Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32013L0028

Direttiva tal-Kummissjoni 2013/28/UE tas- 17 ta’ Mejju 2013 li temenda l-Anness II tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw Test b’relevanza għaż-ŻEE

ĠU L 135, 22.5.2013, p. 14–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/dir/2013/28/oj

22.5.2013   

MT

Il-Ġurnal Uffiċjali tal-Unjoni Ewropea

L 135/14

DIRETTIVA TAL-KUMMISSJONI 2013/28/UE

tas-17 ta’ Mejju 2013

li temenda l-Anness II tad-Direttiva 2000/53/KE tal-Parlament Ewropew u tal-Kunsill dwar vetturi li m’għadhomx jintużaw

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva 2000/53/KE tal-Parlament Ewropew u tal-Kunsill tat-18 ta’ Settembru 2000 dwar vetturi li m’għadhomx jintużaw (1), u partikolarment l-Artikolu 4(2)(b) tagħha,

Billi:

(1)

L-Artikolu 4(2)(a) tad-Direttiva 2000/53/KE jipprojbixxi l-użu ta’ ċomb, merkurju, kadmju jew kromju eżavalenti fil-materjali u l-komponenti tal-vetturi mqiegħda fis-suq wara l-1 ta’ Lulju 2003.

(2)

L-Anness II tad-Direttiva 2000/53/KE jelenka l-materjali u komponenti tal-vetturi eżenti mill-projbizzjoni li hemm fl-Artikolu 4(2)(a) tagħha. Il-vetturi mqiegħda fis-suq qabel id-data tal-iskadenza ta’ eżenzjoni partikolari u l-ispare parts għal dawk il-vetturi jistgħu jkollhom iċ-ċomb, il-merkurju, il-kadmju jew il-kromju eżavalenti fil-materjali u l-komponenti elenkati fl-Anness II tad-Direttiva 2000/53/KE.

(3)

Il-punt 8(i) tal-Anness II jipprevedi eżenzjoni għaċ-ċomb fl-istann fl-applikazzjonijiet elettriċi għall-igglejżjar fuq il-ħġieġ bl-eċċezzjoni tal-issaldjar fl-igglejżjar laminat, li tiskadi fl-1 ta’ Jannar 2013.

(4)

Valutazzjoni tal-progress tekniku u xjentifiku wriet li l-użu taċ-ċomb fl-applikazzjoni koperta mill-punt 8(i) ma jistax jiġi evitat, peress li s-sostituti ta’ dan il-materjal għadhom mhumiex disponibbli.

(5)

Il-miżuri pprovduti f’din id-Deċiżjoni huma skont l-opinjoni tal-Kumitat stabbilit bl-Artikolu 39 tad-Direttiva 2008/98/KE tal-Parlament Ewropew u tal-Kunsill (2),

ADOTTAT DIN ID-DIRETTIVA:

Artikolu 1

L-Anness II tad-Direttiva 2000/53/KE huwa sostitwit mit-test deskritt fl-Anness għal din id-Direttiva.

Artikolu 2

1.   L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma’ din id-Direttiva sa mhux aktar tard minn tliet xhur wara l-pubblikazzjoni tagħha f’Il-Ġurnal Uffiċjali tal-Unjoni Ewropea. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.

Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert b’din id-Direttiva.

Artikolu 3

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 4

Din id-Direttiva hija indirizzata lill-Istati Membri.

Magħmul fi Brussell, is-17 ta’ Mejju 2013.

Għall-Kummissjoni

Il-President

José Manuel BARROSO

(1)  ĠU L 269, 21.10.2000, p. 34

(2)  ĠU L 312, 22.11.2008, p. 3.

ANNESS

“ANNESS II

Il-materjali u l-komponenti eżenti mill-Artikolu 4(2)(a)

Materjali u komponenti

L-ambitu u d-data tal-iskadenza tal-eżenzjoni

Li għandu jkollu tikketta jew ikun magħmul identifikabbli skont l-Artikolu 4(2)(b)(iv)

Iċ-ċomb bħala element ta’ lligar

1(a).

Azzar għall-għanijiet ta’ makkinar u komponenti tal-azzar iggalvanizzat ‘batch hot dip’ li fih mhux aktar minn 0,35 % ta’ ċomb bil-piż

 

 

1(b).

Folja ta’ azzar galvanizzat kontinwament li fiha mhux aktar minn 0,35 % ta’ ċomb bil-piż

Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal dawn il-vetturi

 

2(a).

Aluminju għall-għanijiet ta’ xogħol bil-magni, b’kontenut ta’ ċomb ta’ mhux aktar minn 2 % bil-piż

Bħala spare parts għall-vetturi mqiegħda fis-suq qabel l-1 ta’ Lulju 2005

 

2(b).

Aluminju b’kontenut ta’ ċomb ta’ mhux aktar minn 1,5 % bil-piż

Bħala spare parts għall-vetturi mqiegħda fis-suq qabel l-1 ta’ Lulju 2008

 

2(c).

Aluminju b’kontenut ta’ ċomb ta’ mhux aktar minn 0,4 % bil-piż

 (1)

 

3.

Liga tar-ram b’kontenut ta’ ċomb ta’ mhux aktar minn 4 % bil-piż

 (1)

 

4(a).

Ċilindri ta’ ġewwa u ta’ barra tal-bearings

Bħala spare parts għall-vetturi mqiegħda fis-suq qabel l-1 ta’ Lulju 2008

 

4(b).

Ċilindri ta’ ġewwa u ta’ barra tal-bearings fil-magni, trażmissjonijiet u kumpressuri tal-arja kkundizzjonata

L-1 ta’ Lulju 2011 u l-ispare parts għall-vetturi mqiegħda fis-suq qabel l-1 ta’ Lulju 2011

 

Iċ-ċomb u l-komposti taċ-ċomb fil-komponenti

5.

Batteriji

 (1)

X

6.

Mezzi għat-taffija tal-vibrazzjonijiet

Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal dawn il-vetturi

X

7(a).

Aġenti għall-ivvulkanizzar u stabilizzaturi għall-elastomeri f’pajpijiet tal-brejkijiet, pajpijiet tal-fjuwil, pajpijiet tal-ventilazzjoni tal-arja, partijiet tal-elastomeru jew tal-metall fix-xażi, u l-mountings tal-magna

Bħala spare parts għall-vetturi mqiegħda fis-suq qabel l-1 ta’ Lulju 2005

 

7(b).

Aġenti għall-ivvulkanizzar u stabilizzaturi għall-elastomeri f’pajpijiet tal-brejkijiet, pajpijiet tal-fjuwil, pajpijiet tal-ventilazzjoni tal-arja, partijiet tal-elastomeru jew tal-metall fix-xażi, u l-mountings tal-magna b’kontenut ta’ ċomb ta’ mhux aktar minn 0,5 % bil-piż

Bħala spare parts għall-vetturi mqiegħda fis-suq qabel il-1 ta Lulju 2006

 

7(c).

Aġenti tal-irbit għall-elastomeri f’applikazzjonijiet tat-trażmissjoni b’kontenut ta’ ċomb ta’ mhux aktar minn 0,5 % bil-piż f’ċomb

Bħala spare parts għall-vetturi mqiegħda fis-suq qabel l-1 ta’ Lulju 2009

 

8(a).

Iċ-ċomb fl-istann biex jorbot il-komponenti elettriċi u elettroniċi mal-pjanċi taċ-ċirkwiti elettroniċi u ċ-ċomb fil-finituri tat-terminali tal-komponenti apparti mill-kapasiters tal-elettrolit tal-aluminju, fuq il-pinnijiet tal-komponenti u fuq il-pjanċi taċ-ċirkwiti elettroniċi

Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal dawn il-vetturi

X (2)

8(b).

Iċ-ċomb fl-istann fl-applikazzjonijiet elettriċi apparti mill-issaldjar fuq il-pjanċi taċ-ċirkwiti elettroniċi jew fuq il-ħġieġ

Vetturi b’approvazzjoni tat-tip maħruġa qabel l-1 ta’ Jannar 2011 u l-ispare parts għal dawn il-vetturi

X (2)

8(c).

Iċ-ċomb fil-finituri tat-terminali tal-kapasiters tal-elettrolit tal-aluminju

Vetturi b’approvazzjoni tat-tip maħruġa qabel l-1 ta’ Jannar 2013 u l-ispare parts għal dawn il-vetturi

X (2)

8(d).

Iċ-ċomb użat fl-issaldjar fuq il-ħġieġ fis-sensors tal-fluss ta’ massa ta’ arja

Vetturi b’approvazzjoni tat-tip maħruġa qabel l-1 ta’ Jannar 2015 u l-ispare parts għal dawn il-vetturi

X (2)

8(e).

Iċ-ċomb fi stann tat-tip li jiddewweb f’temperaturi għoljin (jiġifieri l-ligi b’bażi ta’ ċomb li jkun fihom 85 % ċomb jew aktar bil-piż)

 (3)

X (2)

8(f).

Ċomb fis-sistemi ta’ konnetturi tal-pinnijiet konformi

 (3)

X (2)

8(g).

Iċ-ċomb fl-istann li jikkompleta konnessjoni elettrika vijabbli bejn id-damma tas-semikonduttur u carrier fi ħdan ċirkwit integrat ta’ pakketti flip chip

 (3)

X (2)

8(h).

Ċomb fl-istann biex jorbot il-heat spreaders mar-radjatur tas-sħana (il-heat sink) fl-assemblaġġi tas-semikondutturi tal-qawwa (power semiconductor assemblies) b’ċippa b’daqs ta’ mhux inqas minn 1 cm2 b’erja ta’ projezzjoni u densità tal-kurrent nominali tal-inqas 1 A/mm2 tal-erja taċ-ċippa tas-silikon

 (3)

X (2)

8(i).

Ċomb fi stann għall-applikazzjonijiet tal-igglejżjar bl-elettriku fuq il-ħġieġ bl-eċċezzjoni tal-issaldjar fl-igglejżjar laminat

Vetturi b’approvazzjoni tat-tip maħruġa qabel l-1 ta’ Jannar 2016 u wara dik id-data bħala spare parts għal dawn il-vetturi

X (2)

8(j).

Ċomb fi stann għall-issaldjar fl-igglejżjar laminat

 (3)

X (2)

9.

Valve seats

Bħala spare parts għal tipi ta’ magni żviluppati qabel l-1 ta’ Lulju 2003

 

10(a).

Komponenti elettriċi u elettroniċi li fihom ċomb fi ħġieg jew ċeramika, f’komposti matriċi tal-ħġieġ jew taċ-ċeramika, f’materjal tal-ħġieg u taċ-ċeramika, jew f’komposti matriċi tal-ħġieġ u taċ-ċeramika.

Din l-eżenzjoni ma tkoprix l-użu taċ-ċomb fi:

—

ħġieġ fil-bozoz u glejż tal-ispark plugs,

—

materjali dielettriċi taċ-ċeramika ta’ komponenti elenkati taħt 10(b), 10(c) u 10(d).

 

X (4) (għal komponenti għajr il-piezo fil-magni)

10(b).

Iċ-ċomb fil-materjali taċ-ċeramika dielettrika bbażat fuq PZT tal-kapasiters li jiffurmaw parti minn ċirkwiti integrati jew semikondutturi diskreti

 

 

10(c).

Ċomb f’materjali taċ-ċeramika dielettrika f’kapasiters b’vultaġġ nominali ta’ anqas minn 125 V AC jew 250 V DC

Vetturi b’approvazzjoni tat-tip maħruġa qabel l-1 ta’ Jannar 2016 u l-ispare parts għal dawn il-vetturi

 

10(d).

Ċomb fil-materjali taċ-ċeramika dielettrika ta’ kapasiters li jagħmel tajjeb għad-devjazzjonijiet relatati mat-temperatura tas-sensors f’sistemi tas-sonar ultrasoniċi

 (3)

 

11.

Inizjaturi pirotekniċi

Vetturi b’approvazzjoni tat-tip maħruġa qabel l-1 ta’ Lulju 2006 u l-ispare parts għal dawn il-vetturi

 

12.

Materjali termoelettriċi li fihom iċ-ċomb u li jintużaw f’applikazzjonijiet elettriċi awtomotivi biex jitnaqqsu l-emissjonijiet ta’ CO2 permezz ta’ rkupru ta’ sħana mill-egżost

Vetturi b’approvazzjoni tat-tip maħruġa qabel l-1 ta’ Jannar 2019 u l-ispare parts għal dawn il-vetturi

X

Il-kromju eżavalenti

13(a).

Kisi kontra l-korrużjoni

Bħala spare parts għall-vetturi mqiegħda fis-suq qabel l-1 ta’ Lulju 2007

 

13(b).

Kisi preventiv kontra l-korrużjoni marbut mal-immuntar bolt u skorfina għall-applikazzjonijiet tax-xażi

Bħala spare parts għall-vetturi mqiegħda fis-suq qabel l-1 ta’ Lulju 2008

 

14.

Bħala prodott kontra l-korrużjoni tas-sistema tat-tkessiħ tal-azzar bil-karbonju fi friġġijiet tal-assorbiment f’karavans motorizzati sal-piż ta’ 0,75 % -% fis-soluzzjoni tat-tkessiħ għajr fejn jista’ jiġi pprattikat l-użu ta’ teknoloġiji oħra tat-tkessiħ (jiġifieri li jkunu disponibbli fis-suq għall-applikazzjonijiet f’karavans motorizzati) u li ma jwassalx għal impatti negattivi fuq l-ambjent, fuq is-saħħa u/jew fuq is-sikurezza tal-konsumatur

 

X

Merkurju

15(a).

Bozoz ta’ skariku għall-applikazzjonijiet tal-fanali ta’ quddiem

Vetturi b’approvazzjoni tat-tip maħruġa qabel l-1 ta’ Lulju 2012 u l-ispare parts għal dawn il-vetturi

X

15(b).

Tubi florexxenti użati fil-pannelli tad-displej tal-istrumenti

Vetturi b’approvazzjoni tat-tip maħruġa qabel l-1 ta’ Lulju 2012 u l-ispare parts għal dawn il-vetturi

X

Kadmju

16.

Batteriji għall-vetturi elettriċi

Bħala spare parts għall-vetturi mqiegħda fis-suq qabel il-31 ta’ Diċembru 2008

 

(1)  Din l-eżenzjoni għandha tiġi riveduta fl-2015.

(2)  Iż-żarmar fil-każ li, f’korrelazzjoni mal-entrata 10(a), jinqabeż limitu medju ta’ 60 gramma għal kull vettura. Għall-applikazzjoni ta’ din il-klawżola, ma għandhomx jitqiesu apparati elettroniċi mhux installati mill-manifattur fuq il-linja tal-produzzjoni.

(3)  Din l-eżenzjoni għandha tiġi riveduta fl-2014.

(4)  Iż-żarmar jekk, f’korrelazzjoni mal-entrata 8(a) sa 8(j), jinqabeż limitu medju ta’ 60 gramma għal kull vettura. Għall-applikazzjoni ta’ din il-klawżola, ma għandhomx jitqiesu apparati elettroniċi mhux installati mill-manifattur fuq il-linja tal-produzzjoni.

Noti:

—

Għandu jiġi ttollerat valur massimu ta’ konċentrazzjoni ta’ mhux aktar minn 0,1 % bil-piż u f’materjal omoġenju, għaċ-ċomb, għall-kromju eżavalenti u għall-merkurju u ta’ mhux aktar minn 0,01 % bil-piż f’materjal omoġenju għall-kadmju.

—

L-użu mill-ġdid ta’ partijiet ta’ vetturi li kienu diġà fis-suq fid-data tal-iskadenza tal-eżenzjoni għandu jitħalla mingħajr limitazzjoni billi mhuwiex kopert mill-Artikolu 4(2)(a).

—

L-ispare parts imqiegħda fis-suq wara l-1 ta’ Lulju 2003 li jintużaw għal vetturi mqiegħda fis-suq qabel l-1 ta’ Lulju 2003 għandhom jiġu eżentati mid-dispożizzjonijiet tal-Artikolu 4(2)(a) (*).

(*)  Din il-klawżola ma għandhiex tapplika għall-piżijiet għall-ibbilanċjar tar-roti, għall-ixkupilji tal-karbonju għall-muturi elettriċi u għall-kisi tal-brejkijiet.”

Top