Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011R0868

    Regolament ta’ Implimentazzjoni tal-Kummissjoni (UE) Nru 868/2011 tal- 31 ta’ Awwissu 2011 dwar l-awtorizzazzjoni tal-preparazzjoni tal- Lactobacillus plantarum (DSM 21762) u tal-preparazzjoni tal- Lactobacillus buchneri (DSM 22963) bħala addittivi tal-għalf għall-ispeċi tal-annimali kollha Test b’relevanza għaż-ŻEE

    ĠU L 226, 1.9.2011, p. 2–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    ⏵Dan id-dokument ġie ppubblikat f’edizzjoni(jiet) speċjali (HR)

    Legal status of the document No longer in force, Date of end of validity: 23/01/2023; Imħassar b' 32023R0008

    ELI: http://data.europa.eu/eli/reg_impl/2011/868/oj

    1.9.2011   

    MT

    Il-Ġurnal Uffiċjali tal-Unjoni Ewropea

    L 226/2

    REGOLAMENT TA’ IMPLIMENTAZZJONI TAL-KUMMISSJONI (UE) Nru 868/2011

    tal-31 ta’ Awwissu 2011

    dwar l-awtorizzazzjoni tal-preparazzjoni tal-Lactobacillus plantarum (DSM 21762) u tal-preparazzjoni tal-Lactobacillus buchneri (DSM 22963) bħala addittivi tal-għalf għall-ispeċi tal-annimali kollha

    (Test b’relevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutriment tal-annimali u r-raġunijiet u l-proċeduri għall-għoti ta’ din l-awtorizzazzjoni.

    (2)

    Skont l-Artikolu 7 tar-Regolament (KE) Nru 1831/2003, l-applikazzjonijiet ġew sottomessi għall-awtorizzazzjoni tal-preparazzjoni tal-Lactobacillus plantarum (DSM 21762) u tal-preparazzjoni tal-Lactobacillus buchneri (DSM 22963). Dawk l-applikazzjonijiet kienu akkumpanjati bid-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003.

    (3)

    L-applikazzjonijiet jikkonċernaw l-awtorizzazzjoni tal-preparazzjoni tal-Lactobacillus plantarum (DSM 21762) u tal-preparazzjoni tal-Lactobacillus buchneri (DSM 22963) bħala addittivi tal-għalf għall-ispeċi tal-annimali kollha, li għandhom jiġu klassifikati fil-kategorija tal-addittivi "addittivi teknoloġiċi".

    (4)

    L-Awtorità Ewropea dwar is-Sigurta fl-Ikel ("l-Awtorità"), fl-opinjoni tagħha tal-15 ta' Marzu 2011 (2), ikkonkludiet li l-Lactobacillus plantarum (DSM 21762) ma għandux effett ta' ħsara fuq is-saħħa tal-annimali, is-saħħa tal-bniedem jew l-ambjent, u li din il-preparazzjoni għandha l-potenzjal li ttejjeb il-produzzjoni tal-ħżin tal-ħaxix mill-foraġġi kollha billi tnaqqas il-pH u żżid il-preservazzjoni tal-materja niexfa. L-Awtorità tqis li wara t-tqegħid fis-suq ma hemmx bżonn ta' ħtiġijiet speċifiċi ta’ monitoraġġ. Hija vverifikat ukoll ir-rapport dwar il-metodu ta’ analiżi tal-addittivi fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

    (5)

    L-Awtorità Ewropea dwar is-Sigurta fl-Ikel ("l-Awtorità"), fl-opinjoni tagħha tas-7 ta' April 2011 (3), ikkonkludiet li l-Lactobacillus buchneri (DSM 22963) ma għandux effett ta' ħsara fuq is-saħħa tal-annimali, is-saħħa tal-bniedem u l-ambjent, u li din il-preparazzjoni għandha l-potenzjal li ttejjeb il-produzzjoni tal-ħżin tal-ħaxix billi żżid il-produzzjoni ta' aċidu aċetiku. L-Awtorità tqis li wara t-tqegħid fis-suq ma hemmx bżonn ta' ħtiġijiet speċifiċi ta’ monitoraġġ. Hija vverifikat ukoll ir-rapport dwar il-metodu ta’ analiżi tal-addittivi fl-għalf imressaq mil-Laboratorju Komunitarju ta’ Referenza stabbilit bir-Regolament (KE) Nru 1831/2003.

    (6)

    L-evalwazzjoni tal-preparazzjoni tal-Lactobacillus plantarum (DSM 21762) u tal-preparazzjoni tal-Lactobacillus buchneri (DSM 22963) turi li l-kondizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma sodisfatti. Konsegwentement, l-użu ta’ dawn il-preparazzjonijiet għandu jiġi awtorizzat kif speċifikat fl-Anness ma' dan ir-Regolament.

    (7)

    Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

    ADOTTAT DAN IR-REGOLAMENT:

    Artikolu 1

    Il-preparazzjonijiet speċifikati fl-Anness, li jifformaw parti mill-kategorija ta’ addittivi "addittivi teknoloġiċi" u mill-grupp funzjonali "addittivi tal-ħżin tal-ħaxix", huma awtorizzati bħala addittivi fin-nutrizzjoni tal-annimali suġġetti għall-kondizzjonijiet stipulati f’dak l-Anness.

    Artikolu 2

    Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.

    Magħmul fi Brussell, il-31 ta’ Awwissu 2011.

    Għall-Kummissjoni

    Il-President

    José Manuel BARROSO

    (1)  ĠU L 268, 18.10.2003, p. 29.

    (2)  EFSA Journal 2011; 9(3):2113.

    (3)  EFSA Journal 2011; 9(4):2138.

    ANNESS

    Numru ta' identifikazzjoni tal-addittiv

    L-isem tad-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku.

    Speċi jew kategorija ta' annimal

    Età massima

    Kontenut minimu

    Kontenut massimu

    Dispożizzjonijiet oħrajn

    Tmiem il-perjodu ta' awtorizzazzjoni

    CFU /kg ta' materjal organiku

    Kategorija ta’ addittivi teknoloġiċi. Grupp funzjonali: additivi tal-ħżin tal-ħaxix.

    1k2071

    —

    Lactobacillus plantarum (DSM 21762)

     

    Kompożizzjoni tal-addittiv:

    Preparazzjoni tal-Lactobacillus plantarum (DSM 21762) li jkollha minimu ta' 5 × 1011 CFU/g ta' addittiv

     

    Karatterizzazzjoni tas-sustanza attiva:

    Lactobacillus plantarum (DSM 21762)

     

    Metodu analitiku  (1)

     

    L-enumerazzjoni: Metodu tat-tferrigħ: EN 15787

     

    Identifikazzjoni: Elettroforeżi bil-Ġell f'Kamp Pulsat (PFGE).

    L-ispeċi tal-annimali kollha

    —

    1 × 108

    —

    1.

    Fl-istruzzjonijiet għall-użu tal-addittiv u t-taħlita minn qabel, indika t-temperatura li fiha għandu jinħażen, u kemm jista' jdum maħżun.

    2.

    Id-doża minima tal-addittiv tista' tiġi adattata meta użata ma' mikroorganiżmi oħrajn bħala addittivi tal-ħżin tal-ħaxix.

    3.

    Għas-sikurezza: huwa rakkomandat li tintuża protezzjoni għall-imnifsejn u par ingwanti waqt li jkun qed jiġi mmaniġġjat.

    il-21 ta' Settembru 2021

    1k2072

    —

    Lactobacillus buchneri (DSM 22963)

     

    Kompożizzjoni tal-addittiv:

    Preparazzjoni tal-Lactobacillus buchneri (DSM 22963) li jkollha minimu ta' 5 × 1011 CFU/g ta' addittiv

     

    Karatterizzazzjoni tas-sustanza attiva:

    Lactobacillus buchneri (DSM 22963)

     

    Metodu analitiku  (1)

     

    L-enumerazzjoni:

     

    Metodu tat-tferrigħ EN 15787

     

    Identifikazzjoni: Elettroforeżi bil-Ġell f'Kamp Pulsat (PFGE)

    L-ispeċi tal-annimali kollha

    —

    1 × 108

    —

    1.

    Fl-istruzzjonijiet għall-użu tal-addittiv u t-taħlita ta' qabel, indika t-temperatura li fiha għandu jinħażen, u kemm jista' jdum maħżun.

    2.

    Id-doża minima tal-addittiv tista' tiġi adottata meta użata ma' mikroorganiżmi oħrajn bħala addittivi tal-ħżin tal-ħaxix.

    3.

    Għas-sikurezza: huwa rakkomandat li tintuża protezzjoni għall-imnifsejn u par ingwanti waqt li jkun qed jiġi mmaniġġjat.

    il-21 ta' Settembru 2021

    (1)  Dettalji tal-metodi analitiċi huma disponibbli fl-indirizz li ġej tal-Laboratorju Komunitarju ta' Referenza: http://irmm.jrc.ec.europa.eu/EURLs/EURL_feed_additives/Pages/index.aspx

    Top