Edizzjoni speċjali bil-Kroat: Kapitolu 15 Volum 024 P. 172 - 173
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012R0729
Commission Implementing Regulation (EU) No 729/2012 of 8 August 2012 entering a name in the register of traditional specialities guaranteed (Bratislavský rožok/Pressburger Kipfel/Pozsonyi kifli (TSG))
Regolament ta’ Implimentazzjoni tal-Kummissjoni (UE) Nru 729/2012 tat- 8 ta’ Awwissu 2012 li jdaħħal denominazzjoni fir-reġistru tal-ispeċjalitajiet tradizzjonali garantiti [Bratislavský rožok/Pressburger Kipfel/Pozsonyi kifli (STG)]
Regolament ta’ Implimentazzjoni tal-Kummissjoni (UE) Nru 729/2012 tat- 8 ta’ Awwissu 2012 li jdaħħal denominazzjoni fir-reġistru tal-ispeċjalitajiet tradizzjonali garantiti [Bratislavský rožok/Pressburger Kipfel/Pozsonyi kifli (STG)]
ĠU L 213, 10.8.2012, pp. 9–10
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
10.8.2012 |
MT |
Il-Ġurnal Uffiċjali tal-Unjoni Ewropea |
L 213/9 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 729/2012
tat-8 ta’ Awwissu 2012
li jdaħħal denominazzjoni fir-reġistru tal-ispeċjalitajiet tradizzjonali garantiti [Bratislavský rožok/Pressburger Kipfel/Pozsonyi kifli (STG)]
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 509/2006 tal-20 ta’ Marzu 2006 dwar prodotti agrikoli u oġġetti tal-ikel bħala speċjalitajiet tradizzjonali garantiti (1), u b’mod partikolari t-tielet subparagrafu tal-Artikolu 9(5) tiegħu,
Billi:
|
(1) |
Skont l-Artikolu 8(2) tar-Regolament (KE) Nru 509/2006, it-talba mressqa mis-Slovakkja għar-reġistrazzjoni tad-denominazzjoni “Bratislavský rožok”/“Pressburger Kipfel”/“Pozsonyi kifli”, li waslet fl-4 ta’ Frar 2008, ġiet ippubblikata f’Il-Ġurnal Uffiċjali tal-Unjoni Ewropea (2). |
|
(2) |
L-Awstrija, il-Ġermanja u l-Ungerija ressqu l-oġġezzjonijiet tagħhom kontra r-reġistrazzjoni skont l-Artikolu 9(1) tar-Regolament (KE) Nru 509/2006. L-oġġezzjonijiet tqiesu ammissibbli skont l-ewwel subparagrafu tal-Artikolu 9(3), il-punt (a) ta’ dak ir-Regolament. |
|
(3) |
Bl-ittri tal-11 ta’ Novembru 2010, il-Kummissjoni stiednet lill-Istati Membri kkonċernati biex jibdew il-konsultazzjonijiet xierqa. |
|
(4) |
Intlaħaq qbil, innotifikat lill-Kummissjoni fis-16 ta’ Mejju 2011, bejn l-Istati Membri kkonċernati fi żmien sitt xhur, li jinkludi emendi tal-ispeċifikazzjonijiet inizjali, u b’mod partikolari, it-tneħħija tar-rikjesta, fl-applikazzjoni għar-reġistrazzjoni, biex l-isem jiġi rreġistrat bir-riżerva prevista fl-Artikolu 13(2) tar-Regolament (KE) Nru 509/2006. |
|
(5) |
Din it-tneħħija tikkonċerna l-użu tal-isem tal-prodott u, għalhekk, ma tistax titqies bħala minuri skont l-Artikolu 11(3), il-punt (c) tar-Regolament tal-Kummissjoni (KE) Nru 1216/2007 (3). |
|
(6) |
Skont it-tieni subparagrafu tal-Artikolu 9(5) tar-Regolament (KE) Nru 509/2006, il-Kummissjoni għandha twettaq mill-ġdid l-iskrutinju msemmi fl-Artikolu 8(1) tal-imsemmi Regolament. |
|
(7) |
F’dan il-kuntest, it-talba biex id-denominazzjoni “Bratislavský rožok”/“Pressburger Kipfel”/“Pozsonyi kifli” tiddaħħal fir-reġistru, emendata skont il-qbil imsemmi aktar ‘il fuq, ġiet ippubblikata mill-ġdid f’Il-Ġurnal Uffiċjali tal-Unjoni Ewropea (4). |
|
(8) |
Billi ma ġiet innotifikata l-ebda dikjarazzjoni ta’ oġġezzjoni lill-Kummissjoni skont l-Artikolu 9 tar-Regolament (KE) Nru 509/2006, din id-denominazzjoni għandha tiġi rreġistrata, |
ADOTTAT DAN IR-REGOLAMENT:
Artikolu 1
Id-denominazzjoni msemmija fl-Anness ta’ dan ir-Regolament b’dan tiddaħħal fir-reġistru.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Awwissu 2012.
Għall-Kummissjoni
Il-President
José Manuel BARROSO
(2) ĠU C 320, 24.12.2009, p. 41.
ANNESS
L-oġġetti tal-ikel imsemmija fl-Anness I tar-Regolament (KE) Nru 509/2006:
Klassi 2.3. Ħelu, ħobż, prodotti moħmija, prodotti tad-dulċiera, galletti u gallettini
IS-SLOVAKKJA
Bratislavský rožok/Pressburger Kipfel/Pozsonyi kifli (STG)