Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32012R0333

Regolament ta’ Implimentazzjoni tal-Kummissjoni (UE) Nru 333/2012 tad- 19 ta’ April 2012 li jikkonċerna l-awtorizzazzjoni ta’ tħejjija ta’ diformat tal-potassju bħala addittiv fl-ikel għall-ispeċi kollha tal-annimali u li jemenda r-Regolament (KE) Nru 492/2006 Test b’relevanza għaż-ŻEE

ĠU L 108, 20.4.2012, p. 3–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 27/08/2022; Imħassar b' 32022R1374

ELI: http://data.europa.eu/eli/reg_impl/2012/333/oj

20.4.2012   

MT

Il-Ġurnal Uffiċjali tal-Unjoni Ewropea

L 108/3

REGOLAMENT TA’ IMPLIMENTAZZJONI TAL-KUMMISSJONI (UE) Nru 333/2012

tad-19 ta’ April 2012

li jikkonċerna l-awtorizzazzjoni ta’ tħejjija ta’ diformat tal-potassju bħala addittiv fl-ikel għall-ispeċi kollha tal-annimali u li jemenda r-Regolament (KE) Nru 492/2006

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

Billi:

(1)

Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ din l-awtorizzazzjoni. L-Artikolu 10 ta’ dan ir-Regolament jipprevedi l-valutazzjoni mill-ġdid ta’ addittivi awtorizzati skont id-Direttiva tal-Kunsill 70/524/KEE (2).

(2)

Id-diformat tal-potassju, in-numru tal-CAS 20642-05-1, kien awtorizzat mingħajr limitu ta’ żmien f’konformita mad-Direttiva 70/524/KEE bħala addittiv fl-ikel għall-ispeċi kollha tal-annimali permezz tar-Regolament tal-Kummissjoni (KE) Nru 492/2006 (3). Dan l-addittiv imbagħad iddaħħal fir-Reġistru Komunitarju tal-addittivi fl-għalf bħala prodott eżistenti, skont l-Artikolu 10(1) tar-Regolament (KE) Nru 1831/2003.

(3)

F’konformità mal-Artikolu 10(2) tar-Regolament (KE) Nru 1831/2003 flimkien mal-Artikolu 7 ta’ dak ir-Regolament, tressqet applikazzjoni għall-valutazzjoni mill-ġdid tad-diformat tal-potassju bħala addittiv fl-għalf għall-ispeċi kollha tal-annimali, bit-talba li l-addittiv jiġi kklassifikat fil-kategorija tal-addittivi “addittivi teknoloġiċi”. Dik l-applikazzjoni kienet akkumpanjata mill-partikolaritajiet u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

(4)

L-Awtorità Ewropea dwar is-Sigurtà fl-Ikel (“l-Awtorità”) ikkonkludiet fl-opinjoni tagħha tat-13 ta’ Diċembru 2011 (4) li, skont il-kundizzjonijiet proposti ta’ użu, id-diformat tal-potassju ma għandux effett negattiv fuq is-saħħa tal-annimali, is-saħħa tal-konsumatur jew l-ambjent, u li d-diformat tal-potassju huwa effettiv biex iżid iż-żmien tal-ħażna ta’ ħut nej u prodotti sekondarji. Hija kkonkludiet li l-ebda ħsibijiet dwar is-sigurtà ma għandhom jinqalgħu sakemm jittieħdu miżuri xierqa ta’ protezzjoni. Hija vverifikat ukoll ir-rapport dwar il-metodu ta’ analiżi tal-addittiv għall-għalf fl-għalf imressaq mil-Laboratorju ta’ Referenza stabbilit mir-Regolament (KE) Nru 1831/2003.

(5)

Il-valutazzjoni tad-diformat tal-potassju turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta’ din is-sustanza għandu jiġi awtorizzat kif speċifikat fl-Anness ma’ dan ir-Regolament.

(6)

B’konsegwenza tal-għoti ta’ awtorizzazzjoni ġdida permezz ta’ dan ir-Regolament, l-Artikolu 3 tar-Regolament (KE) Nru 492/2006 l-Anness III għandhom jitħassru.

(7)

Peress li l-modifiki fil-kundizzjonijiet tal-awtorizzazzjoni tal-addittiv għall-għalf mhumiex relatati ma’ raġunijiet ta’ sigurtà, huwa xieraq li jkun permess perjodu tranżitorju biex jitneħħew il-ħażniet eżistenti tat-taħlitiet minn qabel u l-għalf kompost li fihom din it-tħejjija, kif awtorizzat permezz tar-Regolament (KE) Nru 492/2006.

(8)

Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

It-tħejjija speċifikata fl-Anness, li tifforma parti mill-kategorija ta’ addittivi “addittivi teknoloġiċi” u mill-grupp funzjonali “preservattivi” hija awtorizzata bħala addittiv fin-nutriment tal-annimali suġġetta għall-kundizzjonijiet stipulati f’dak l-Anness.

Artikolu 2

L-Artikolu 3 tar-Regolament (KE) Nru 492/2006 l-Anness III ta’ miegħu tħassru.

Artikolu 3

It-taħlitiet minn qabel u l-għalf kompost ittikkettjati f’konformità mad-Direttiva 70/524/KEE qabel id-dħul fis-seħħ ta’ dan ir-Regolament u li fihom id-diformat tal-potassju, kif awtorizzat permezz tar-Regolament (KE) Nru 492/2006, jistgħu jkomplu jitqiegħdu fis-suq u jintużaw sakemm jinħlew l-istokks eżistenti.

Artikolu 4

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta’ April 2012.

Għall-Kummissjoni

Il-President

José Manuel BARROSO

(1)  ĠU L 268, 18.10.2003, p. 29.

(2)  ĠU L 270, 14.12.1970, p. 1.

(3)  ĠU L 89, 28.3.2006, p. 6.

(4)  EFSA Journal 2012; 10(1):2530.

ANNESS

Numru ta’ identifikazzjoni tal-addittiv

Isem id-detentur tal-awtorizzazzjoni

Addittiv

Kompożizzjoni, formula kimika, deskrizzjoni, metodu analitiku

Speċi jew kategorija ta’ annimali

Età massima

Kontenut minimu

Kontenut massimu

Dispożizzjonijet oħra

Tmiem il-perjodu ta’ awtorizzazzjoni

mg ta’ sustanza attiva/kg ta’ għalf sħiħ b’kontenut ta’ ilma ta’ 12 %

Kategorija ta’ addittivi teknoloġiċi. Grupp funzjonali: preservattivi

1a237a

—

Diformat tal-potassju

 

Il-kompożizzjoni tal-addittiv

 

Diformat tal-potassju: 50 ± 5 %,

 

Ilma: 50 ± 5 %.

 

Il-karatterizzazzjoni tas-sustanza attiva

Diformat tal-potassju

Nru tal-CAS 20642-05-1

C2H3O4K

Magħmul b’sinteżi kimika

 

Il-Metodu ta’ Analiżi  (1)

 

Determinazzjoni tal-potassju fl-addittiv għall-għalf

EN ISO 6869: spettrometrija tal-assorbiment atomiku (AAS) jew EN 15510: spettrometrija ta’ emissjoni atomika bi plażma akkopjata induttivament (ICP-AES)

 

Determinazzjoni tal-format totali fl-addittiv għall-għalf EN 15909: fażi kuntrarja HPLC-UV

Għad-determinazzjoni tat-total tal-format f’taħlitiet minn qabel u għalf:

Kromatografija likwida ta’ prestazzjoni għolja ta’ esklużjoni tal-jonji b’sejba ta’ indiċi tal-UV jew refrattiv HPLC-UV/RI) jew metodu tal-kromatografija tal-jonju mgħammar b’sejba tal-konduttività elettrika (IC-ECD).

L-ispeċijiet kollha tal-annimali

—

—

—

1.

Permess biss fil-ħut nej, prodotti sekondarji tal-ħut għall-użu ta’ għalf b’kontenut massimu ta’ 9 000  mg ta’ diformat tal-potassju bħala sustanza attiva għal kull kg ta’ ħut nej.

2.

Għall-użu fl-għalf għall-ħnieżer, it-taħlita ta’ sorsi differenti tad-diformat tal-potassju ma għandhiex taqbeż il-livell massimu permess ta’ għalf sħiħ ta’ 18 000  mg kull kg ta’ għalf sħiħ għal ħnienes miftuma u 12 000  mg kull kg għalf komplet għal qżieqeż u ħnieżer għat-tismin.

3.

Fl-istruzzjonijiet tal-użu, indika:

“L-użu simultanju ta’ aċidi organiċi oħra fid-dożi massimi permess huwa kontraindikat”.

4.

“Għas-sikurezza: għandhom jintużaw protezzjoni għan-nifs, protezzjoni għall-għajnejn u ingwanti waqt l-immaniġġar”.

11 ta’ Mejju 2022

(1)  Id-dettalji dwar il-metodi analitiċi huma disponibbli fl-indirizz li ġej tal-Laboratorju ta’ Referenza: http://irmm.jrc.ec.europa.eu/EURLs/EURL_feed_additives/Pages/index.aspx

Top