32011R0898

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 898/2011 - EN - EUR-Lex

Help

Search tips

Need more search options? Use the Advanced search

Document 32011R0898

Regolament ta’ Implimentazzjoni tal-Kummissjoni (UE) Nru 898/2011 tas- 7 ta’ Settembru 2011 li jemenda r-Regolament ta’ Implimentazzjoni (UE) Nru 543/2011 fir-rigward tal-livelli tal-iskattar għad-dazji addizzjonali għat-tadam

ĠU L 231, 8.9.2011, p. 11–12 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 057 P. 256 - 257

Legal status of the document In force

ELI: http://data.europa.eu/eli/reg_impl/2011/898/oj

HTML

PDF

Official Journal

8.9.2011

Il-Ġurnal Uffiċjali tal-Unjoni Ewropea

L 231/11

REGOLAMENT TA’ IMPLIMENTAZZJONI TAL-KUMMISSJONI (UE) Nru 898/2011

tas-7 ta’ Settembru 2011

li jemenda r-Regolament ta’ Implimentazzjoni (UE) Nru 543/2011 fir-rigward tal-livelli tal-iskattar għad-dazji addizzjonali għat-tadam

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS [Ir-Regolament dwar l-OKS Unika]) (1), u b'mod partikolari l-Artikolu 143(b) tiegħu, flimkien mal-Artikolu 4 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) Nru 543/2011 tas-7 ta’ Ġunju 2011 li jistabbilixxi regoli dettaljati għall-applikazzjoni tar-Regolament tal-Kunsill (KE) Nru 1234/2007 għas-setturi tal-frott u l-ħaxix u tal-frott u l-ħaxix ipproċessat (2) jistipula s-sorveljanza tal-importazzjonijiet tal-prodotti elenkati fl-Anesss XVIII tiegħu. Din is-sorveljanza għandha titwettaq skont ir-regoli dettaljati stabbiliti fl-Artikolu 308d tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implimentazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (3).

(2)

Għall-finijiet tal-applikazzjoni tal-Artikolu 5(4) tal-Ftehim dwar l-Agrikoltura (4) konkluż matul in-negozjati kummerċjali multilaterali taċ-ċiklu tal-Urugwaj, u abbażi tal-aħħar dejta disponibbli għall-2008, l-2009 u l-2010, jeħtieġ li jiġi aġġustat il-volum tal-iskattar għad-dazji addizzjonali għat-tadam.

(3)	Huwa xieraq għalhekk li r-Regolament ta’ Implimentazzjoni (UE) Nru 543/2011 jiġi emendat skont dan.

(4)	Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

L-Anness XVIII għar-Regolament ta’ Implimentazzjoni (UE) Nru 543/2011 għandu jinbidel bit-test muri fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fil-jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Għandu jibda japplika mill-1 ta’ Ottubru 2011.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta’ Settembru 2011.

Għall-Kummissjoni

Il-President

José Manuel BARROSO

(1) ĠU L 299, 16.11.2007, p. 1.

(2) ĠU L 157, 15.06.2011, p. 1.

(3) ĠU L 253, 11.10.1993, p. 1.

(4) ĠU L 336, 23.12.1994, p. 22.

ANNESS

“ANNESS XVIII

DAZJI ADDIZZJONALI TAL-IMPORTAZZJONI: TITOLU IV, IL-KAPITOLU I, IT-TAQSIMA 2

Mingħajr preġudizzju għar-regoli dwar l-interpretazzjoni tan-Nomenklatura Magħquda, id-deskrizzjoni tal-prodotti hija kkunsidrata li hija indikattiva biss. Għall-finijiet ta’ dan l-Anness, il-kamp ta’ applikazzjoni tad-dazji addizzjonali huwa determinat abbażi tal-kodiċijiet tan-NM kif ikunu fid-data tal-adozzjoni ta’ dan ir-Regolament.

Numru tas-serje	Kodiċi tan-NM	Deskrizzjoni	Perjodu tal-applikazzjoni	Livelli tal-iskattar (f'tunnellati)
78.0015	0702 00 00	Tadam	Mill-1 ta’ Ottubru sal-31 ta’ Mejju	481 762
78.0020	0702 00 00	Tadam	Mill-1 ta’ Ġunju sat-30 ta’ Settembru	44 251
78.0065	0707 00 05	Ħjar	Mill-1 ta’ Mejju sal-31 ta’ Ottubru	31 289
78.0075	0707 00 05	Ħjar	Mill-1 ta’ Novembru sat-30 ta’ April	26 583
78.0085	0709 90 80	Qaqoċċ	Mill-1 ta’ Novembru sat-30 ta’ Ġunju	17 258
78.0100	0709 90 70	Qarabagħli żgħir	Mill-1 ta’ Jannar sal-31 ta’ Diċembru	57 955
78.0110	0805 10 20	Larinġ	Mill-1 ta’ Diċembru sal-31 ta’ Mejju	368 535
78.0120	0805 20 10	Klementini	Mill-1 ta’ Novembru sal-aħħar ta’ Frar	175 110
78.0130	0805 20 30 0805 20 50 0805 20 70 0805 20 90	Mandolin (inklużi l-varjetajiet tangerines u satsumas); wilkings u ibridi simili taċ-ċitru	Mill-1 ta’ Novembru sal-aħħar ta’ Frar	115 625
78.0155	0805 50 10	Lumi	Mill-1 ta’ Ġunju sal-31 ta’ Diċembru	346 366
78.0160	0805 50 10	Lumi	Mill-1 ta’ Jannar sal-31 ta’ Mejju	88 090
78.0170	0806 10 10	Għeneb tal-mejda	Mill-21 ta’ Lulju sal-20 ta’ Novembru	80 588
78.0175	0808 10 80	Tuffieħ	Mill-1 ta’ Jannar sal-31 ta’ Awwissu	700 556
78.0180	0808 10 80	Tuffieħ	Mill-1 ta’ Settembru sal-31 ta’ Diċembru	65 039
78.0220	0808 20 50	Lanġas	Mill-1 ta’ Jannar sat-30 ta’ April	229 646
78.0235	0808 20 50	Lanġas	Mill-1 ta’ Lulju sal-31 ta’ Diċembru	35 541
78.0250	0809 10 00	Berquq	Mill-1 ta’ Ġunju sal-31 ta’ Lulju	5 794
78.0265	0809 20 95	Ċirasa, għajr iċ-ċirasa qarsa	Mill-21 ta’ Mejju sal-10 ta’ Awwissu	30 783
78.0270	0809 30	Ħawħ, inkluż in-nuċiprisk	Mill-11 ta’ Ġunju sat-30 ta’ Settembru	5 613
78.0280	0809 40 05	Għanbaqar	Mill-11 ta’ Ġunju sat-30 ta’ Settembru	10 293 ”

Top

Choose the experimental features you want to try