Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013R0161

    Regolament ta’ Implimentazzjoni tal-Kummissjoni (UE) Nru 161/2013 tal- 21 ta’ Frar 2013 dwar l-awtorizzazzjoni ta’ preparazzjoni tal-idrossidu tas-sodju bħala addittiv fl-għalf għall-qtates, il-klieb u l-ħut ornamentali Test b’relevanza għaż-ŻEE

    ĠU L 49, 22.2.2013, p. 52–54 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 14/05/2024; Imħassar b' 32024R1193

    ELI: http://data.europa.eu/eli/reg_impl/2013/161/oj

    22.2.2013   

    MT

    Il-Ġurnal Uffiċjali tal-Unjoni Ewropea

    L 49/52

    REGOLAMENT TA’ IMPLIMENTAZZJONI TAL-KUMMISSJONI (UE) Nru 161/2013

    tal-21 ta’ Frar 2013

    dwar l-awtorizzazzjoni ta’ preparazzjoni tal-idrossidu tas-sodju bħala addittiv fl-għalf għall-qtates, il-klieb u l-ħut ornamentali

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-additivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri biex tingħata awtorizzazzjoni bħal din. L-Artikolu 10 ta’ dan ir-Regolament jipprevedi l-evalwazzjoni mill-ġdid tal-addittivi awtorizzati skont id-Direttiva tal-Kunsill 70/524/KEE (2).

    (2)

    Preparazzjoni tal-idrossidu tas-sodju, bin-numru tal-CAS 1310-73-2, ġiet awtorizzata mingħajr limitu taż-żmien f’konformità mad-Direttiva 70/524/KEE bħala addittiv fl-għalf biex jintuża għall-qtates u l-klieb, permezz tad-Direttiva tal-Kummissjoni 86/525/KEE (3). Din il-preparazzjoni wara ddaħħlet fir-Reġistru Komunitarju tal-addittivi fl-għalf bħala prodott eżistenti, skont l-Artikolu 10(1) tar-Regolament (KE) Nru 1831/2003.

    (3)

    F’konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 tiegħu, tressqet applikazzjoni għall-evalwazzjoni mill-ġdid tal-idrossidu tas-sodju, bin-numru tal-CAS 1310-73-2, bħala addittiv fl-għalf għall-qtates u l-klieb u, skont l-Artikolu 7 ta’ dan ir-Regolament, għal użu ġdid għall-ħut ornamentali, bit-talba li l-addittiv jiddaħħal fil-kategorija tal-addittivi “addittivi teknoloġiċi”. Din l-applikazzjoni kienet akkumpanjata mid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

    (4)

    L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tal-11 ta’ Settembru 2012 (4) li, meta tqis il-fatt li dan l-addittiv diġà ġie awtorizzat għall-użu fl-ikel bl-istess funzjoni u bil-kundizzjonijiet tal-użu proposti, l-idrossidu tas-sodju ma għandux effett negattiv fuq is-saħħa tal-annimali, u li l-funzjoni tiegħu fl-għalf hija essenzjalment l-istess bħal dik fl-ikel jiġifieri regolatur tal-aċidità u għalhekk ma hemmx bżonn li tintwera aktar l-effikaċja. Din ikkonkludiet li ma għandu jinqala’ l-ebda tħassib dwar is-sikurezza diment li jittieħdu l-miżuri xierqa ta’ protezzjoni. Din ivverifikat ukoll ir-rapport dwar il-metodu tal-analiżi tal-addittiv fl-għalf imressaq mil-Laboratorju ta’ Referenza stabbilit bir-Regolament (KE) Nru 1831/2003.

    (5)

    Il-valutazzjoni tal-idrossidu tas-sodju turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, intlaħqu. Għaldaqstant, l-użu ta’ din il-preparazzjoni għandu jiġi awtorizzat kif inhu speċifikat fl-Anness ta’ dan ir-Regolament.

    (6)

    Peress li r-raġunijiet ta’ sikurezza ma jeħtiġux l-applikazzjoni minnufih tal-modifiki fil-kundizzjonijiet tal-awtorizzazzjoni, huwa xieraq li jiġi stabbilit perjodu tranżizzjonali għar-rimi tal-ħażniet eżistenti tal-addittiv, tal-pretaħlitiet u tal-għalf kompost li jkun fihom l-idrossidu tas-sodju, kif awtorizzat bid-Direttiva 86/525/KEE.

    (7)

    Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Il-preparazzjoni speċifikata fl-Anness, li taqa’ taħt il-kategorija tal-addittivi “addittivi teknoloġiċi” u li hija parti mill-grupp funzjonali “regolaturi tal-aċidità”, hija awtorizzata bħala addittiv fin-nutrizzjoni tal-annimali bil-kundizzjonijiet stabbiliti f’dan l-Anness.

    Artikolu 2

    L-addittiv speċifikat fl-Anness u l-pretaħlitiet li fihom dan l-addittiv u li jkunu prodotti u ttikkettjati qabel l-14 ta' Marzu 2014 skont ir-regoli applikabbli qabel l-14 ta' Marzu 2013 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti.

    L-għalf kompost li fih l-addittiv speċifikat fl-Anness u li jkun prodott u ttikkettjat qabel l-14 ta' Marzu 2015 skont ir-regoli applikabbli qabel l-14 ta' Marzu 2013 jista’ jibqa’ jitqiegħed fis-suq u jintuża sakemm jispiċċaw il-ħażniet eżistenti.

    Artikolu 3

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-21 ta’ Frar 2013.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  ĠU L 270, 14.12.1970, p. 1.

    (3)  ĠU L 310, 5.11.1986, p. 19.

    (4)  EFSA Journal 2012; 10(10):2882.

    ANNESS

    Numru tal-identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku

    Speċi jew kategorija tal-annimal

    Età massima

    Kontenut minimu

    Kontenut massimu

    Dispożizzjonijiet oħra

    Tmiem il-perjodu tal-awtorizzazzjoni

    mg/kg tal-għalf komplet b’kontenut ta’ ndewwa ta’ 12 %

    Kategorija ta’ addittivi teknoloġiċi. Grupp funzjonali: regolaturi tal-aċidità

    1j524

    —

    Idrossidu tas-sodju

     

    Kompożizzjoni tal-addittiv

    Idrossidu tas-sodju 50 % w/w

    (soluzzjoni tal-ilma)

     

    Karatterizzazzjoni tas-sustanza attiva

    Idrossidu tas-sodju ≥ 98,0 % alkali totali (ikkalkolat bħala NaOH)

    NaOH Nru tal-CAS: 1310-73-2

    Prodott b’sinteżi kimika

     

    Metodu tal-Analiżi  (1)

    Determinazzjoni tal-idrossidu tas-sodju fl-addittiv tal-għalf: Titrimetry — FAO JECFA Combined Compendium for Food Additive Specifications, Monograph Nru 1 (2006) “sodium hydroxide”.

    Qtates, klieb u ħut ornamentali

    —

    —

    —

    1.

    Għas-sikurezza: waqt l-immaniġġar għandhom jintużaw protezzjoni għan-nifs, protezzjoni għall-għajnejn, ingwanti, u lbies protettiv.

    2.

    Għall-użu: il-konċentrazzjoni tas-sodju totali li tirriżulta fl-għalf ma għandhiex tikkomprometti l-bilanċ globali tal-elettroliti.

    l-14 ta' Marzu 2023

    (1)  Id-dettalji tal-metodi tal-analiżi jistgħu jinstabu fuq: http://irmm.jrc.ec.europa.eu/EURLs/EURL_feed_additives/Pages/index.aspx u http://www.fao.org/ag/jecfa-additives/details.html?id=400

    Top