This document is an excerpt from the EUR-Lex website
Document 32012D0656
2012/656/EU: Council Decision of 22 October 2012 establishing the position to be taken by the European Union within the General Council of the World Trade Organisation on the accession of the Lao People’s Democratic Republic to the WTO
2012/656/UE: Deċiżjoni tal-Kunsill tat- 22 ta’ Ottubru 2012 li tistabbilixxi l-pożizzjoni li għandha tiddieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Demokratika Popolari tal-Laos fil-WTO
2012/656/UE: Deċiżjoni tal-Kunsill tat- 22 ta’ Ottubru 2012 li tistabbilixxi l-pożizzjoni li għandha tiddieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Demokratika Popolari tal-Laos fil-WTO
ĠU L 294, 24.10.2012, p. 7–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
24.10.2012 |
MT |
Il-Ġurnal Uffiċjali tal-Unjoni Ewropea |
L 294/7 |
DEĊIŻJONI TAL-KUNSILL
tat-22 ta’ Ottubru 2012
li tistabbilixxi l-pożizzjoni li għandha tiddieħed mill-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Demokratika Popolari tal-Laos fil-WTO
(2012/656/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikoli 91, 100(2), u 207(4), flimkien mal-Artikolu 218(9) tiegħu,
Wara li kkunsidra l-proposta tal-Kummissjoni Ewropea,
Billi:
|
(1) |
Fl-16 ta’ Lulju 1997 il-Gvern tar-Repubblika Demokratika Popolari tal-Laos (il-Laos) applika għall-adeżjoni fil-Ftehim ta’ Marrakesh li jistabbilixxi l-Organizzazzjoni Dinjija tal-Kummerċ (WTO), skont l-Artikolu XII ta’ dan il-Ftehim. |
|
(2) |
Fil-19 ta’ Frar 1998 twaqqaf Grupp ta’ Ħidma dwar l-adeżjoni tal-Laos biex jintlaħaq ftehim dwar it-termini tal-adeżjoni aċċettabbli għal-Laos u l-Membri kollha tal-WTO. |
|
(3) |
Il-Kummissjoni, f’isem l-Unjoni, innegozjat serje komprensiva ta’ impenji fir-rigward tal-ftuħ tas-suq min-naħa tal-Laos li jissodisfaw it-talbiet tal-Unjoni u huma skont il-livell ta’ żvilupp tal-Laos. |
|
(4) |
Dawn l-impenji huma issa inkorporati fil-Protokoll ta’ Adeżjoni tal-Laos fil-WTO. |
|
(5) |
L-adeżjoni fil-WTO hija mistennija tagħmel kontribut pożittiv u dejjiemi għall-proċess ta’ riforma ekonomika u żvilupp sostenibbli fil-Laos. |
|
(6) |
Il-Protokoll ta’ Adeżjoni għandu għalhekk jiġi approvat. |
|
(7) |
L-Artikolu XII tal-Ftehim li jistabbilixxi l-WTO jistipula li t-termini tal-adeżjoni għandhom jaqblu dwarhom il-Membru tal-adeżjoni u l-WTO, u li l-Konferenza Ministerjali tal-WTO tapprova t-termini tal-adeżjoni min-naħa tal-WTO. L-Artikolu IV.2 tal-Ftehim li jistabbilixxi li l-WTO jipprevedi li matul l-intervalli bejn il-laqgħat tal-Konferenza Ministerjali, il-funzjonijiet tagħha għandhom jitmexxew mill-Kunsill Ġenerali. |
|
(8) |
Għalhekk, huwa meħtieġ li tiġi stabbilita l-pożizzjoni li għandha tieħu l-Unjoni fi ħdan il-Kunsill Ġenerali tal-WTO dwar l-adeżjoni tal-Laos fil-WTO, |
ADOTTA DIN ID-DEĊIŻJONI:
Artikolu 1
Il-pożizzjoni li għandha tieħu l-Unjoni Ewropea fi ħdan il-Kunsill Ġenerali tal-Organizzazzjoni Dinjija tal-Kummerċ dwar l-adeżjoni tar-Repubblika Demokratika Popolari tal-Laos fil-WTO, hija li tapprova l-adeżjoni.
Artikolu 2
Din id-Deċiżjoni għandha tidħol fis-seħħ fil-jum tal-adozzjoni tagħha.
Magħmul fil-Lussemburgu, it-22 ta’ Ottubru 2012.
Għall-Kunsill
Il-President
S. ALETRARIS