Edizzjoni speċjali bil-Kroat: Kapitolu 06 Volum 012 P. 295 - 296
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32013R0447
Commission Implementing Regulation (EU) No 447/2013 of 15 May 2013 establishing the procedure for AIFMs which choose to opt in under Directive 2011/61/EU of the European Parliament and of the Council
Regolament ta’ Implimentazzjoni tal-Kummissjoni (UE) Nru 447/2013 tal- 15 ta’ Mejju 2013 li jistabbilixxi l-proċedura għall-AIFMs li jagħżlu li jipparteċipaw skont id-Direttiva 2011/61/UE tal-Parlament Ewropew u tal-Kunsill
Regolament ta’ Implimentazzjoni tal-Kummissjoni (UE) Nru 447/2013 tal- 15 ta’ Mejju 2013 li jistabbilixxi l-proċedura għall-AIFMs li jagħżlu li jipparteċipaw skont id-Direttiva 2011/61/UE tal-Parlament Ewropew u tal-Kunsill
ĠU L 132, 16.5.2013, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
16.5.2013 |
MT |
Il-Ġurnal Uffiċjali tal-Unjoni Ewropea |
L 132/1 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 447/2013
tal-15 ta’ Mejju 2013
li jistabbilixxi l-proċedura għall-AIFMs li jagħżlu li jipparteċipaw skont id-Direttiva 2011/61/UE tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattament dwar il-Funzjonament tal-Unjoni Ewropea,
Wara li kkunsidrat id-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 (1) u (UE) Nru 1095/2010, u b’mod partikolari l-Artikolu 3(5) tagħha,
Billi:
|
(1) |
Skont l-Artikolu 3(4) tad-Direttiva 2011/61/UE, il-maniġers ta’ fondi ta’ investiment alternattivi (AIFMs) li jissodisfaw il-kundizzjonijiet stipulati fl-Artikolu 3(2) ta’ dik id-Direttiva jistgħu jagħżlu li jipparteċipaw skont din biex jibbenefikaw mid-drittijiet mogħtija. Jekk jipparteċipa, AIFM isir soġġett għall-applikazzjoni tad-Direttiva 2011/61/UE kollha kemm hi. |
|
(2) |
Id-Direttiva 2011/61/UE tipprovdi għal proċedura għall-awtorizzazzjoni tal-AIFMs. Id-dokumenti u l-informazzjoni li għandhom ikunu provduti taħt dik il-proċedura joffru d-dettalji neċessarji lill-AIFM li jagħmel it-talba u għaldaqstant għandhom jintuzaw l-istess dokumenti u proċedura fil-każ ta’ parteċipazzjoni. Ma hemm ebda raġuni speċifika partikolari għall-parteċipazzjoni li tiġġustifika l-użu ta’ proċedura differenti minn dik applikabbli għall-AIFMs li għandhom assi mmaniġġjati ogħla mil-livelli massimi previsti fl-Artikolu 3(2) tad-Direttiva 2011/61/UE. Konsegwentement, l-AIFMs li jagħżlu li jipparteċipaw skont id-Direttiva 2011/61/UE għandhom isegwu l-istess proċedura bħal dik stabbilita għall-AIFMs li huma obbligati jiksbu awtorizzazzjoni skont id-Direttiva 2011/61/UE. |
|
(3) |
L-AIFMs li għandhom id-dritt li jipparteċipaw huma AIFMs li diġà kienu jew irreġistrati skont l-Artikolu 3(3) tad-Direttiva 2011/61/UE jew li kienu awtorizzati bħala kumpaniji ta’ mmaniġġjar ta’ impriżi ta’ investiment kollettiv f’titoli trasferibbli skont id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (2). Ikun xieraq li jiġi evitat rapportar doppju u li jkunu kkunsidrati d-dokumenti u l-informazzjoni diġà ppreżentati mill-AIFMs lill-awtoritajiet kompetenti matul il-proċeduri ta’ reġistrazzjoni u awtorizzazzjoni, sakemm dawk id-dokumenti jkunu aġġornati. |
|
(4) |
L-awtoritajiet kompetenti għandhom jeżaminaw it-talba ta’ parteċipazzjoni u jagħtu l-awtorizzazzjoni f’dak ir-rigward bl-istess kundizzjonijiet u billi jsegwu l-istess proċedura bħal fil-każ ta’ AIFMs b’assi mmaniġġjati taħt il-livelli minimi rilevanti stipulati fl-Artikolu 3(2) tad-Direttiva 2011/61/UE. |
|
(5) |
Huwa importanti li jiġi ċċarat li r-relazzjoni bejn il-proċedura għal dawk l-AIFMs li jagħżlu li jipparteċipaw u r-revoka ta’ awtorizzazzjoni mogħtija lill-AIFMs skont id-Direttiva 2011/61/UE. AIFM li jkun ingħata awtorizzazzjoni skont id-Direttiva 2011/61/UE li l-assi mmaniġġjati minnu sussegwentement jaqgħu taħt il-livelli minimi stabbiliti fl-Artikolu 3(2) tad-Direttiva 2011/61/UE jibqa’ awtorizzat u soġġett għall-applikazzjoni ta’ dik id-Direttiva kollha kemm hi sakemm ma tiġix irrevokata l-awtorizzazjoni. Ir-revoka tal-awtorizzazzjoni ma għandhiex tiskatta b’mod awtomatiku minħabba waqgħa tal-assi mmaniġġjati ta’ AIFM awtorizzat taħt il-livell minimu relevanti, iżda biss fuq it-talba tal-AIFM. Konsegwentement, ma għandux ikun possibbli li AIFM jitlob biex jipparteċipa sakemm ikollu awtorizzazzjoni skont id-Direttiva 2011/61/UE, filwaqt li AIFM li l-awtorizzazzjoni tiegħu tkun ġiet irrevokata fuq talba tiegħu xorta waħda għandu jkun jista’ jerġa’ jipparteċipa skont id-Direttiva 2011/61/UE. |
|
(6) |
Id-Direttiva 2011/61/UE tobbliga lill-Istati Membri sabiex japplikaw il-liġijiet, ir-regolamenti u d-dispożizzjonijiet amministrattivi li jittrasponu dik id-Direttiva mit-22 ta’ Lulju 2013. Għaldaqstant anki l-applikazzjoni ta’ dan ir-Regolament hija differita għall-istess data. |
|
(7) |
Il-miżuri pprovduti f’dan ir-Regolament huma konformi mal-opinjoni tal-Kumitat Ewropew tat-Titoli, |
ADOTTAT DAN IR-REGOLAMENT:
Artikolu 1
Proċedura u kundizzjonijiet għall-parteċipazzjoni
1. Maniġer ta’ fondi ta’ investiment alternattivi (AIFM) li jissodisfa l-kundizzjonijiet stipulati fl-Artikolu 3(2) tad-Direttiva 2011/61/UE u li jagħżel li jipparteċipa skont dik id-Direttiva għandu jippreżenta applikazzjoni għal awtorizzazzjoni lill-awtorità kompetenti tal-Istat Membru ta’ oriġini tiegħu.
L-applikazzjoni għandha ssegwi l-istess proċedura stipulata fil-paragrafi 1 sa 5 tal-Artikolu 7 tad-Direttiva 2011/61/UE u fil-miżuri adottati fl-implimentazzjoni tagħha.
2. L-awtorità kompetenti tal-Istat Membru tad-domiċilju tista’ teżenta AIFM imsemmi fil-paragrafu 1 milli jissottometti l-informazzjoni u d-dokumenti kollha meħtieġa skont l-Artikolu 7 ta’ dik id-Direttiva, dejjem jekk l-informazzjoni jew id-dokumenti eżenti diġà jkunu ġew ippreżentati lill-awtorità kompetenti għall-finijiet ta’ reġistrazzjoni skont l-Artikolu 3(3) ta’ dik id-Direttiva jew bħala parti mill-proċedura ta’ awtorizzazzjoni skont l-Artikolu 5 tad-Direttiva 2009/65/KE u jekk dik l-informazzjoni u d-dokumenti jkunu għadhom aġġornati, xi ħaġa kkonfermata bil-miktub mill-AIFM.
3. L-awtorità kompetenti tal-Istat Membru tad-domiċilju għandha tagħti awtorizzazzjoni billi tiġi segwita l-istess proċedura kif stipulat fil-paragrafu 1 sa 5 tal-Artikolu 8 tad-Direttiva 2011/61/UE.
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika mit-22 ta’ Lulju 2013.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-15 ta’ Mejju 2013.
Għall-Kummissjoni
Il-President
José Manuel BARROSO
(2) ĠU L 302, 17.11.2009, p. 32.