This document is an excerpt from the EUR-Lex website
Document 32011R1020
Commission Implementing Regulation (EU) No 1020/2011 of 14 October 2011 amending Implementing Regulation (EU) No 543/2011 as regards the maximum amount of support for markets withdrawals for nectarines and peaches
Regolament ta’ Implimentazzjoni tal-Kummissjoni (UE) Nru 1020/2011 tal- 14 ta’ Ottubru 2011 li jemenda r-Regolament ta’ Implimentazzjoni (UE) Nru 543/2011 fir-rigward tal-ammont massimu tal-appoġġ għall-irtirar mis-swieq tan-nuċiprisk u l-ħawħ
Regolament ta’ Implimentazzjoni tal-Kummissjoni (UE) Nru 1020/2011 tal- 14 ta’ Ottubru 2011 li jemenda r-Regolament ta’ Implimentazzjoni (UE) Nru 543/2011 fir-rigward tal-ammont massimu tal-appoġġ għall-irtirar mis-swieq tan-nuċiprisk u l-ħawħ
ĠU L 270, 15.10.2011, p. 14–15
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
15.10.2011 |
MT |
Il-Ġurnal Uffiċjali tal-Unjoni Ewropea |
L 270/14 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 1020/2011
tal-14 ta’ Ottubru 2011
li jemenda r-Regolament ta’ Implimentazzjoni (UE) Nru 543/2011 fir-rigward tal-ammont massimu tal-appoġġ għall-irtirar mis-swieq tan-nuċiprisk u l-ħawħ
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 103h, flimkien mal-Artikolu 4 tiegħu,
Billi:
(1) |
Ir-Regolament (KE) Nru 1234/2007 u r-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (2) jipprovdu regoli dwar l-applikazzjoni ta’ miżuri għall-ġestjoni u l-prevenzjoni ta’ kriżijiet b’rabta mal-frott u l-ħaxix, li l-produzzjoni tagħhom verament mhix prevedibbli. |
(2) |
Jista’ jkun hemm ammont żejjed fis-suq tal-frott u l-ħaxix u dan jista’ jfixkel is-suq b’mod sinifikanti. F’dan il-każ, il-miżuri għall-ġestjoni u l-prevenzjoni ta’ kriżijiet jistgħu jinkludu rtirar mis-suq kif imsemmi fl-Artikolu 103c(2)(a) tar-Regolament (KE) Nru 1234/2007 u fl-Artikolu 75 tar-Regolament ta’ Implimentazzjoni (UE) Nru 543/2011 sabiex jiġu stabbiliti l-prezzijiet għall-produtturi. |
(3) |
Skont l-Artikolu 79(1) tar-Regolament ta’ Implimentazzjoni (UE) Nru 543/2011, l-Anness XI għal dak ir-Regolament jistipula l-ammonti massimi tal-appoġġ għall-prodotti rtirati mis-suq msemmija fih. Dawk l-ammonti għandhom jiġu ffissati sabiex ikun evitat li l-irtirar isir għażla alternattiva permanenti għall-prodotti mqabbla mat-tqegħid tagħhom fis-suq, u biex jiġi żgurat fl-istess waqt li l-irtirar jibqa’ strument effettiv għall-prevenzjoni tal-kriżi u għall-ġestjoni. |
(4) |
Fid-dawl tas-sitwazzjoni tas-suq ta’ bħalissa għall-ħawħ u n-nuċiprisk, u sabiex jittaffa l-impatt ta’ waqgħa f’daqqa tal-prezzijiet dan is-sajf, għandhom isiru l-aġġustamenti fl-ammonti massimi tal-appoġġ għall-irtirar mis-suq tal-ħawħ u n-nuċiprisk. |
(5) |
Jixraq għalhekk li r-Regolament ta’ Implimentazzjoni (UE) Nru 543/2011 jiġi emendat skont dan. |
(6) |
Jixraq li l-ammonti l-ġodda tal-appoġġ japplikaw mid-19 ta’ Lulju 2011 ’il quddiem, bejn wieħed u ieħor id-data li fiha l-waqgħa fil-prezzijiet għall-ħawħ u n-nuċiprisk dehret b’mod sinifikanti. Dan ir-Regolament għandu għalhekk jidħol fis-seħħ fil-jum wara dak tal-pubblikazzjoni tiegħu. |
(7) |
Il-Kumitat ta’ Ġestjoni għall-Organizzazzjoni Komuni tas-Swieq Agrikoli ma tax opinjoni fiż-żmien stipulat mill-President tiegħu, |
ADOTTAT DAN IR-REGOLAMENT:
Artikolu 1
L-Anness XI għar-Regolament (UE) Nru 543/2011 jinbidel bit-test stipulat fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mid-19 ta’ Lulju 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta’ Ottubru 2011.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 157, 15.6.2011, p. 1.
ANNESS
“ANNESS XI
Ammonti massimi ta’ appoġġ għall-irtirar mis-suq kif imsemmi fl-artikolu 79(1)
(EUR/100 kg) |
|
Prodott |
Appoġġ massimu |
Pastard |
10,52 |
Tadam |
7,25 |
Tuffieħ |
13,22 |
Għeneb |
12,03 |
Berquq |
21,26 |
Nuċiprisk |
26,90 |
Ħawħ |
26,90 |
Lanġas |
12,59 |
Brunġiel |
5,96 |
Bettieħ |
6,00 |
Dulliegħ |
6,00 |
Larinġ |
21,00 |
Mandolin |
19,50 |
Klementin |
19,50 |
Satsumi |
19,50 |
Lumi |
19,50 ” |