Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R1070

    Regolament ta’ Implimentazzjoni tal-Kummissjoni (UE) Nru 1070/2012 tal- 14 ta’ Novembru 2012 li jemenda r-Regolament (KE) Nru 2535/2001 fir-rigward tal-importazzjonijiet preferenzjali barra mill-kwota tal-ħalib u tal-prodotti tal-ħalib u l-kwota tal-importazzjonijiet tal-prodotti mill-ħalib li joriġinaw mir-Repubblika tal-Moldova

    ĠU L 318, 15.11.2012, p. 7–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 31/12/2020; Impliċitament imħassar minn 32020R0760

    ELI: http://data.europa.eu/eli/reg_impl/2012/1070/oj

    15.11.2012   

    MT

    Il-Ġurnal Uffiċjali tal-Unjoni Ewropea

    L 318/7

    REGOLAMENT TA’ IMPLIMENTAZZJONI TAL-KUMMISSJONI (UE) Nru 1070/2012

    tal-14 ta’ Novembru 2012

    li jemenda r-Regolament (KE) Nru 2535/2001 fir-rigward tal-importazzjonijiet preferenzjali barra mill-kwota tal-ħalib u tal-prodotti tal-ħalib u l-kwota tal-importazzjonijiet tal-prodotti mill-ħalib li joriġinaw mir-Repubblika tal-Moldova

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikolu 144(1) u l-Artikolu 148(c), flimkien mal-Artikolu 4 tiegħu,

    Billi:

    (1)

    Il-Kapitolu I tat-Titolu 2 tar-Regolament tal-Kummissjoni (KE) Nru 2535/2001 tal-14 ta' Diċembru 2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa (2) japplika għall-kwota tal-importazzjoni Nru 09.4210 prevista fir-Regolament tal-Kunsill (KE) Nru 55/2008 (3) u allokata lir-Repubblika tal-Moldova sal-2012. Ir-Regolament (UE) Nru 581/2011 tal-Parlament Ewropew u tal-Kunsill (4) jestendi l-applikazzjoni tar-Regolament (KE) Nru 55/2008 sa tmiem l-2015. Għalhekk huwa xieraq li r-Regolament (KE) Nru 2535/2001 iqis l-estensjoni tal-perjodu ta' żmien tal-kwota Nru 09.4210.

    (2)

    Il-Kapitolu II tat-Titolu 2 tar-Regolament (KE) Nru 2535/2001 jipprevedi regoli dwar importazzjonijiet preferenzjali barra mill-kwota taħt ftehimiet u atti speċifiċi. Huwa xieraq, għall-finijiet ta' amministrazzjoni tajba tal-importazzjonijiet, li dawk ir-regoli japplikaw ukoll għall-importazzjonijiet preferenzjali barra mill-kwota l-oħrajn kollha li huma koperti mill-Artikolu 2 ta’ dak ir-Regolament. Barra minn hekk, huwa xieraq, għal finijiet ta’ ċarezza u trasparenza, li dawk ir-regoli jinkludu l-obbligu li jiġi speċifikat id-dazju tal-importazzjoni preferenzjali fil-kaxxa 24 tal-applikazzjonijiet għal-liċenzja u l-liċenzji.

    (3)

    Ir-Regolament (KE) Nru 2535/2001 għandu għalhekk jiġi emendat skont dan.

    (4)

    Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

    ADOTTAT DAN IR-REGOLAMENT:

    Artikolu 1

    Ir-Regolament (KE) Nru 2535/2001 huwa emendat kif ġej:

    (1)

    Il-Kapitolu II tat-Titolu 2 jinbidel b'dan li ġej:

    "KAPITOLU II

    Importazzjonijiet barra mill-kwota abbażi tal-liċenzja tal-importazzjoni waħidha

    Artikolu 20

    1.   Dan il-Kapitolu japplika għal:

    (a)

    importazzjonijiet preferenzjali, mhux suġġetti għal kwoti, kif jissemma:

    (i)

    fl-Anness I tal-Protokoll 1 tad-Deċiżjoni Nru 1/98 tal-Kunsill ta' Assoċjazzjoni bejn il-KE u t-Turkija,

    (ii)

    l-Anness IV tal-Ftehim mal-Afrika t'Isfel,

    (iii)

    l-Anness 2 tal-Ftehim bejn il-Komunità Ewropea u l-Isvizzera dwar il-kummerċ fi prodotti agrikoli;

    (b)

    kwalunkwe importazzjoni preferenzjali oħra, mhux suġġetta għal kwoti, tal-prodotti msemmija fil-punt J tal-Parti I tal-Anness II tar-Regolament (KE) Nru 376/2008.

    2.   Għall-importazzjonijiet imsemmija fil-punt (a) tal-paragrafu 1, il-prodotti kkonċernati u r-rati ta’ dazju applikabbli huma elenkati fl-Anness II ta’ dan ir-Regolament.

    Artikolu 21

    1.   L-applikazzjonijiet għal-liċenzja u l-liċenzji juru:

    (a)

    fil-kaxxa 8, il-pajjiż tal-oriġini;

    (b)

    fil-kaxxa 20, waħda mill-entrati elenkati fl-Anness XVI.

    2.   Il-liċenzji juru. fil-kaxxa 24, ir-rata ta' dazju mnaqqsa applikabbli.

    3.   Il-liċenzji jkollhom obbligu li jimportaw mill-pajjiż indikat fil-kaxxa 8.

    Artikolu 22

    Ir-rata ta' dazju mnaqqsa tiġi applikata biss mal-preżentazzjoni tal-liċenzja tal-importazzjoni u mal-aċċettazzjoni tad-dikjarazzjoni tar-rilaxx għaċ-ċirkolazzjoni libera akkumpanjata mill-prova tal-oriġini."

    (2)

    Fl-Anness I, il-Parti J tinbidel bit-test stabbilit fl-Anness ta' dan ir-Regolament.

    Artikolu 2

    Dan ir-Regolament jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Novembru 2012.

    Għall-Kummissjoni

    Il-President

    José Manuel BARROSO

    (1)  ĠU L 299, 16.11.2007, p. 1.

    (2)  ĠU L 341, 22.12.2001, p. 29.

    (3)  ĠU L 20, 24.1.2008, p. 1.

    (4)  ĠU L 165, 24.6.2011, p. 5.

    ANNESS

    "I.J

    KWOTA TARIFFARJA SKONT L-ANNESS I TAR-REGOLAMENT (KE) Nru 55/2008

    Numru tal-kwota

    Kodiċi tan-NM

    Deskrizzjoni (1)

    Pajjiż tal-oriġini

    Sena tal-importazzjoni

    Kwota annwali mill-1 ta’ Jannar sal-31 ta’ Diċembru

    (f'tunnellati)

    (fil-piż tal-prodotti)

    Dazju tal-importazzjoni

    (EUR/100 kg piż nett)

    Annwali

    Kull sitt xhur

    09.4210

    0401 sa 0406

     

    Ir-Repubblika tal-Moldova

     

     

     

    0

    Prodotti mill-ħalib

    Mill-1 ta' Lulju sal-31 ta' Diċembru 2008

     

    1 000

     

    2009

    1 000

    500

     

    2010 sa 2015

    1 500

    750

    (1)  Minkejja r-regoli għall-interpretazzjoni tan-Nomenklatura Magħquda, għandu jitqies li l-mod ta’ kif jiġu deskritti l-prodotti għandu biss valur indikattiv peress li l-applikabbiltà tal-arranġamenti preferenzjali hija ddeterminata fil-kuntest ta' dan l-Anness mill-kamp ta' applikazzjoni tal-kodiċijiet tan-NM. Fejn huma indikati ex-kodiċi tan-NM, l-applikabbiltà tal-iskema preferenzjali hija ddeterminata abbażi tal-kodiċi tan-NM u d-deskrizzjoni korrispondenti meħuda flimkien."

    Top