EUR-Lex Access to European Union law
This document is an excerpt from the EUR-Lex website
Document 32011R0660
Council Regulation (EU) No 660/2011 of 9 June 2011 concerning the allocation of fishing opportunities under the Protocol agreed between the European Union and the Republic of Cape Verde setting out the fishing opportunities and the financial contribution provided for in the Fisheries Partnership Agreement between the two parties currently in force
Regolament tal-Kunsill (UE) Nru 660/2011 tad- 9 ta’ Ġunju 2011 dwar l-allokazzjoni tal-opportunitajiet tas-sajd skont il-Protokoll maqbul bejn l-Unjoni Ewropea u r-Repubblika tal-Kap Verde li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija fis-settur tas-sajd fis-seħħ bejn iż-żewġ partijiet
Regolament tal-Kunsill (UE) Nru 660/2011 tad- 9 ta’ Ġunju 2011 dwar l-allokazzjoni tal-opportunitajiet tas-sajd skont il-Protokoll maqbul bejn l-Unjoni Ewropea u r-Repubblika tal-Kap Verde li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija fis-settur tas-sajd fis-seħħ bejn iż-żewġ partijiet
ĠU L 181, 9.7.2011, p. 20–21
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
9.7.2011 |
MT |
Il-Ġurnal Uffiċjali tal-Unjoni Ewropea |
L 181/20 |
REGOLAMENT TAL-KUNSILL (UE) Nru 660/2011
tad-9 ta’ Ġunju 2011
dwar l-allokazzjoni tal-opportunitajiet tas-sajd skont il-Protokoll maqbul bejn l-Unjoni Ewropea u r-Repubblika tal-Kap Verde li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija fis-settur tas-sajd fis-seħħ bejn iż-żewġ partijiet
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Fid-19 ta’ Diċembru 2006, il-Kunsill adotta r-Regolament tal-Kunsill (KE) Nru 2027/2006 dwar il-konklużjoni tal-Ftehim ta’ Sħubija fis-settur tas-Sajd bejn il-Komunità Ewropea u r-Repubblika ta’ Kap Verde (1) (minn hawn ‘il quddiem imsejjaħ “Ftehim ta’ Sħubija”), |
(2) |
Fit-22 ta’ Diċembru 2010 ġie inizjalat protokoll ġdid għall-Ftehim ta’ Sħubija (minn hawn ‘il quddiem imsejjaħ “il-Protokoll il-ġdid”). Il-Protokoll il-ġdid jagħti lill-bastimenti tal-UE opportunitajiet ta’ sajd fl-ilmijiet li fihom il-Kap Verde teżerċita s-sovranità jew il-ġurisdizzjoni tagħha fuq is-sajd. |
(3) |
Fid-9 ta’ Ġunju 2011, il-Kunsill adotta d-Deċiżjoni 2011/405/UE (2) dwar l-iffirmar u l-applikazzjoni provviżorja tal-Protokoll il-ġdid. |
(4) |
Huwa importanti li jkun iddefinit il-mod li bih jiġu allokati l-opportunitajiet ta’ sajd bejn l-Istati Membri għal matul il-perijodu ta’ applikazzjoni tal-Protokoll il-ġdid. |
(5) |
Skont l-Artikolu 10(1) tar-Regolament tal-Kunsill (KE) Nru 1006/2008 tad-29 ta’ Settembru 2008 dwar l-awtorizzazzjonijiet għall-attivitajiet tas-sajd għall-bastimenti tas-sajd tal-Komunità barra mill-ilmijiet tal-Komunità u l-aċċess ta’ bastimenti tal-pajjiżi terzi għall-ilmijiet tal-Komunità (3), f’każ li l-opportunitajiet ta’ sajd allokati lill-Unjoni skont il-Protokoll ma jkunux użati totalment, il-Kummissjoni għandha tinforma lill-Istati Membri kkonċernati. In-nuqqas ta’ tweġiba sal-iskadenza stabbilita mill-Kunsill għandu jitqies bħala konferma li l-bastimenti tal-Istat Membru kkonċernat mhux qed jagħmlu użu sħiħ mill-opportunitajiet tas-sajd tagħhom fil-perijodu kkunsidrat. Jeħtieġ li din l-iskadenza tkun stabbilita. |
(6) |
Billi l-Protokoll fis-seħħ jiskadi fil-31 ta’ Awwissu 2011, jeħtieġ li dan ir-Regolament jidħol fis-seħħ fl-ewwel jum wara dak tal-pubblikazzjoni tiegħu f’Il Ġurnal Uffiċjali tal-Unjoni Ewropea u japplika mill-1 ta’ Settembru 2011, |
ADOTTA DAN IR-REGOLAMENT:
Artikolu 1
1. Il-possibbiltajiet ta’ sajd stabbiliti mill-Protokoll maqbul bejn l-Unjoni Ewropea u r-Repubblika tal-Kap Verde li jistabbilixxi l-opportunitajiet tas-sajd u l-kontribuzzjoni finanzjarja previsti mill-Ftehim ta’ Sħubija dwar is-sajd fis-seħħ bejn iż-żewġ partijiet (minn hawn ‘il quddiem imsejjaħ “il-Protokoll”) għandhom jiġu allokati kif ġej bejn l-Istati Membri:
(a) |
Bastimenti tas-sajd għat-tonn bit-tartarun
|
(b) |
bastimenti tas-sajd bil-konz tal-wiċċ
|
(c) |
Bastimenti tas-sajd għat-tonn bil-qasab u x-xlief
|
2. Ir-Regolament (KE) Nru 1006/2008 għandu japplika mingħajr preġudizzju għall-Ftehim ta’ Sħubija fis-settur tas-Sajd bejn il-Komunità Ewropea u r-Repubblika tal-Kap Verde.
3. Jekk it-talbiet għall-awtorizzazzjoni tas-sajd mill-Istati Membri msemmija fil-paragrafu 1 ma jkoprux l-opportunitajiet kollha tas-sajd stabbiliti bil-Protokoll, il-Kummissjoni għandha tikkunsidra t-talbiet għall-awtorizzazzjoni tas-sajd minn kwalunkwe Stat Membru ieħor, skont l-Artikolu 10 tar-Regolament (KE) Nru 1006/2008.
L-iskadenza msemmija fl-Artikolu 10(1) ta’ dak ir-Regolament għandha tiġi stabbilita għal għaxart ijiem ta’ xogħol.
Artikolu 2
Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Settembru 2011.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, id-9 ta’ Ġunju 2011.
Għall-Kunsill
Il-President
PINTÉR S.
(1) ĠU L 414, 30.12.2006, p. 1.
(2) Ara paġna 1 ta’ dan il-Ġurnal Uffiċjali.
(3) ĠU L 286, 29.10.2008, p. 33.