Deskrizzjoni tal-oġġetti

Klassifikazzjoni

(Kodiċi NM)

Raġunijiet

(1)

(2)

(3)

Oġġett f’għamla ta’ ċilindru b’dijametru ta’ madwar 7 mm u tul ta’ madwar 130 mm, li jikkonsisti f’saff ta’ barra tal-karti li jżomm il-komponenti li ġejjin f’posthom:

Safejn għandhom x’jaqsmu l-fibri ċelluloża tal-aċetat fil-filtri differenti [C, I, A], il-fibri jkunu orjentati paralleli ma’ xulxin. Il-fibri jiffurmaw korp flessibbli u qisu sponża tal-istess ħxuna, u huma faċilment separabbli u jistgħu jitnittfu.

Fiċ-ċilindru, il-komponenti huma mqiegħda fl-ordni li ġejja:

Il-persentaġġ bil-piż ta’ materjali differenti fl-Artikolu huwa kif ġej:

L-oġġett huwa ddisinjat biex jinqata’ u jintuża fil-produzzjoni tas-sigaretti bil-filtru. Mhuwiex evidenti mill-karatteristiċi oġġettivi tal-oġġett kif se jinqata’.

(Ara r-ritratti Nri 664 A u B) (*1)

5601 22 10

Il-klassifikazzjoni hija ddeterminata mir-Regoli Ġenerali 1, 4 u 6 għall-interpretazzjoni tan-Nomenklatura Magħquda (GIR), u l-kliem tal-kodiċijiet tan-NM 5601 , 5601 22  u 5601 22 10 .

L-oġġett fih aktar filtraġġ mill-kompeneti tat-tabakk. It-tabakk jista’ jibqa’ mpoġġi bejn żewġ filtri u għalhekk jista’ ma jinħaraqx imma jiġi użat biss bħala komponent li joħloq it-togħma fis-sigarett. It-tabakk jikkostitwixxi biss madwar terz tal-volum tal-oġġett. Konsegwentement, il-filtri differenti jagħtu lill-oġġett il-karattru essenzjali tiegħu fi ħdan it-tifsira tal-GIR 3 (b).

Il-fibri tċelluloża al-aċetat pur [A] flimkien ma’ dawk mimlijin [I] jikkostitwixxu persentaġġ akbar skont il-piż u skont il-volum minn fibri ċelluloża tal-aċetat b’karbonju attivat [C]. Konsegwentement, il-filtri magħmula minn fibri ċelluloża puri u mimlijin bl-aċetat [A, I] jagħtu lill-oġġett il-karattru essenzjali tiegħu fit-tifsira tal-GIR 3 (b).

Il-filtri magħmula minn fibri ċelluloża puri u mimlijin bl-aċetat [A, I] m’għandhomx il-koeżjoni u s-saħħa meħtieġa. Konsegwentement, il-klassifikazzjoni taħt l-intestaturi 5602 bħala “felt” jew 5603 bħala “materjali mhux minsuġin” hija eskluża.

Il-filtri magħmula minn fibri ċelluloża puri u mimlijin bl-aċetat [A, I] mhumiex magħmula minn “drapp” tessili skont it-tifsira tan-Nota 1 tal-Kapitolu 63. Konsegwentement, il-klassifikazzjoni taħt l-intestatura 6307 hija eskluża.

Fi ħdan il-filtri magħmula minn fibri ċelluloża puri u mimlijin bl-aċetat [A, I], il-fibri jkunu orjentati paralleli ma’ xulxin. Konsegwentment, huma esklużi minn klassifikazzjoni taħt l-intestatura 5601 bħala “oġġetti ta’ tajjar”.

Peress li l-filtri magħmula minn fibri ċelluloża puri u mimlijin bl-aċetat [A, I] ma jistgħux jiġu kklassifikati taħt l-ebda intestatura f’konformità mal-GIR 1 sa 3, huma għandhom ikunu kklassifikati bl-applikazzjoni tal-GIR 4 fl-intestatura xierqa għall-oġġetti li huma l-iżjed jixbhu.

Peress li huma faċilment separabbli u jistgħu jitnittfu, u jiffurmaw korp flessibbli u qisu sponża tal-istess ħxuna, id-dehra tagħhom minn barra hi dik ta’ tajjar. Konsegwentement, il-filtri [A, I] għandhom ikunu kklassifikati taħt l-intestatura 5601 (ara wkoll l-Opinjoni tal-Klassifikazzjoni SA li tikklassifika l-“vireg biex isiru t-truf tal-filtri tas-sigaretti” taħt is-subintestatura 5601 22 ).

Il-mili tal-fibri ċelluloża tal-aċetat [I] ma jeskludix il-klassifikazzjoni taħt l-intestatura 5601 għaliex is-sustanza tal-agglutinazzjoni ma tippenetrax fis-saffi ta’ ġewwa tal-fibri (ara n-noti ta’ spjegazzjoni tas-SA għall-intestatura 5601 , (A), ir-raba’ paragrafu).

Għaldaqstant, l-oġġett għandu jiġi kklassifikat taħt il-kodiċi NM 5601 22 10 bħala “oġġetti ta’ tajjar ta’ fibri magħmulin mill-bniedem”.