EUR-Lex Access to European Union law
This document is an excerpt from the EUR-Lex website
Document 32012R0610
Commission Regulation (EU) No 610/2012 of 9 July 2012 amending Regulation (EC) No 124/2009 of 10 February 2009 setting maximum levels for the presence of coccidiostats or histomonostats in food resulting from the unavoidable carry-over of these substances in non-target feed Text with EEA relevance
Regolament tal-Kummissjoni (UE) Nru 610/2012 tad- 9 ta’ Lulju 2012 li jemenda r-Regolament (KE) Nru 124/2009 tal- 10 ta' Frar 2009 li jistabbilixxi livelli massimi għall-preżenza ta’ koċċidijostati jew istomonostati fl-ikel li jirriżultaw mit-trażmissjoni inevitabbli ta’ dawn is-sustanzi fl-għalf mhux fil-mira Test b’relevanza għaż-ŻEE
Regolament tal-Kummissjoni (UE) Nru 610/2012 tad- 9 ta’ Lulju 2012 li jemenda r-Regolament (KE) Nru 124/2009 tal- 10 ta' Frar 2009 li jistabbilixxi livelli massimi għall-preżenza ta’ koċċidijostati jew istomonostati fl-ikel li jirriżultaw mit-trażmissjoni inevitabbli ta’ dawn is-sustanzi fl-għalf mhux fil-mira Test b’relevanza għaż-ŻEE
ĠU L 178, 10.7.2012, p. 1–3
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
10.7.2012 |
MT |
Il-Ġurnal Uffiċjali tal-Unjoni Ewropea |
L 178/1 |
REGOLAMENT TAL-KUMMISSJONI (UE) Nru 610/2012
tad-9 ta’ Lulju 2012
li jemenda r-Regolament (KE) Nru 124/2009 tal-10 ta' Frar 2009 li jistabbilixxi livelli massimi għall-preżenza ta’ koċċidijostati jew istomonostati fl-ikel li jirriżultaw mit-trażmissjoni inevitabbli ta’ dawn is-sustanzi fl-għalf mhux fil-mira
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KEE) Nru 315/93 tat-8 ta' Frar 1993 li jistabbilixxi proċeduri tal-Komunità għall-kontaminanti fl-ikel (1), u b'mod partikolari l-Artikolu 2(3) tiegħu,
Billi:
(1) |
Ġew stipulati livelli massimi għall-ċerti koċċidijostati u istomonostati fl-ikel bir-Regolament tal-Kummissjoni (KE) Nru 124/2009 tal-10 ta' Frar 2009 li jistabbilixxi livelli massimi għall-preżenza ta’ koċċidijostati jew istomonostati fl-ikel li jirriżultaw mit-trażmissjoni inevitabbli ta’ dawn is-sustanzi fl-għalf mhux fil-mira (2) biex ikun żgurat it-tħaddim tajjeb tas-suq intern u għall-ħarsien tas-saħħa pubblika. |
(2) |
Il-livelli massimi għandhom jiġu kontinwament adattati sabiex jikkunsidraw l-iżviluppi fl-għarfien xjentifiku u tekniku u l-bidliet ta' limiti massimi ta' residwi stabbiliti għall-ikel speċifiku kkonċernat fil-qafas tar-Regolament (KE) Nru 470/2009 tal-Parlament Ewropew u tal-Kunsill tas-6 ta’ Mejju 2009 li jistabbilixxi l-proċeduri Komunitarji għall-iffissar ta' limiti ta' residwu ta' sustanzi farmakoloġikament attivi fl-oġġetti tal-ikel li joriġinaw mill-annimali (3) jew fil-qafas tar-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (4). |
(3) |
Ġew stabbiliti limiti massimi ta' residwu għas-sodju lasaloċidu fl-ikel ta' oriġini mill-annimali minn speċi bovini fil-qafas tar-Regolament (KE) Nru 470/2009 bir-Regolament ta' Implimentazzjoni tal-Kummissjoni (UE) Nru 86/2012 tal-1 ta' Frar 2012 li jemenda l-Anness mar-Regolament (UE) Nru 37/2010 dwar is-sustanzi farmakoloġikament attivi u l-klassifikazzjoni tagħhom fir-rigward tal-limiti massimi ta’ residwu fl-oġġetti tal-ikel li ġejjin mill-annimali, fejn tidħol is-sustanza lasaloċidu (5). Għalhekk, huwa meħtieġ li jiġu emendati d-dispożizzjonijiet rigward is-sodju lasaloċidu. |
(4) |
Sar disponibbli tagħrif tekniku ġdid, jiġifieri studji speċifiċi dwar il-proporzjon ta' trasferiment tal-maduramiċina mill-għalf għal ġewwa l-bajd minn tiġieġ li jbidu. Dawn l-istudji juru li l-għalf għal tiġieġ tal-bajd li fih il-maduramiċina minħabba kontaminazzjoni trażversali li iżda, fil-kwantità hija inqas mil-livell massimu, jirriżulta fil-livelli tal-maduramiċina fil-bajd ogħla mil-livell massimu attwalment permess. Skont il-konklużjonijiet tal-opinjoni tal-EFSA dwar il-kontaminazzjoni trażversali mill-maduramiċina (6) ta’ prodotti tal-għalf mhux fil-mira u l-opinjoni xjentifika dwar is-sikurezza u l-effikaċja tal-maduramiċina ammonju għat-tiġieġ għat-tismin (7), dawn il-livelli ogħla ma jirriżultawx f'riskju apprezzabbli għas-saħħa tal-konsumaturi. Għalhekk huwa xieraq li jiġu emendati d-dispożizzjonijiet rigward il-maduramiċina skont dan. |
(5) |
Il-kundizzjonijiet tal-awtorizzazzjoni tan-nikarbażin u tad-diklażuril bħala addittivi fl-għalf ġew modifikati bir-Regolament tal-Kummissjoni (UE) Nru 875/2010 tal-5 ta' Ottubru 2010 dwar l-awtorizzazzjoni għal 10 snin ta' addittiv fl-għalf (8) u r-Regolament tal-Kummissjoni (UE) Nru 169/2011 tat-23 ta' Frar 2011 li jikkonċerna l-awtorizzazzjoni tad-diklażuril bħala addittiv fl-għalf għal-fargħuni (9) rispettivament. Dawk l-iżviluppi jeħtieġu bidliet sinifikanti għall-livelli massimi stabbiliti għan-nikarbażin u bidliet minuri għad-diklażuril fl-Anness mar-Regolament (KE) Nru 124/2009. Skont il-konklużjonijiet tal-opinjoni tal-EFSA dwar il-kontaminazzjoni trażversali min-nikarbażin (10) ta’ prodotti tal-għalf mhux fil-mira u l-opinjoni xjentifika dwar is-sikurezza u l-effikaċja tan-nikarbażin għat-tiġieġ għat-tismin (11), il-limiti massimi proposti għan-nikarbażin fl-ikel bħala konsegwenza tat-trażmissjoni inevitabbli f’għalf mhux fil-mira ma jirriżultawx f 'riskju apprezzabbli għas-saħħa tal-konsumaturi. Għalhekk huwa xieraq li jiġu emendati d-dispożizzjonijiet rigward id-diklażuril u n-nikarbażin. |
(6) |
Għalhekk, ir-Regolament (KE) Nru 124/2009 għandu jiġi emendat skont dan. |
(7) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness mar-Regolament (KE) Nru 124/2009 għandu jiġi emendat skont l-Anness ma' dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum mill-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u huwa direttament applikabbli fl-Istati Membri kollha.
Magħmul fi Brussell, id-9 ta’ Lulju 2012.
Għall-Kummissjoni
Il-President
José Manuel BARROSO
(3) ĠU L 152, 16.6.2009, p. 11.
(4) ĠU L 268, 18.10.2003, p. 29.
(6) Opinjoni tal-Bord Xjentifiku dwar l-Aġenti ta’ Kontaminazzjoni fil-Katina Alimentari fuq talba tal-Kummissjoni Ewropea dwar kontaminazzjoni trażversali mill-maduramiċina ta’ għalf mhux fil-mira awtorizzata għall-użu bħala addittiv għall-għalf, Il-Ġurnal tal-EFSA (2008)594, 1-30, Jinstab onlajn fuq: http://www.efsa.europa.eu/en/efsajournal/doc/594.pdf
(7) Il-Bord tal-EFSA dwar l-Addittivi u Prodotti jew Sustanzi użati fl-Għalf tal-Annimali (FEEDAP); Opinjoni xjentifika dwar is-sikurezza u l-effikaċja ta' Cygro ® 10g (maduramiċina ammonju α) għat-tiġieġ għat-tismin. EFSA Journal 2011;9(1):1952. [2 pp.] doi:10.2903/j.efsa.2011.1952. Jinstab onlajn fuq: www.efsa.europa.eu/efsajournal
(8) ĠU L 263, 6.10.2010, p. 4.
(10) Opinjoni tal-Bord Xjentifiku dwar l-Aġenti ta’ Kontaminazzjoni fil-Katina Alimentari fuq talba tal-Kummissjoni Ewropea dwar Kontaminazzjoni trażversali ta’ għalf mhux fil-mira min-nikarbażin awtorizzata għall-użu bħala addittiv għall-għalf, Il-Ġurnal tal-EFSA (2008) 690, 1-34, Jinstab onlajn fuq: http://www.efsa.europa.eu/en/efsajournal/doc/690.pdf
(11) Il-Bord tal-EFSA dwar l-Addittivi u l-Prodotti jew Sustanzi użati fl-Għalf tal-Annimali (FEEDAP); Opinjoni xjentifika dwar is-sikurezza u l-effikaċja ta' Koffogran (nikarbażin) bħala addittiv fl-għalf għat-tiġieġ għat-tismin. Il-Ġurnal tal-EFSA 2010; 8(3):1551. [40 pp.]. doi:10.2903/j.efsa.2010.1551. Jinstab onlajn fuq: www.efsa.europa.eu
ANNESS
L-Anness mar-Regolament (KE) Nru 124/2009 huwa emendat kif ġej:
(1) |
L-annotazzjoni Nru 1 dwar is-sodju lasaloċidu tinbidel b'dan li ġej:
|
(2) |
L-annotazzjoni Nru 6 dwar il-Maduramiċina tinbidel b'dan li ġej:
|
(3) |
L-annotazzjoni Nru 10 dwar in-Nikarbażin tinbidel b'dan li ġej:
|
(4) |
L-annotazzjoni Nru 11 dwar id-Diklażuril tinbidel b'dan li ġej:
|