This document is an excerpt from the EUR-Lex website
Document 32012R0390
Commission Implementing Regulation (EU) No 390/2012 of 7 May 2012 amending Regulation (EC) No 318/2007 laying down animal health conditions for imports of certain birds into the Community and the quarantine conditions thereof Text with EEA relevance
Regolament ta’ Implimentazzjoni tal-Kummissjoni (UE) Nru 390/2012 tas- 7 ta’ Mejju 2012 li jemenda r-Regolament (KE) Nru 318/2007 li jistipula l-kundizzjonijiet tas-saħħa tal-annimali għall-importazzjoni ta’ ċerti għasafar fil-Komunità u l-kundizzjonijiet ta’ kwarantina tagħhom Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 390/2012 tas- 7 ta’ Mejju 2012 li jemenda r-Regolament (KE) Nru 318/2007 li jistipula l-kundizzjonijiet tas-saħħa tal-annimali għall-importazzjoni ta’ ċerti għasafar fil-Komunità u l-kundizzjonijiet ta’ kwarantina tagħhom Test b’relevanza għaż-ŻEE
ĠU L 121, 8.5.2012, p. 18–18
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 11/03/2013; Imħassar b' 32013R0139
|
8.5.2012 |
MT |
Il-Ġurnal Uffiċjali tal-Unjoni Ewropea |
L 121/18 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 390/2012
tas-7 ta’ Mejju 2012
li jemenda r-Regolament (KE) Nru 318/2007 li jistipula l-kundizzjonijiet tas-saħħa tal-annimali għall-importazzjoni ta’ ċerti għasafar fil-Komunità u l-kundizzjonijiet ta’ kwarantina tagħhom
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 92/65/KEE tat-13 ta’ Lulju 1992, li tistabbilixxi l-ħtiġijiet dwar saħħa tal-annimali li jirregolaw il-kummerċ ta’, u l-importazzjoni fil-Komunità ta’ annimali, semen, ova u embrijuni mhux suġġetti għal ħtiġijiet ta’ saħħa tal-annimali meħtieġa f’regoli speċifiċi tal-Komunità li hemm referenza għalihom fl-Anness A(1) tad-Direttiva 90/425/KEE (1), u b’mod partikolari l-Artikolu 17(3)(a) tagħha,
Billi:
|
(1) |
Ir-Regolament tal-Kummissjoni (KE) Nru 318/2007 (2) jistipula l-kundizzjonijiet tas-saħħa tal-annimali għall-importazzjoni ta’ ċerti għasafar fl-Unjoni, li waħda minnhom hija li l-għasafar għandhom jiġu importati fl-Unjoni biss jekk dawn joriġinaw minn pajjiżi terzi jew partijiet minnhom imsemmija fl-Anness I tiegħu. |
|
(2) |
Il-Filippini talbu lill-Kummissjoni biex tawtorizza l-importazzjoni fl-Unjoni ta’ għasafar imrobbija fil-magħluq skont ir-Regolament (KE) Nru 318/2007 minn parti tat-territorju tagħhom. Esperti tal-Kummissjoni wettqu missjoni ta’ spezzjoni fil-Filippini biex jevalwaw jekk il-kundizzjonijiet tas-saħħa tal-annimali meħtieġa għal dawn l-għasafar u l-kontrolli fis-seħħ kinux milħuqa minn dak il-pajjiż. |
|
(3) |
Il-Filippini pprovdew il-garanziji xierqa fir-rigward tal-konformità mar-regoli tal-Unjoni stabbiliti fir-Regolament (KE) Nru 318/2007 meħtieġa għall-importazzjonijiet fl-Unjoni ta’ għasafar imrobbija fil-magħluq minn parti tat-territorju tagħhom, jiġifieri ir-Reġjun tal-Kapitali Nazzjonali Manila. Dik il-parti tat-territorju tal-Filippini għandha għalhekk tiġi inkluża fil-lista stabbilita fl-Anness I tar-Regolament (KE) Nru 318/2007. |
|
(4) |
Ir-Regolament (KE) Nru 318/2007 għandu għaldaqstant jiġi emendat kif xieraq. |
|
(5) |
Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fl-Anness I tar-Regolament (KE) Nru 318/2007 tinżied l-entrata li ġejja:
|
“3. |
Il-Filippini: Ir-Reġjun tal-Kapitali Nazzjonali Manila.” |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u għandu jkun direttament applikabbli fl-Istati Membri kollha.
Magħmul fi Brussell, is-7 ta’ Mejju 2012.
Għall-Kummissjoni
Il-President
José Manuel BARROSO
(1) ĠU L 268, 14.9.1992, p. 54.