EUR-Lex Access to European Union law
This document is an excerpt from the EUR-Lex website
Document 32012R0312
Commission Delegated Regulation (EU) No 312/2012 of 9 January 2012 amending Council Regulation (EU) No 973/2010 temporarily suspending autonomous Common Customs Tariff duties on imports of certain industrial products into the autonomous regions of the Azores and Madeira
Regolament ta’ Delega tal-Kummissjoni (UE) Nru 312/2012 tad- 9 ta’ Jannar 2012 li jemenda r-Regolament tal-Kunsill (UE) Nru 973/2010 li temporanjament jissospendi d-dazji awtonomi tat-Tariffa Doganali Komuni fuq importazzjonjiet ta’ ċerti prodotti industrijali fir-reġjuni awtonomi tal-Azores u Madeira
Regolament ta’ Delega tal-Kummissjoni (UE) Nru 312/2012 tad- 9 ta’ Jannar 2012 li jemenda r-Regolament tal-Kunsill (UE) Nru 973/2010 li temporanjament jissospendi d-dazji awtonomi tat-Tariffa Doganali Komuni fuq importazzjonjiet ta’ ċerti prodotti industrijali fir-reġjuni awtonomi tal-Azores u Madeira
ĠU L 103, 13.4.2012, p. 15–16
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 02/11/2020
13.4.2012 |
MT |
Il-Ġurnal Uffiċjali tal-Unjoni Ewropea |
L 103/15 |
REGOLAMENT TA’ DELEGA TAL-KUMMISSJONI (UE) Nru 312/2012
tad-9 ta’ Jannar 2012
li jemenda r-Regolament tal-Kunsill (UE) Nru 973/2010 li temporanjament jissospendi d-dazji awtonomi tat-Tariffa Doganali Komuni fuq importazzjonjiet ta’ ċerti prodotti industrijali fir-reġjuni awtonomi tal-Azores u Madeira
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (UE) Nru 973/2010 tal-25 ta’ Ottubru 2010 li temporanjament jissospendi d-dazji awtonomi tat-Tariffa Doganali Komuni fuq importazzjonjiet ta’ ċerti prodotti industrijali fir-reġjuni awtonomi tal-Azores u Madeira (1), u b’mod partikolari l-Artikolu 6,
Billi:
(1) |
Permezz tar-Regolament (UE) Nru 973/2010 ġew temporanjament sospiżi d-dazji doganali fuq l-importazzjoni ta’ ċerti prodotti industrijali fl-Azores u Madeira. L-oġġetti għall-użu agrikolu, kummerċjali jew industrijali li għalihom tapplika s-sospensjoni huma stabbiliti fl-Anness I għar-Regolament (UE) Nru 973/2010. Il-materja prima, il-partijiet u l-komponenti użati għal finijiet agrikoli, it-trasformazzjoni industrijali jew il-manteniment li għalihom tapplika s-sospensjoni huma stipulati fi Anness II ta’ dak ir-Regolament. Dawk l-oġġetti huma elenkati fl-Annessi bl-użu tal-kodiċijiet tan-Nomenklatura Magħquda applikabbli għall-2009 kif stipulat fir-Regolament tal-Kummissjoni (KE) Nru 1031/2008 (2). |
(2) |
In-Nomenklatura Magħquda ġiet sostitwita mir-Regolament tal-Kummissjoni (UE) Nru 861/2010 tal-5 tal-Ottubru 2010 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni tad-Dwana (3) u mir-Regolament ta’ Implimentazzjoni tal-Kummissjoni (UE) Nru 1006/2011 tas-27 ta’ Settembru 2011 li jemenda l-Anness I tar-Regolament tal-Kunsill (KEE) Nru 2658/87 dwar in-nomenklatura tat-tariffa u l-istatistika u dwar it-Tariffa Doganali Komuni (4). Bħala konsegwenza ta’ dawn l-emendi, għandhom isiru ċerti adattamenti tekniċi għall-kodiċijiet tan-NM elenkati fl-Annessi I u II tar-Regolament (UE) Nru 973/2010. |
(3) |
Ir-Regolament (UE) Nru 973/2010 għandu għalhekk jiġi emendat skont dan. |
(4) |
Peress li ċerti amendmendments mal-kodiċijiet NM japplikaw mill-1 ta’ Jannar 2011, l-emendi korrespondenti għar-Regolament (UE) Nru 973/2010 għandhom japplikaw minn dik id-data, |
ADOTTAT DAN IR-REGOLAMENT:
Artikolu 1
Ir-Regolament (UE) Nru 973/2010 għandu jiġi emendat kif ġej:
(1) |
L-Anness I jiġi emendat kif ġej:
|
(2) |
Fl-Anness II l-kodiċi tan-NM 7323 99 99 jiġi sostitwit bil-kodiċi NM 7323 99 00. |
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2012.
Madankollu, l-Artikolu 1(1)(a) għandu japplika mill-1 ta’ Jannar 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Jannar 2012.
Għall-Kummissjoni
Il-President
José Manuel BARROSO
(1) ĠU L 285, 30.10.2010, p. 4.
(2) ĠU L 291, 31.10.2008, p. 1.
(3) ĠU L 284, 29.10.2010, p. 1.
(4) ĠU L 282, 28.10.2011, p. 1.