Edizzjoni speċjali bil-Kroat: Kapitolu 11 Volum 118 P. 205 - 205
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012D0106
2012/106/EU: Council Decision of 14 December 2011 on the signing, on behalf of the Union, and provisional application of the Agreement between the European Union and the Government of the Russian Federation on trade in parts and components of motor vehicles between the European Union and the Russian Federation
2012/106/UE: Deċiżjoni tal-Kunsill tal- 14 ta’ Diċembru 2011 dwar l-iffirmar, f’isem l-Unjoni, u l-applikazzjoni provviżorja, tal-Ftehim bejn l-Unjoni Ewropea u l-Gvern tal-Federazzjoni Russa dwar il-kummerċ ta’ partijiet u komponenti ta’ vetturi bil-mutur bejn l-Unjoni Ewropea u l-Federazzjoni Russa
2012/106/UE: Deċiżjoni tal-Kunsill tal- 14 ta’ Diċembru 2011 dwar l-iffirmar, f’isem l-Unjoni, u l-applikazzjoni provviżorja, tal-Ftehim bejn l-Unjoni Ewropea u l-Gvern tal-Federazzjoni Russa dwar il-kummerċ ta’ partijiet u komponenti ta’ vetturi bil-mutur bejn l-Unjoni Ewropea u l-Federazzjoni Russa
ĠU L 57, 29.2.2012, p. 14–14
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
ELI: http://data.europa.eu/eli/dec/2012/106(1)/oj
Language
HTML
PDF
Official Journal
|
29.2.2012 |
MT |
Il-Ġurnal Uffiċjali tal-Unjoni Ewropea |
L 57/14 |
DEĊIŻJONI TAL-KUNSILL
tal-14 ta’ Diċembru 2011
dwar l-iffirmar, f’isem l-Unjoni, u l-applikazzjoni provviżorja, tal-Ftehim bejn l-Unjoni Ewropea u l-Gvern tal-Federazzjoni Russa dwar il-kummerċ ta’ partijiet u komponenti ta’ vetturi bil-mutur bejn l-Unjoni Ewropea u l-Federazzjoni Russa
(2012/106/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel subparagrafu tal-Artikolu 207(4) flimkien mal-Artikolu 218(5) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
Fid-dawl tal-importanza ekonomika għall-Unjoni tal-esportazzjonijiet ta’ vetturi bil-mutur u l-partijiet u l-komponenti tagħhom lill-Federazzjoni Russa, u bħala riżultat tan-negozjati fir-rigward tal-adeżjoni tal-Federazzjoni Russa fl-Organizzazjoni Dinija tal-Kummerċ (WTO), kif riflessa fir-rapport tal-Parti ta’ Ħidma għal din l-adeżjoni, ir-reġim ta’ investiment fis-settur awtomobilistiku applikat mill-Federazzjoni Russa, kif emendat fl-24 ta’ Diċembru 2010, jista’ jibqa’ jkun applikat sal-1 ta’ Lulju 2018 taħt ċerti kundizzjonijiet. |
|
(2) |
Hemm riskju li r-reġim ta’ investiment fis-settur awtomobilistiku tal-Federazzjoni Russa jista’ jirriżulta fid-delokalizzazzjoni tal-produzzjoni tal-partijiet u l-komponenti tal-vetturi bil-mutur mill-Unjoni minħabba l-obbligi imposti fuq l-investituri taħt dak ir-reġim li jilħqu ir-rekwiżiti tal-kontenut lokali u tal-lokalizzazzjoni tal-produzzjoni. |
|
(3) |
Fil-kuntest tan-negozjati dwar l-adeżjoni tal-Federazzjoni Russa fid-WTO, il-Kummissjoni nnegozjat, f’isem l-Unjoni, Ftehim fuq kummerċ ta’ partijiet u komponenti ta’ vetturi bil-mutur bejn l-Unjoni Ewropea u l-Federazzjoni Russa (“il-Ftehim”) li jistabbilixxi mekkaniżmu kompensatorju li jiżgura li l-importazzjonijiet tal-partijiet u l-komponenti tal-vetturi bil-mutur mill-Unjoni lejn il-Federazzjoni Russa ma jonqsux b’riżultat tal-applikazzjoni tar-reġim ta’ investiment fis-settur awtomobilistiku. |
|
(4) |
Il-Ftehim għandu jiġi ffirmat. Il-Ftehim għandu japplika fuq bażi provviżorja, pendenti l-għeluq tal-proċeduri għal konklużjoni tiegħu, |
ADOTTA DIN ID-DEĊIŻJONI:
Artikolu 1
L-iffirmar tal-Ftehim bejn l-Unjoni Ewropea u l-Gvern tal-Federazzjoni Russa dwar il-kummerċ ta’ partijiet u komponenti ta’ vetturi bil-mutur bejn l-Unjoni Ewropea u l-Federazzjoni Russa, huwa b’dan awtroizzat f’isem l-Unjoni, suġġett għall-konklużjoni tal-Ftehim imsemmi.
It-test tal-Ftehim huwa mehmuż ma’ din id-Deċiżjoni.
Artikolu 2
Il-President tal-Kunsill huwa b’dan awtroizzat jinnomina il-persuna/i li jkollhom is-setgħa li jiffirmaw il-Ftehim f’isem l-Unjoni.
Artikolu 3
Skont l-Artikolu 13(3), tal-Ftehim, għandu jkun applikat provviżorjament, mid-data tas-sħubija tal-Federazzjoni Russa fid-WTO, pendenti l-għeluq tal-proċeduri għal konklużjoni ta’ dan il-Ftehim. (1)
Artikolu 4
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul f’Ġinevra, l-14 ta’ Diċembru 2011.
Għall-Kunsill
Il-President
M. NOGAJ
(1) Id-data minn meta il-Ftehim ser jiġi applikat proviżorjament ser tkun ippubblikata f’Il-Ġurnal Uffiċjal tal-Unjoni Ewropea mis-Segretarjat Ġenerali tal-Kunsill.