(1)

Ir-Regolament (KE) Nru 999/2001 jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (“TSEs”) fl-annimali. L-Anness VIII tiegħu jipprevedi l-approvazzjoni, u l-emendar li jirriżulta, tal-programmi nazzjonali għall-kontroll tal-iscrapie tal-Istati Membri jekk dawn jikkonformaw ma’ ċerti kriterji stabbiliti f’dak ir-Regolament.

(2)

Ir-Regolament tal-Kummissjoni (KE) Nru 546/2006 tal-31 ta’ Marzu 2006 li jimplimenta r-Regolament (KE) Nru 999/2001 tal-Parlament Ewropew u tal-Kunsill fir-rigward tal-programmi nazzjonali għall-kontroll tal-iscrapie u garanziji addizzjonali u li jidderoga minn ċerti kondizzjonijiet tad-Deċiżjoni 2003/100/KE u li jirrevoka r-Regolament tal-Kummissjoni (KE) Nru 1874/2003 (2) japprova l-programmi nazzjonali għall-kontroll tal-iscrapie ta’ ċerti Stati Membri. Jistabbilixxi wkoll il-garanziji addizzjonali li jistgħu jibbenefikaw minnhom dawk l-Istati Membri b’rabta mal-movimenti tal-anninmali ovini u kaprini, kif ukoll tal-isperma u l-embrijuni tagħhom.

(3)

Ir-Regolament ta’ Implimentazzjoni tal-Kummissjoni (UE) Nru 233/2012 tas-16 ta’ Marzu 2012 li jimplimenta r-Regolament (KE) Nru 999/2001 tal-Parlament Ewropew u tal-Kunsill rigward l-approvazzjoni tal-programm nazzjonali ta’ kontroll tal-iscrapie emendat għad-Danimarka (3) japprova l-programm nazzjonali emendat għall-kontroll tal-iscrapie għad-Danimarka.

(4)

Sabiex il-leġiżlazzjoni tal-Unjoni tkun ċara u sempliċi, l-Anness VIII tar-Regolament (KE) Nru 999/2001, kif emendat mir-Regolament tal-Kummissjoni (UE) Nru 630/2013 tat-28 ta’ Ġunju 2013 li jemenda l-Annessi tar-Regolament (KE) Nru 999/2001 tal-Parlament Ewropew u tal-Kunsill li jistabbilixxi r-regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (4), jistipula l-lista tal-Istati Membri bi programm nazzjonali approvat għall-kontroll tal-iscrapie klassika u l-garanziji addizzjonali korrispondenti li jibbenefikaw minnhom dawk l-Istati Membri b’rabta mal-movimenti tal-annimali ovini u kaprini, kif ukoll tal-isperma u l-embrijuni tagħhom.

(5)

L-emendi għar-Regolament (KE) Nru 999/2001 stipulati fir-Regolament (UE) Nru 630/2013 japplikaw mill-1 ta’ Lulju 2013. Għalhekk id-dispożizzjonijiet tar-Regolament (KE) Nru 546/2006 u tar-Regolament ta’ Implimentazzjoni (UE) Nru 233/2012 ma jibqgħux japplikaw minn dakinhar. Għal finijiet marbuta maċ-ċarezza u ċ-ċertezza legali, dawk ir-Regolamenti għalhekk għandhom jiġu rrevokati fl-istess data.

(6)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,