EUR-Lex Access to European Union law
This document is an excerpt from the EUR-Lex website
Document 32012D0015
2012/15/EU: Council Decision of 20 December 2011 repealing Council Decision 2011/491/EU on the signing, on behalf of the European Union, and the provisional application of the Protocol between the European Union and the Kingdom of Morocco setting out the fishing opportunities and financial compensation provided for in the Fisheries Partnership Agreement between the European Community and the Kingdom of Morocco
2012/15/UE: Deċiżjoni tal-Kunsill tal- 20 ta’ Diċembru 2011 li tirrevoka d-Deċiżjoni tal-Kunsill 2011/491/UE dwar l-iffirmar, f’isem l-Unjoni Ewropea, u l-applikazzjoni provviżorja tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-sajd bejn il-Komunità Ewropea u r-Renju tal-Marokk
2012/15/UE: Deċiżjoni tal-Kunsill tal- 20 ta’ Diċembru 2011 li tirrevoka d-Deċiżjoni tal-Kunsill 2011/491/UE dwar l-iffirmar, f’isem l-Unjoni Ewropea, u l-applikazzjoni provviżorja tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-sajd bejn il-Komunità Ewropea u r-Renju tal-Marokk
ĠU L 6, 10.1.2012, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
10.1.2012 |
MT |
Il-Ġurnal Uffiċjali tal-Unjoni Ewropea |
L 6/1 |
DEĊIŻJONI TAL-KUNSILL
tal-20 ta’ Diċembru 2011
li tirrevoka d-Deċiżjoni tal-Kunsill 2011/491/UE dwar l-iffirmar, f’isem l-Unjoni Ewropea, u l-applikazzjoni provviżorja tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-sajd bejn il-Komunità Ewropea u r-Renju tal-Marokk
(2012/15/UE)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(2) tiegħu, flimkien mal-Artikolu 218 (5) tiegħu,
Wara li kkunsidra l-proposta mill-Kummissjoni Ewropea (1),
Billi:
(1) |
Il-Protokoll li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn il-Komunità Ewropea u r-Renju tal-Marokk (minn hawn ’il quddiem imsejjaħ “il-Protokoll”) ilu japplika b’mod provviżorju mit-28 ta’ Frar 2011, konformement mad-Deċiżjoni tal-Kunsill 2011/491/UE (2), |
(2) |
Bi tweġiba għat-talba tal-Kunsill tal-15 ta’ Lulju 2011, konformement mal-Artikolu 218(6)(a) tat-Trattat dwar il-Funzjonament tal-Unjoni Ewropea, il-Parlament Ewropew fl-14 ta’ Diċembru 2011 ivvota biex ma jagħtix il-kunsens tiegħu li l-Kunsill jikkonkludi l-Protokoll, |
(3) |
Għalhekk jeħtieġ li d-Deċiżjoni tal-Kunsill 2011/491/UE tiġi revokata u li r-Renju tal-Marokk jiġi nnotifikat dwar it-tmiem tal-applikazzjoni provviżorja tal-Protokoll, konformement mal-Artikolu 25(2) tal-Konvenzjoni ta’ Vjenna dwar il-Liġi tat-Trattati, |
ADOTTA DIN ID-DEĊIŻJONI:
Artikolu 1
Id-Deċiżjoni tal-Kunsill 2011/491/UE dwar l-iffirmar, f’isem l-Unjoni Ewropea, u l-applikazzjoni provviżorja tal-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-sajd bejn il-Komunità Ewropea u r-Renju tal-Marokk b’dan qed tiġi revokata.
Artikolu 2
Il-President tal-Kunsill huwa b’dan awtorizzat jaħtar persuna/i awtorizzata/i biex tinnotifika/jinnotifikaw lir-Renju tal-Marokk, konformement mal-Artikolu 25(2) tal-Konvenzjoni ta’ Vjenna dwar il-Liġi tat-Trattati, li l-Unjoni Ewropea ma għadhiex biħsiebha ssir parti għall-Protokoll. Dik in-notifika għandha ssir fil-forma ta’ ittra.
It-test tal-ittra huwa anness għal din id-Deċiżjoni.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Artikolu 4
Din id-Deċiżjoni għandha tiġi ppubblikata f’Il-Ġurnal Uffiċjali tal-Unjoni Ewropea.
Magħmul fi Brussell, l-20 ta’ Diċembru 2011.
Għall-Kunsill
Il-President
M. DOWGIELEWICZ
(1) ST 18774/11 PECHE 411 — COM(2011) 939 finali.
ANNESS
Sinjur/Sinjura,
B’referenza għall-Protokoll bejn l-Unjoni Ewropea u r-Renju tal-Marokk li jistabbilixxi l-opportunitajiet tas-sajd u l-kontribuzzjoni finanzjarja previsti fil-Ftehim ta’ Sħubija dwar is-Sajd bejn il-Komunità Ewropea u r-Renju tal-Marokk, li ġie inizjalat fil-25 ta’ Frar 2011, mill-applikazzjoni provviżorja tiegħu, kif miftiehem fl-Artikolu 12 tal-Protokoll u li daħal fis-seħħ permezz tal-iffirmar tal-Protokoll miż-żewġ Partijiet fit-13 ta’ Lulju 2011:
L-Unjoni Ewropea b’dan tinnotifika lir-Repubblika tal-Marokk li, f’konformità mal-Artikolu 25(2) tal-Konvenzjoni ta’ Vjenna dwar il-Liġi tat-Trattati, ma għadhiex biħsiebha ssir parti għall-Protokoll imsemmi hawn fuq.
Sinjur/Sinjura, jekk jogħġbok aċċetta l-assigurazzjoni tal-ogħla konsiderazzjoni tiegħi.
F’isem l-Unjoni Ewropea,
K. OSTRZYNIEWSKA