodotti li jissodisfaw il-kundizzjonijiet bażiċi u biex japplikaw it-termini tal-kwalità fakultattivi,

—

li jħeġġu l-gruppi ta’ produtturi u proċessaturi fir-reġjunijiet ikkonċernati li għadhom mhux qed jieħdu sehem fl-iskemi biex jaħdmu fuq prodotti ta’ denominazzjonijiet reġistrati billi jikkonformaw mal-ispeċifikazzjonijiet approvati, u mar-rekwiżiti tal-ispezzjoni stabbiliti għad-denominazzjonijiet protetti diversi,

—

li jagħtu spinta lit-talba għall-prodotti kkonċernati filwaqt li jgħarrfu lill-konsumaturi u lid-distributuri dwar l-eżistenza, is-sinifikat u l-benefiċċji tal-iskemi u jagħtuhom spjegazzjonijiet dwar il-logos, dwar il-kundizzjonijiet għall-għoti tad-desinjazzjonijiet, dwar il-kontrolli, kif ukoll dwar is-sistema ta’ traċċabilità.

3. Gruppi fil-mira

—	Produtturi u proċessuri

—	Distributuri s-supermarkets, il-grossisti, dawk li jbiegħu bl-imnut, il-kejterers, il-kantins u r-restoranti),

—	Konsumaturi u l-assoċjazzjonijiet tagħhom,

—	Min iwassal opinjoni.

4. Messaġġi prinċipali

—

Il-prodotti li d-denominazzjoni tagħhom hija protetta għandhom karatteristiċi speċifiċi skont l-oriġini ġeografika tagħhom; fil-każ ta’ prodotti li għandhom id-DPO, il-kwalità jew il-karatteristiċi tal-prodotti jridu jkunu essenzjalment jew esklussivament marbuta mal-ambjent ġeografiku partikolari bil-karatteristiċi naturali u umani inerenti ma’ dan. Il-prodotti bl-IPĠ, għandhom kwalità jew fama speċifika li hija marbuta mal-oriġini ġeografika tagħhom; irid ikun hemm rabta ġeografika f’minn tal-inqas waħda mill-fażijiet tal-produzzjoni, tal-ipproċessar jew tat-tħejjija

—	Il-prodotti li jgawdu minn STG għandhom karatteristiċi marbuta mal-metodi ta’ produzzjoni tradizzjonali partikolari jew mal-użu ta’ materja prima tradizzjonali

—

Il-logos tal-Unjoni użati għad-DPO, għall-IĠP, u għall-STG huma simboli li jinftiehmu madwar l-Unjoni kollha bħala denominazzjonijiet ta’ prodotti li jkunu konformi ma’ ċerti kundizzjonijiet produttivi speċifiċi marbuta mal-oriġini ġeografika tagħhom jew mat-tradizzjoni u li jkunu soġġetti għall-ispezzjonijiet

—	It-termini tal-kwalità fakultattivi huma marbutin ma’ karatteristika ta’ kategorija waħda jew aktar ta’ prodotti, jew għal attribut tal-biedja jew tal-ipproċessar li jkun japplika f’żoni speċifiċi

—	L-użu tat-termini tal-kwalità fakultattivi jżid il-valur tal-prodott meta mqabbel ma’ prodotti ta’ tip simili

—	It-termini tal-kwalità fakultattivi għandhom dimensjoni tal-Unjoni

—	Il-preżentazzjoni ta’ xi prodotti li qegħdin fl-iskemi tad-DPO, l-IĠP, u l-STG jew tat-termini tal-kwalità fakultattivi bħala eżempji tal-possibbiltà ta’ reklamar kummerċjali b’suċċess ta’ prodotti reġistrati fl-iskemi ta’ protezzjoni

—	Dawn l-iskemi ta’ protezzjoni jgħinu l-wirt kulturali tal-Unjoni, id-diversità tal-produzzjoni agrikola, kif ukoll iż-żamma tal-kampanja f’qagħda tajba

5. Strumenti prinċipali

—	L-Internet u mezzi elettroniċi oħra

—	Relazzjonijiet pubbliċi mal-mezzi tax-xandir (stampa speċjalizzata, tan-nisa u tat-tisjir)

—	Kuntatti mal-assoċjazzjonijiet tal-konsumaturi

—	Tagħrif u wirjiet fil-ħwienet

—	Mezzi ta’ komunikazzjoni awdjoviżivi (riklami televiżivi mmirati, eċċ.)

—	Dokumenti stampati (fuljetti, pamflets, eċċ)

—	Parteċipazzjoni fil-fieri u fil-wirjiet

—	Seminars ta’ tagħrif u ta’ taħriġ u azzjonijiet dwar il-funzjonament tal-iskemi tal-Unjoni għad-DPO, l-IĠP, l-STĠ jew termini tal-kwalità fakultattivi

6. Tul ta’ żmien u firxa tal-programmi

Minn 12 sa 36 xahar, preferibbilment bi prijorità għall-programmi pluriennali filwaqt li jiġu stabbiliti għanijiet u strateġiji għal kull fażi.”

(iii)

il-linji gwida dwar il-“LAĦAM TAT-TJUR” huma mħassra

(iv)

jiġu miżjuda l-linji gwida l-ġodda li ġejjin dwar il-“LAĦAM TAN-NGĦAĠ”:

“LAĦAM TAN-NGĦAĠ

1. Analiżi globali tas-sitwazzjoni

Is-settur tal-laħam tan-ngħaġ huwa fraġli ħafna u għaddej minn kriżi: il-konsum, il-produzzjoni u l-prezzijiet tal-laħam tan-ngħaġ qegħdin jonqsu, filwaqt li l-ispejjeż (l-introduzzjoni tal-identifikazzjoni elettronika, il-prezzijiet tal-għalf, il-produzzjoni tradizzjonali bħat-transumanza) qegħdin jiżdiedu. Barra minn hekk, qed jiżdied il-forniment tal-laħam tan-ngħaġ minn pajjiżi terzi. Minħabba li qed tonqos il-profitabbiltà, bosta produtturi qegħdin jiġu sfurzati li jwaqqfu l-produzzjoni, u dan jista’ jkollu konsegwenzi negattivi fuq il-varjetà ta’ laħam fl-Unjoni, u aktar tluq mill-kampanja. Il-laħam tan-ngħaġ huwa parti importanti mill-wirt kulinari fl-Unjoni, u l-produzzjoni tiegħu realment għandha rwol speċjali fiż-żoni fejn il-kundizzjonijiet tal-biedja huma diffiċli fejn għandu x’jaqsam mal-manteniment tal-pajsaġġ u l-impatti soċjoekonomiċi.

2. L-għanijiet

—	Li jiżdied l-għarfien tal-gruppi fil-mira dwar il-kwalità, il-kundizzjonijiet ta’ produzzjoni sostenibbli tal-laħam tan-ngħaġ u r-rwol speċjali li dan għandu fil-wirt kulinari tal-Unjoni

—	Li jiżdied il-konsum tal-laħam tan-ngħaġ

3. Gruppi fil-mira

—	Produtturi u proċessuri

—	Distributuri (supermarkets, grossisti, bejjiegħa bl-imnut, kejterers, kantins, ristoranti)

—	Il-konsumaturi (b’mod partikolari l-konsumaturi żgħażagħ, ta’ bejn it-18 u l-40 sena) u l-assoċjazzjonijiet tal-konsumaturi

—	Dawk li jinfluwenzaw l-opinjoni pubblika, il-ġurnalisti, l-esperti tal-gastronomija

4. Messaġġi prinċipali

—	Metodi ta’ produzzjoni li jirrispettaw l-ambjent u tradizzjonali

—	It-traċċabbiltà (l-identifikazzjoni elettronika)

—	It-tikkettar tal-laħam jippermetti lill-konsumaturi jidentifikaw l-oriġini u l-karatteristiki tal-prodotti

—	Li l-konsumaturi jkunu infurmati dwar id-diversità u l-kwalitajiet organolettiċi u nutrittivi tal-laħam tan-ngħaġ

—	Pariri għall-użu, riċetti

—	Il-kampanji ta’ tagħrif u ta’ promozzjoni huma limitati għall-prodotti magħmula fl-Unjoni

5. Strumenti prinċipali

—	L-Internet u mezzi elettroniċi oħra

—	Il-promozzjoni fil-punti tal-bejgħ (provi ta’ togħma, riċetti, informazzjoni)

—	Relazzjonijiet mal-istampa u relazzjonijiet pubbliċi (avvenimenti, parteċipazzjoni f’fieri tal-konsumaturi, eċċ.)

—	Il-pubbliċità (jew editorjali li jagħmlu l-pubbliċità) fl-istampa

—	Il-mezzi ta’ komunikazzjoni awdjoviżiva (televiżjoni u radju)

—	Il-parteċipazzjoni f’fieri kummerċjali

—	Strumenti oħra

6. Tul ta’ żmien u firxa tal-programmi

Bejn 12 u 36 xahar, bi prijorità għall-programmi pluriennali li jistabbilixxu miri ċari u strateġija għal kull fażi, li jiġu organizzati minn żewġ Stati Membri jew iżjed u jiġu implimentati f’mill-inqas żewġt iswieq ġodda.”

(2)

L-Anness II huwa emendat kif ġej:

(a)

Il-Parti A. “LISTA TAL-PRODOTTI LI JISTGĦU JSIRULHOM AZZJONIJIET TA’ PROMOZZJONI” hija emendata kif ġej:

(i)

il-11-il inċiż jiġi mibdul b’dan li ġej:

“—	Il-prodotti koperti mill-iskemi għad-denominazzjoni protetta tal-oriġini (DPO), għall-indikazzjonijiet ġeografiċi protetti (IĠP), jew għall-ispeċjalità tradizzjonali garantita (STG) jew termini tal-kwalità fakultattivi, skont ir-Regolament (UE) Nru 1151/2012”

(ii)

jiżdied l-inċiż ġdid li ġej:

“—	Laħam tan-ngħaġ”

(b)

Il-Parti B. “LISTA TAS-SWIEQ TERZI FEJN JISTGĦU JITWETTQU L-AZZJONIJIET TA’ PROMOZZJONI” hija emendata kif ġej:

(i)

It-taqsima A “Pajjiż” hija emendata kif ġej:

—	l-inċiżi tal-Afrika t’Isfel u tal-Kroazja jitħassru

—

jinżiedu l-inċiżi li ġejjin:

“—	l-Albanija

—

l-Armenja

—	l-Ażerbajġan

—	il-Bjelorussja

—

Ġorġja

—	il-Kazakistan

—	il-Moldova

—	l-Uzbekistan”

(ii)

It-taqsima B “Żoni ġeografiċi” hija emendata kif ġej:

—	jitħassar l-inċiż tal-Afrika ta’ Fuq

—

jinżied l-inċiż ġdid li ġej:

“—

l-Afrika”

(3)

l-Anness III huwa emendat kif ġej:

(a)

il-punt 12 jinbidel b’dan li ġej:

“12.	Il-prodotti koperti mill-iskemi għad-denominazzjoni protetta tal-oriġini (DPO), għall-indikazzjonijiet ġeografiċi protetti (IĠP), jew għall-ispeċjalità tradizzjonali garantita (STG) jew termini tal-kwalità fakultattivi, skont ir-Regolament (UE) Nru 1151/2012: EUR 3 miljuni”

(b)	Il-punt 15 jitħassar

(c)

jinżied il-punt 16 li ġej:

“16.	Laħam tan-ngħaġ: p.m.”

Top