This document is an excerpt from the EUR-Lex website
Document 32013D0777
2013/777/CFSP: Political and Security Committee Decision EUTM Somalia/1/2013 of 17 December 2013 on the appointment of an EU Mission Commander for the European Union military mission to contribute to the training of Somali security forces (EUTM Somalia)
2013/777/PESK: Deċiżjoni tal-Kumitat Politiku u ta' Sigurtà EUTM Somalia/1/2013 tas- 17 ta’ Diċembru 2013 dwar il-ħatra ta' Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia)
2013/777/PESK: Deċiżjoni tal-Kumitat Politiku u ta' Sigurtà EUTM Somalia/1/2013 tas- 17 ta’ Diċembru 2013 dwar il-ħatra ta' Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia)
ĠU L 346, 20.12.2013, p. 53–53
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 07/03/2015; Imħassar b' 32015D0173
|
20.12.2013 |
MT |
Il-Ġurnal Uffiċjali tal-Unjoni Ewropea |
L 346/53 |
DEĊIŻJONI TAL-KUMITAT POLITIKU U TA' SIGURTÀ EUTM SOMALIA/1/2013
tas-17 ta’ Diċembru 2013
dwar il-ħatra ta' Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-forzi tas-sigurtà tas-Somalja (EUTM Somalia)
(2013/777/PESK)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari l-Artikolu 38 tiegħu,
Wara li kkunsidra d-Deċiżjoni tal-Kunsill 2010/96/PESK tal-15 ta' Frar 2010 dwar missjoni militari tal-Unjoni Ewropea biex tikkontribwixxi għat-taħriġ tal-Forzi tas-Sigurtà tas-Somalja (1), u b'mod partikolari l-Artikolu 5 tiegħu,
Billi:
|
(1) |
Skont l-Artikolu 5(1) tad-Deċiżjoni 2010/96/PESK, il-Kunsill awtorizza lill-Kumitat Politiku u ta' Sigurtà (KPS) biex jieħu deċiżjonijiet dwar il-ħatra ta' Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-Forzi tas-sigurtà tas-Somalja (EUTM Somalia). |
|
(2) |
Fit-22 ta' Jannar 2013, il-Kunsill adotta d-Deċiżjoni 2013/44/PESK (2) li temenda u testendi d-Deċiżjoni 2010/96/PESK u li taħtar lill-Brigadier Ġeneral Gerald AHERNE bħala Kmandant tal-Missjoni tal-UE. |
|
(3) |
Ir-Repubblika Taljanapproponiet in-nomina tal-Brigadier Ġeneral Massimo MINGIARDI bħala l-Kmandant tal-Missjoni tal-UE l-ġdid biex jieħu post il-Brigadier Ġeneral Gerald AHERNE. |
|
(4) |
Il-Kumitat Militari tal-UE jappoġġa dik il-proposta. |
|
(5) |
F'konformità mal-Artikolu 5 tal-Protokoll Nru 22 dwar il-pożizzjoni tad-Danimarka, anness mat-Trattat dwar l-Unjoni Ewropea u għat-Trattat dwar il-Funzjonament tal-Unjoni Ewropea, id-Danimarka ma tipparteċipax fl-elaborazzjoni u fl-implimentazzjoni ta' deċiżjonijiet u azzjonijiet tal-Unjoni li jkollhom implikazzjonijiet ta' difiża. Konsegwentement, id-Danimarka mhijiex qed tipparteċipa fl-adozzjoni ta' din id-Deċiżjoni u la hija marbuta biha u lanqas mhija soġġetta għall-applikazzjoni tagħha, |
ADOTTA DIN ID-DEĊIŻJONI:
Artikolu 1
Il-Brigadier Ġeneral Massimo MINGIARDI huwa b'dan maħtur Kmandant tal-Missjoni tal-UE għall-missjoni militari tal-Unjoni Ewropea biex tikkontribwixxi għat-taħriġ tal-Forzi tas-Sigurtà tas-Somalja (EUTM Somalia) mill-15 ta' Frar 2014.
Artikolu 2
Din id-Deċiżjoni għandha tidħol fis-seħħ fil-15 ta' Frar 2014.
Magħmul fi Brussell, is-17 ta’ Diċembru 2013.
Għall-Kumitat Politiku u ta’ Sigurtà
Il-President
W. STEVENS
(2) Deċiżjoni tal-Kunsill 2013/44/PESK tat-22 ta’ Jannar 2013 li temenda u testendi d-Deċiżjoni 2010/96/PESK dwar missjoni militari tal-Unjoni Ewropea biex tikkontribwixxi għat-taħriġ tal-Forzi tas-Sigurtà tas-Somalja (U L 20, 23.1.2013, p. 57).