10.6.2013   

MT

Il-Ġurnal Uffiċjali tal-Unjoni Ewropea

L 158/72

(1)

Taħt l-Artikolu 50 tal-Att ta' Adeżjoni tal-Kroazja, fejn atti tal-istituzzjonijiet adottati qabel l-adeżjoni jirrikjedu adattament minħabba l-adeżjoni, u l-adattamenti meħtieġa ma jkunux previsti f'dak l-Att ta' Adeżjoni jew fl-Annessi tiegħu, il-Kunsill, li jaġixxi b'maġġoranza kwalifikata fuq proposta mill-Kummissjoni, għandu, għal dan il-għan, jadotta l-atti meħtieġa, jekk l-att oriġinali ma jkunx ġie adottat mill-Kummissjoni.

(2)

L-Att Finali tal-Konferenza li kienet fasslet it-Trattat tal-Adeżjoni tal-Kroazja indika li l-Partijiet Kontraenti Għolja kienu laħqu qbil politiku dwar sett ta' adattamenti għal atti adottati mill-istituzzjonijiet li kienu meħtieġa minħabba l-adeżjoni, u stieden lil-Kunsill u lill-Kummissjoni biex jadottaw dawn l-adattamenti qabel l-adeżjoni, kompluti u aġġornati fejn meħtieġ sabiex jittieħed kont tal-evoluzzjoni tal-liġi tal-Unjoni.

(3)

Fid-dawl tal-adeżjoni tal-Kroazja mal-Unjoni, l-Anness I tar-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti (1) li jiddefinixxi żoni magħmula minn Stati Membri b’kundizzjonijiet ta' agrikoltura, ta' saħħa tal-pjanti u ta' ambjent (inklużi ta' klima) li huma komparabbli, b’mod partikolari sabiex jiffaċilita l-eżami ta' applikazzjonijiet u l-għoti ta' awtorizzazzjonijiet ta' prodotti għall-protezzjoni tal-pjanti fl-Unjoni u r-rikonoxximent reċiproku ta' awtorizzazzjonijiet, jeħtieġ li jiġi emendat. Jeħtieġ li l-Kroazja tiżdied maż-żona tan-Nofsinhar minħabba li l-kundizzjonijiet ta' agrikoltura, ta' saħħa tal-pjanti u ta' ambjent fil-Kroazja huma komparabbli ma' dawk tal-Bulgarija, il-Greċja, Spanja, Franza, l-Italja, Ċipru, Malta u l-Portugall.

(4)

L-Anness I tar-Regolament (KE) Nru 1107/2009 għaldaqstant għandu jiġi emendat kif meħtieġ,