Edizzjoni speċjali bil-Kroat: Kapitolu 03 Volum 072 P. 219 - 219
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32013R0600
Commission Implementing Regulation (EU) No 600/2013 of 24 June 2013 amending Regulation (EC) No 555/2008 as regards the carrying out of isotopic analyses of wine products in Croatia during a transitional period
Regolament ta’ Implimentazzjoni tal-Kummissjoni (UE) Nru 600/2013 tal- 24 ta’ Ġunju 2013 li jemenda r-Regolament (KE) Nru 555/2008 f’dak li għandu x’jaqsam mat-twettiq ta’ analiżijiet iżotopiċi fuq il-prodotti tal-inbid fil-Kroazja għal perjodu tranżitorju
Regolament ta’ Implimentazzjoni tal-Kummissjoni (UE) Nru 600/2013 tal- 24 ta’ Ġunju 2013 li jemenda r-Regolament (KE) Nru 555/2008 f’dak li għandu x’jaqsam mat-twettiq ta’ analiżijiet iżotopiċi fuq il-prodotti tal-inbid fil-Kroazja għal perjodu tranżitorju
ĠU L 172, 25.6.2013, p. 13–13
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/06/2015
Language
HTML
PDF
Official Journal
|
25.6.2013 |
MT |
Il-Ġurnal Uffiċjali tal-Unjoni Ewropea |
L 172/13 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 600/2013
tal-24 ta’ Ġunju 2013
li jemenda r-Regolament (KE) Nru 555/2008 f’dak li għandu x’jaqsam mat-twettiq ta’ analiżijiet iżotopiċi fuq il-prodotti tal-inbid fil-Kroazja għal perjodu tranżitorju
IL-KUMMISSJONI EWROPEA,
Wara li kkunsidrat it-Trattat tal-Adeżjoni tal-Kroazja, u b’mod partikulari l-Artikolu 3(4) tiegħu (1),
Wara li kkunsidrat l-Att tal-Adeżjoni tal-Kroazja, u b’mod partikulari l-Artikolu 41(1) tiegħu (2),
Billi:
|
(1) |
Fid-dawl tal-adeżjoni tal-Kroazja mal-Unjoni Ewropea, għandhom jiġu stabbiliti regoli speċifiċi dwar l-analiżi iżotopika tal-prodotti tal-inbid li għandha titwettaq hekk kif imsemmi fl-Artikolu 87 tar-Regolament tal-Kummissjoni (KE) Nru 555/2008 (3). Analiżi iżotopika bħal din hija metodu analitiku użat għall-kontroll tas-settur tal-inbid u biex wieħed jikkumbatti l-frodi f’dan is-settur u teħtieġ għarfien xjentifiku u tagħmir tekniku speċjali ħafna. Il-Kroazja mhijiex mgħammra biex twettaq dan il-metodu ta’ analiżi. Sabiex tiġi żgurata applikazzjoni uniformi tal-proċeduri ta’ kontroll, iċ-Ċentru Konġunt tar-Riċerka għandu jwettaq l-analiżi f’isem il-Kroazja għal perjodu li jippermetti ’l dan il-pajjiż jikseb l-għarfien u t-tagħmir meħtieġa biex iwettaq dan il-kompitu. |
|
(2) |
Għalhekk, ir-Regolament (KE) Nru 555/2008 għandu jiġi emendat kif xieraq. |
|
(3) |
Il-miżuri previsti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
L-Artikolu 89 tar-Regolament (KE) Nru 555/2008 għandu jinbidel b’dan li ġej:
“Artikolu 89
Għal perjodu li jintemm fit-30 ta’ Ġunju 2015, sakemm jiġi stabbilit it-tagħmir analitiku adegwat, il-Kroazja għandha tibgħat il-kampjuni tal-inbid tagħha liċ-Ċentru Konġunt tar-Riċerka għall-analiżi.
Il-Kroazja tista’ taħtar korp kompetenti li jkun awtorizzat ikollu aċċess għat-tagħrif dwar il-kampjuni fit-territorju tagħha.”.
Artikolu 2
Id-dħul fis-seħħ
Dan ir-Regolament għandu jidħol fis-seħħ suġġett għat-Trattat tal-Adeżjoni tar-Repubblika tal-Kroazja u fid-data tad-dħul fis-seħħ tiegħu.
Għandu jiskadi fit-30 ta’ Ġunju 2015.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta’ Ġunju 2013.
Għall-Kummissjoni
Il-President
José Manuel BARROSO
(1) ĠU L 112, 24.4.2012, p. 10.
(2) ĠU L 112, 24.4.2012, p. 21.
(3) ĠU L 170, 30.6.2008, p. 1.