This document is an excerpt from the EUR-Lex website
Document 32013D0440
2013/440/EU: Commission Decision of 20 August 2013 terminating the anti-dumping proceeding concerning imports of stainless steel tube and pipe butt-welding fittings, whether or not finished, originating in the People’s Republic of China and Taiwan
2013/440/UE: Deċiżjoni tal-Kummissjoni tal- 20 ta’ Awwissu 2013 li ttemm il-proċediment anti-dumping li jikkonċerna l-importazzjonijiet ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina u t-Tajwan
2013/440/UE: Deċiżjoni tal-Kummissjoni tal- 20 ta’ Awwissu 2013 li ttemm il-proċediment anti-dumping li jikkonċerna l-importazzjonijiet ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina u t-Tajwan
ĠU L 223, 21.8.2013, p. 13–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
21.8.2013 |
MT |
Il-Ġurnal Uffiċjali tal-Unjoni Ewropea |
L 223/13 |
DEĊIŻJONI TAL-KUMMISSJONI
tal-20 ta’ Awwissu 2013
li ttemm il-proċediment anti-dumping li jikkonċerna l-importazzjonijiet ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina u t-Tajwan
(2013/440/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1) (“ir-Regolament bażiku”), u b’mod partikolari l-Artikolu 9 tiegħu,
Wara li kkonsultat il-Kumitat Konsultattiv,
Billi:
A. PROĊEDURA
(1) |
Fit-28 ta’ Settembru 2012, il-Kummissjoni Ewropea irċeviet ilment dwar l-allegat dumping dannuż ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina (“RPĊ”), u t-Tajwan skont l-Artikolu 5 tar-Regolament bażiku mill-Kumitat tad-Difiża tal-Industrija tat-Tagħmir Iwweldjat Tarf ma’ Tarf tal-Azzar li Ma Jsaddadx tal-Unjoni Ewropea (“l-ilmentatur”) f’isem il-produtturi li jirrappreżentaw proporzjon ewlieni, f’dan il-każ aktar minn 25 % tal-produzzjoni totali tal-Unjoni ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx. |
(2) |
L-ilment kien fih evidenza prima facie tal-eżistenza ta’ dumping u ta’ dannu materjali li rriżultat minnu, li tqies biżżejjed biex ikun iġġustifikat il-bidu ta’ proċedura ta’ anti-dumping. |
(3) |
Fl-10 ta’ Novembru 2012, il-Kummissjoni, wara konsultazzjoni mal-Kumitat Konsultattiv, ħabbret, permezz ta’ avviż maħruġ f’Il-Ġurnal Uffiċjali tal-Unjoni Ewropea (2), il-bidu ta’ proċediment ta’ anti-dumping li jikkonċerna l-importazzjonijiet fl-Unjoni ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina (“RPĊ”), u t-Tajwan. |
(4) |
Il-Kummissjoni avżat uffiċjalment bil-bidu tal-proċediment lill-esportaturi/produtturi fir-RPĊ u t-Tajwan, l-importaturi, l-utenti u xi assoċjazzjonijiet magħrufa li għandhom x’jaqsmu, l-awtoritajiet tar-RPĊ u l-produtturi kollha magħrufa tal-Unjoni. Il-partijiet interessati ngħataw l-opportunità li jagħtu l-fehmiet tagħhom bil-miktub u li jitolbu smigħ fil-limitu taż-żmien stabbilit fl-avviż tal-bidu. |
(5) |
Il-partijiet kollha interessati li talbu dan u wrew li kien hemm raġunijiet partikolari biex jinstemgħu ngħataw smigħ. |
B. IRTIRAR TAL-ILMENT U TWAQQIF TAL-PROĊEDIMENT
(6) |
Permezz tal-ittra tat-27 ta’ Ġunju 2013 indirizzata lill-Kummissjoni, l-ilmentatur irtira formalment l-ilment tiegħu. |
(7) |
Skont l-Artikolu 9(1) tar-Regolament bażiku, il-proċediment jista’ jintemm meta jiġi rtirat l-ilment, sakemm dan it-tmiem ma jmurx kontra l-interess tal-Unjoni. |
(8) |
L-investigazzjoni ma żvelat ebda konsiderazzjoni li turi li dan it-tmiem imur kontra l-interess tal-Unjoni. Għaldaqstant, il-Kummissjoni kkunsidrat li l-proċediment preżenti għandu jintemm. Il-partijiet interessati ġew mgħarrfa b’dan u ngħataw opportunità li jikkummentaw. Ma tressqu l-ebda kummenti li jiġġustifikaw li dan it-tmiem ma jkunx fl-interess tal-Unjoni. |
(9) |
Għaldaqstant, il-Kummissjoni tikkonkludi li l-proċediment anti-dumping li jikkonċerna l-importazzjoni fl-Unjoni ta’ tubi u pajpijiet tal-azzar li ma jsaddadx, imlestija jew le, li joriġinaw mir-RPĊ u t-Tajwan għandu jintemm, |
ADOTTAT DIN ID-DEĊIŻJONI:
Artikolu 1
Il-proċediment anti-dumping li jikkonċerna importazzjonijiet ta’ tagħmir iwweldjat tarf ma’ tarf ta’ tubi u pajpijiet tal-azzar li ma jsaddadx, imlestija jew le, li joriġinaw mir-Repubblika Popolari taċ-Ċina u t-Tajwan, li bħalissa jaqgħu taħt il-kodiċijiet NM 7307 23 10 u 7307 23 90, jintemm hawnhekk.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, l-20 ta’ Awwissu 2013.
Għall-Kummissjoni
Il-President
José Manuel BARROSO
(1) ĠU L 343, 22.12.2009, p. 51.
(2) ĠU C 342, 10.11.2012, p. 2.