Edizzjoni speċjali bil-Kroat: Kapitolu 03 Volum 062 P. 240 - 242
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32012L0031
Commission Implementing Directive 2012/31/EU of 25 October 2012 amending Annex IV to Council Directive 2006/88/EC as regards the list of fish species susceptible to Viral haemorrhagic septicaemia and the deletion of the entry for Epizootic ulcerative syndrome Text with EEA relevance
Direttiva ta’ Implimentazzjoni tal-Kummissjoni 2012/31/UE tal- 25 ta’ Ottubru 2012 li temenda l-Anness IV għad-Direttiva tal-Kunsill 2006/88/KE fir-rigward tal-lista ta’ speċi ta’ ħut suxxettibbli għas-settiċemija emorraġika virali u t-tħassir tal-annotazzjoni għas-sindromu ulċerativ Epiżotiku Test b’relevanza għaż-ŻEE
Direttiva ta’ Implimentazzjoni tal-Kummissjoni 2012/31/UE tal- 25 ta’ Ottubru 2012 li temenda l-Anness IV għad-Direttiva tal-Kunsill 2006/88/KE fir-rigward tal-lista ta’ speċi ta’ ħut suxxettibbli għas-settiċemija emorraġika virali u t-tħassir tal-annotazzjoni għas-sindromu ulċerativ Epiżotiku Test b’relevanza għaż-ŻEE
ĠU L 297, 26.10.2012, p. 26–28
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 20/04/2021; Impliċitament imħassar minn 32016R0429
Language
HTML
PDF
Official Journal
|
26.10.2012 |
MT |
Il-Ġurnal Uffiċjali tal-Unjoni Ewropea |
L 297/26 |
DIRETTIVA TA’ IMPLIMENTAZZJONI TAL-KUMMISSJONI 2012/31/UE
tal-25 ta’ Ottubru 2012
li temenda l-Anness IV għad-Direttiva tal-Kunsill 2006/88/KE fir-rigward tal-lista ta’ speċi ta’ ħut suxxettibbli għas-settiċemija emorraġika virali u t-tħassir tal-annotazzjoni għas-sindromu ulċerativ Epiżotiku
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2006/88/KE tal-24 ta’ Ottubru 2006 dwar il-ħtiġiet tas-saħħa tal-annimali għall-annimali tal-akkwakultura u l-prodotti tagħhom, u dwar il-prevenzjoni u l-kontroll ta’ ċertu mard f’annimali akkwatiċi (1), u b’mod partikolari l-Artikolu 61(2) tagħha,
Billi:
|
(1) |
Id-Direttiva 2006/88/KE tistipula, inter alia, ċerti regoli tas-saħħa tal-annimali applikabbli għall-annimali tal-akkwakultura u l-prodotti tagħhom, inklużi dispożizzjonijiet speċifiċi dwar mard eżotiku u mhux eżotiku u l-ispeċi suxxettibbli għalih, elenkati fil-Parti II tal-Anness IV għal dik id-Direttiva. |
|
(2) |
Is-sindromu ulċerativ epiżotiku (EUS) huwa inkluż fil-lista ta’ mard eżotiku stipulat fil-Parti II tal-Anness IV għad-Direttiva 2006/88/KE. |
|
(3) |
Il-Parti I tal-Anness IV għad-Direttiva 2006/88/KE tistipula l-kriterji għall-elenkar ta’ mard eżotiku u mhux eżotiku fil-Parti II ta’ dak l-Anness. Skont dawk il-kriterji, il-mard eżotiku għandu jkollu l-potenzjal ta’ impatt ekonomiku sinifikanti jekk jiġi introdott fl-Unjoni, jew permezz tat-telf tal-produzzjoni tal-akkwakultura fl-Unjoni jew permezz tar-restrizzjoni tal-potenzjal kummerċjali tal-annimali tal-akkwakultura u tal-prodotti tagħhom. Alternattivament, dawn għandhom ikollhom potenzjal għal impatt ambjentali detrimentali jekk jiġu introdotti fl-Unjoni, għall-popolazzjonijiet tal-ispeċi tal-annimali akkwatiċi salvaġġi, li huma ta’ valur tant li ta’ min jiġu mħarsa mil-liġi tal-Unjoni jew mid-dispożizzjonijiet internazzjonali. |
|
(4) |
Fil-15 ta’ Settembru 2011, il-Panel tal-Awtorità Ewropea dwar is-Sigurtà fl-Ikel (EFSA) fuq is-Saħħa u l-Benesseri tal-Annimali adotta opinjoni xjentifika dwar is-Sindromu Ulċerativ Epiżotiku (2) (l-opinjoni tal-EFSA). F’dik l-opinjoni, l-EFSA kkonkludiet li l-impatt tas-Sindromu Ulċerativ Epiżotiku fl-akkwakultura tal-Unjoni jista’ jvarja minn l-ebda impatt għal impatt baxx. |
|
(5) |
Barra minn hekk, l-opinjoni tal-EFSA tiddikjara li huwa probabbli li s-Sindromu Ulċerativ Epiżotiku ripetutament daħal fl-Unjoni permezz ta’ ħut ornamentali importat minn pajjiżi terzi u li tali ħut jista’ jkun li ġie rrilaxxat fl-ibħra tal-Unjoni. Taħt dawn iċ-ċirkostanzi, u meta jitqies il-fatt li l-ebda tifqigħa tas-Sindromu Ulċerativ Epiżotiku ma ġiet irrappurtata fl-Unjoni, ma hemm l-ebda evidenza li tissuġġerixxi li s-Sindromu Ulċerativ Epiżotiku għandu l-potenzjal ta’ impatt ambjentali detrimentali. |
|
(6) |
Fid-dawl tal-konklużjonijiet tal-EFSA u l-evidenza xjentifika disponibbli, is-Sindromu Ulċerativ Epiżotiku ma għadux jissodisfa l-kriterji stipulati fil-Parti I tal-Anness IV għad-Direttiva 2006/88/KE sabiex jiġi elenkat fil-Parti II ta’ dak l-Anness. |
|
(7) |
Huwa għalhekk xieraq li titħassar l-annotazzjoni għas-Sindromu ulċerativ epiżotiku mil-lista ta’ mard eżotiku stipulat fil-Parti II tal-Anness IV għad-Direttiva 2006/88/KE. |
|
(8) |
Barra minn hekk, il-Parti II tal-Anness IV għad-Direttiva 2006/88/KE tinkludi lista ta’ speċi meqjusa bħala suxxettibbli għas-Settiċemija emorraġika virali. |
|
(9) |
Il-barbun taż-żebbuġa (Paralichthys Olivaceus) huwa suxxettibbli għall-marda tal-ħut mhux eżotika, is-settiċemija emorraġika virali. F’ċerti reġjuni tal-Asja ġew ikkonfermati tifqigħat kliniċi ta’ dik il-marda. |
|
(10) |
Għalhekk huwa xieraq li l-Barbun taż-żebbuġa (Paralichthys olivaceus) jiġi inkluż fil-lista ta’ speċi suxxettibbli għas-Settiċemija emorraġika virali stipulata fil-Parti II tal-Anness IV għad-Direttiva 2006/88/KE. |
|
(11) |
L-Anness IV mad-Direttiva 2006/88/KE għandu għalhekk jiġi emendat skont dan. |
|
(12) |
Il-miżuri previsti f’din id-Direttiva huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DIRETTIVA:
Artikolu 1
L-Anness IV tad-Direttiva 2006/88/KE huwa emendat skont l-Anness ta’ din id-Direttiva.
Artikolu 2
1. L-Istati Membri għandhom jadottaw u jippubblikaw, sa mhux aktar tard mill-1 ta’ Jannar 2013, il-liġijiet, ir-regolamenti u d-dispożizzjonijijet amministrattivi neċessarji sabiex jikkonformaw ruħhom ma’ din id-Direttiva. Huma għandhom jikkomunikaw minnufih it-test ta’ dawk id-dispożizzjonijiet lill-Kummissjoni.
2. Huma għandhom japplikaw dawk id-dispożizzjonijiet mill-1 ta’ Jannar 2013.
3. Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
4. L-Istati Membri jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-20 jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, il-25 ta’ Ottubru 2012.
Għall-Kummissjoni
Il-President
José Manuel BARROSO
(1) ĠU L 328, 24.11.2006, p. 14.
(2) EFSA Journal 2011; 9(10):2387.
ANNESS
Il-Parti II tal-Anness IV mad-Direttiva 2006/88/KE hija mibdula b’dan li ġej:
“PARTI II
Mard elenkat
|
Mard eżotiku |
||
|
|
Marda |
Speċi suxxettibbli |
|
Ħut |
Nekrosi ematopojetika epiżotika |
Trota qawsalla (Oncorhynchus mykiss), u dott tal-Ewropa ta’ Fuq (Perca fluviatilis), |
|
Molluski |
Infezzjoni bil-Bonamia exitiosa |
Gajdra Awstraljana tat-tajn (Ostrea angasi) u gajdra ċatta Ċilena (O. chilensis) |
|
Infezzjoni mill-Perkinsus marinus |
Gajdra tal-Paċifiku (Crassostrea gigas) u gajdra tal-Lvant (C. virginica) |
|
|
Infezzjoni bil-Microcytos mackini |
Gajdra tal-Paċifiku (Crassostrea gigas) u gajdra ta’ Lvant (C. virginica), gajdra ċatta tal-Paċifiku (Ostrea conchaphila) u gajdra ċatta Ewropea (O. edulis) |
|
|
Krustaċji |
Is-Sindromu Taura |
Gamblu abjad tal-Golf (Penaeus setiferus), gamblu ikħal tal-Paċifiku (P. stylirostris) u gamblu abjad tal-Paċifiku (P. vannamei). |
|
Il-marda Yellowhead |
Gamblu kannella tal-Golf (P. aztecus), gamblu roża tal-Golf (P. duorarum), gamblu kbir Kuruma (P. japonicus), gamblu iswed (P. monodon), gamblu abjad tal-Golf (P. setiferus), gamblu kħal tal-Paċifiku (P. stylirostris), gamblu abjad tal-Paċifiku (P. vannamei) |
|
|
Mard mhux eżotiku |
||
|
|
Il-mard |
Speċi suxxettibbli |
|
Ħut |
Settiċemija emorraġika virali (VHS) |
Aringa (Clupea spp.), ħuta bajda (Coregonus sp.), lizz (Esox lucius), bakkaljaw żgħir (Gadus aeglefinus), merluzz tal-Paċifiku (G. macrocephalus), merluzz tal-Atlantiku (G. morhua), Salamun tal-Paċifiku (Oncorhynchus spp.), trota qawsalla (O. mykiss), rockling (Onos mustelus), trota tal-baħar (Salmo trutta), barbun imperjali (Scophthalmus maximus) u sardina (Sprattussprattus) u grayling (Thymallus thymallus) u barbun taż-żebbuġa (Paralichthys olivaceus), |
|
Nekrożi ematopojetika infettiva (IHN) |
Salamun keta (Oncorhynchus keta), salamun fiddien (O. kisutch), salamun masou (O. masou), trota qawsalla jew tal-Amerika tat-Tramuntana (O. mykiss), salamun sockeye (O. nerka), salamun roża (O. rhodurus), salamun chinook (O. tshawytscha), u salamun tal-Atlantiku (Salmo salar) |
|
|
Il-marda tal-vajrus tal-erpete tal-koi (KHV) |
Il-karpjun komuni u l-karpjun koi (Cyprinus carpio) |
|
|
L-anemija infettiva tas-salamun (ISA) |
Trota qawsalla (Oncorhynchus mykiss), salamun tal-Atlantiku (Salmo salar), u trota tal-baħar (S. trutta) |
|
|
Molluski |
Infezzjoni bil-Marteilia refringens |
Gajdra tat-tajn tal-Awstralja (Ostrea angasi), gajdra ċatta taċ-Ċili (O. chilensis), gajdra ċatta Ewropea (O. edulis), gajdra tal-Arġentina (O. puelchana), mollusk blu (Mytilus edulis) u mollusk Mediterran (M. galloprovincialis) |
|
Infezzjoni mill-Bonamia ostreae |
Gajdra tat-tajn tal-Awstralja (Ostrea angasi), gajdra ċatta taċ-Ċili (O. chilensis), gajdra ċatta tal-Paċifiku (Ostrea conchaphila), gajdra asjatika (O. denselammellosa), gajdra ċatta Ewropea (O. edulis), gajdra tal-Arġentina (O. puelchana) |
|
|
Krustaċji |
Marda tal-ponot bojod |
Il-krustaċji kollha dekapodi (ordni Decapoda)” |