This document is an excerpt from the EUR-Lex website
Document 32012D0111
2012/111/EU: Commission Implementing Decision of 10 February 2012 amending Decision 2007/453/EC as regards the BSE status of Denmark and Panama (notified under document C(2012) 678) Text with EEA relevance
2012/111/UE: Deċiżjoni ta’ Implimentazzjoni tal-Kummissjoni tal- 10 ta’ Frar 2012 li temenda d-Deċiżjoni 2007/453/KE fir-rigward tal-istatus tal-BSE tad-Danimarka u l-Panama (notifikata bid-dokument numru C(2012) 678) Test b’relevanza għaż-ŻEE
2012/111/UE: Deċiżjoni ta’ Implimentazzjoni tal-Kummissjoni tal- 10 ta’ Frar 2012 li temenda d-Deċiżjoni 2007/453/KE fir-rigward tal-istatus tal-BSE tad-Danimarka u l-Panama (notifikata bid-dokument numru C(2012) 678) Test b’relevanza għaż-ŻEE
ĠU L 50, 23.2.2012, p. 49–50
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
23.2.2012 |
MT |
Il-Ġurnal Uffiċjali tal-Unjoni Ewropea |
L 50/49 |
DEĊIŻJONI TA’ IMPLIMENTAZZJONI TAL-KUMMISSJONI
tal-10 ta’ Frar 2012
li temenda d-Deċiżjoni 2007/453/KE fir-rigward tal-istatus tal-BSE tad-Danimarka u l-Panama
(notifikata bid-dokument numru C(2012) 678)
(Test b’relevanza għaż-ŻEE)
(2012/111/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabbilixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (1), u b’mod partikolari t-tielet sottoparagrafu tal-Artikolu 5(2) tiegħu,
Billi:
(1) |
Ir-Regolament (KE) Nru 999/2001 jistabbilixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (TSEs) fl-annimali. Għal dan l-għan, l-istatus tal-enċefalopatija sponġiformi bovina (BSE) ta’ Stat Membru jew ta’ pajjiżi terzi jew reġjuni tagħhom (“pajjiżi jew reġjuni”) għandu jiġi ddeterminat skont l-Artikolu 5(1) u l-Anness II tar-Regolament (KE) Nru 999/2001 permezz ta’ klassifikazzjoni f’waħda minn tliet kategoriji skont ir-riskju tal-BSE involut, jiġifieri riskju ta’ BSE negliġibbli, riskju ta’ BSE kkontrollat u riskju ta’ BSE mhux determinat. |
(2) |
L-Anness tad-Deċiżjoni tal-Kummissjoni 2007/453/KE tad-29 ta’ Ġunju 2007 li tistabbilixxi l-istatus tal-BSE ta’ Stati Membri jew pajjiżi terzi jew reġjuni tagħhom skont ir-riskju tal-BSE (2) jelenka l-pajjiżi jew ir-reġjuni skont l-istatus ta’ riskju ta’ BSE tagħhom. |
(3) |
L-Organizzazzjoni Dinjija għas-Saħħa tal-Annimali (OIE) għandha rwol ewlieni fil-kategorizzazzjoni tal-pajjiżi jew reġjuni skont ir-riskju tal-BSE tagħhom u tuża l-kriterji ekwivalenti għal dawk stabbiliti fl-Anness II tar-Regolament (KE) Nru 999/2001. Il-lista fl-Anness tad-Deċiżjoni 2007/453/KE tikkunsidra r-Riżoluzzjoni Nru 18 - Ir-Rikonoxximent tal-Istatus tal-Enċefalopatija Sponġiformi Bovina tal-Membri - adottata mill-OIE f’Mejju 2010 fir-rigward tal-istatus tal-BSE tal-Istati Membri u l-pajjiżi terzi (3). |
(4) |
F’Mejju 2011, l-OIE adottat ir-Riżoluzzjoni Nru 17 - Ir-Rikonoxximent tal-Istatus ta’ Riskju tal-Enċefalopatija Sponġiformi Bovina tal-Membri. Dik ir-Riżoluzzjoni rrikonoxxiet li d-Danimarka u l-Panama għandhom riskju negliġibbli ta’ BSE. Il-lista fl-Anness tad-Deċiżjoni 2007/453/KE għandha għaldaqstant tiġi emendata biex issir konformi ma’ dik ir-Riżoluzzjoni fir-rigward ta’ dawn il-pajjiżi terzi (4). |
(5) |
Id-Deċiżjoni 2007/453/KE għandha għalhekk tiġi emendata skont dan. |
(6) |
Il-miżuri stipulati f’din id-Deċiżjoni huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DIN ID-DEĊIŻJONI:
Artikolu 1
L-Anness għad-Deċiżjoni 2007/453/KE jinbidel bit-test fl-Anness għal din id-Deċiżjoni.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, l-10 ta’ Frar 2012.
Għall-Kummissjoni
John DALLI
Membru tal-Kummissjoni
(1) ĠU L 147, 31.5.2001, p. 1.
(2) ĠU L 172, 30.6.2007, p. 84.
(3) Ara p. 40 u 158 tar-Rapport tas-Sessjoni Ġenerali 23 – 28 ta' Mejju 2010 fi http://www.oie.int/eng/session2011/A_FR_2010PUB.pdf
(4) Ara p. 49 u 149 tar-Rapport tas-Sessjoni Ġenerali 22 – 27 ta' Mejju 2011 fi http://www.oie.int/fileadmin/Home/eng/About_us/docs/pdf/A_FR_2011_PUB.pdf
ANNESS
“ANNESS
LISTA TA’ PAJJIŻI JEW REĠJUNI
A. Pajjiżi jew reġjuni b’riskju negliġibbli ta’ BSE
Stati Membri
— |
Id-Danimarka |
— |
Il-Finlandja |
— |
L-Isvezja |
Il-pajjiżi tal-EFTA
— |
L-Islanda |
— |
In-Norveġja |
Il-pajjiżi terzi
— |
L-Arġentina |
— |
L-Awstralja |
— |
Iċ-Ċilì |
— |
L-Indja |
— |
In-New Zealand |
— |
Il-Panama |
— |
Il-Paragwaj |
— |
Il-Perù |
— |
Singapor |
— |
L-Urugwaj |
B. Pajjiżi jew reġjuni b’riskju kkontrollat ta’ BSE
Stati Membri
— |
l-Awstrija, il-Belġju, il-Bulgarija, Ċipru, ir-Repubblika Ċeka, l-Estonja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, il-Pajjiżi l-Baxxi, il-Polonja, il-Portugall, ir-Rumanija, is-Slovakkja, is-Slovenja, Spanja u r-Renju Unit. |
Il-pajjiżi tal-EFTA
— |
Il-Liechtenstein |
— |
L-Isvizzera |
Il-pajjiżi terzi
— |
Il-Brażil |
— |
Il-Kanada |
— |
Il-Kolombja |
— |
Il-Ġappun |
— |
Il-Messiku |
— |
Il-Korea t’Isfel |
— |
It-Tajwan |
— |
L-Istati Uniti |
C. Pajjiżi jew reġjuni b’riskju mhux determinat ta’ BSE
— |
Pajjiżi jew reġjuni li mhumiex elenkati fil-punti A jew B ta’ dan l-Anness.” |