Edizzjoni speċjali bil-Kroat: Kapitolu 01 Volum 014 P. 180 - 180
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012D0030
2012/832/EU: Decision of the European Central Bank of 10 December 2012 amending Decision ECB/2010/21 on the annual accounts of the European Central Bank (ECB/2012/30)
2012/832/UE: Deċiżjoni tal-Bank Ċentrali Ewropew tal- 10 ta’ Diċembru 2012 li temenda d-Deċìżjoni BĊE/2010/21 dwar il-kontijiet annwali tal-Bank Ċentrali Ewropew (BĊE/2012/30)
2012/832/UE: Deċiżjoni tal-Bank Ċentrali Ewropew tal- 10 ta’ Diċembru 2012 li temenda d-Deċìżjoni BĊE/2010/21 dwar il-kontijiet annwali tal-Bank Ċentrali Ewropew (BĊE/2012/30)
ĠU L 356, 22.12.2012, p. 93–93
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/12/2016; Imħassar b' 32016D0035(01)
Language
HTML
PDF
Official Journal
|
22.12.2012 |
MT |
Il-Ġurnal Uffiċjali tal-Unjoni Ewropea |
L 356/93 |
DEĊIŻJONI TAL-BANK ĊENTRALI EWROPEW
tal-10 ta’ Diċembru 2012
li temenda d-Deċìżjoni BĊE/2010/21 dwar il-kontijiet annwali tal-Bank Ċentrali Ewropew
(BĊE/2012/30)
(2012/832/UE)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 26.2 tiegħu,
Billi:
|
(1) |
Id-Deċiżjoni BĊE/2010/21 tal-11 ta’ Novembru 2010 dwar il-kontijiet annwali tal-Bank Ċentrali Ewropew (1) tistabbilixxi r-regoli għat-tħejjija tal-kontijiet annwali tal-Bank Ċentrali Ewropew (BĊE). |
|
(2) |
Artikolu 3 tad-Deċiżjoni BĊE/2010/21 jispeċifika illi l-assunzjonijiet bażiċi tal-kontabilità ddefiniti fl-Artikolu 3 tal-Linja Gwida BĊE/2010/20 tal-11 ta’ Novembru 2010 dwar il-qafas legali għall-kontabilità u r-rappurtar finanzjarju fis-Sistema Ewropea tal-Banek Ċentrali (2) japplikaw ukoll għall-finijiet tad-Deċiżjoni BĊE/2010/21. Dan japplika inter alia għall-Artikolu 3(c) tal-Linja Gwida BĊE/2010/20 fir-rigward ta’ avvenimenti li jseħħu wara l-karta tal-bilanċ, li jistipula illi l-attiv u l-passiv jiġi aġġustat għal avvenimenti li jseħħu bejn id-data tal-karta tal-bilanċ annwali u d-data li fiha r-rapporti finanzjarji jiġu approvati mill-korpi relevanti jekk jeffettwaw il-kundizzjoni tal-attiv jew il-passiv fid-data tal-karta tal-bilanċ. |
|
(3) |
Jeħtieġ li jiġi ċċarat għall-kontijiet annwali tal-BĊE illi avvenimenti li jseħħu wara l-karta tal-bilanċ għandhom jiġu kkunsidrati biss sad-data li fiha jiġi awtorizzat il-ħruġ tar-rapporti finanzjarji, jiġifieri id-data li fiha l-Bord Eżekuttiv jawtorizza l-preżentazzjoni tal-kontijiet annwali tal-BĊE lill-Kunsill Governattiv għall-approvazzjoni. |
|
(4) |
Id-Deċiżjoni BĊE/2010/21 għandha għalhekk tiġi emendata f’dan is-sens, |
ADOTTA DIN ID-DEĊIŻJONI:
Artikolu 1
Emenda
L-Artikolu 3 tad-Deċiżjoni BĊE/2010/21 huwa mibdul b’li ġej:
“Artikolu 3
Prinċipji bażiċi tal-kontabilità
Il-prinċipji tal-kontabilità fundamentali ddefiniti fl-Artikolu 3 tal-Linja Gwida BĊE/2010/20 għandhom japplikaw ukoll għall-finijiet ta’ din id-Deċiżjoni. Bħala deroga mill-ewwel sentenza tal-Artikolu 3(c) tal-Linja Gwida BĊE/2010/20, avvenimenti li seħħew wara l-karta tal-bilanċ għandhom jiġu kkunsidrati biss sad-data li fiha jiġi awtorizzat il-ħruġ tar-rapporti finanzjarji, jiġifieri id-data li fiha l-Bord Eżekuttiv jawtorizza l-preżentazzjoni tal-kontijiet annwali tal-BĊE lill-Kunsill Governattiv għall-approvazzjoni.”.
Artikolu 2
Dħul fis-seħħ
Din id-Deċizjoni tidħol fis-seħħ fil-31 ta’ Diċembru 2012.
Magħmul fi Frankfurt am Main, l-10 ta’ Diċembru 2012.
Il-President tal-BĊE
Mario DRAGHI